Jeremias 20:18 - Maung A Balita Biblia

¹⁸ Akin et nianak ak? Pian kasi manirap ak labat tan manermen ak labat tan mansamput ed kapelag ed kababaingan so bilay ko?

Maung a Balita Biblia

¹⁸ Akin et nianak ak? Pian kasi manirap ak labat tan manermen ak labat tan mansamput ed kapelag ed kababaingan so bilay ko?

Jeremias 20:18 Iomraidhean Croise

1 Saray Arari 19:4

tan nanakar a sanagew ed kalawakan. Tinmonda tan inmirung ed silong na sakey a kiew tan labay to la komun so ompatey. Nampikasi, “Alablabas la ya, Katawan. Babawim lay bilay ko, ta singa ak met la lamlamang inatey!”

Say Libro nen Job 14:1

“Nianak a makapoy so too; antikey tan magunigon so bilay to.

Say Libro nen Job 14:13

Iyamut mo ak komun ed pasen a panaayaman da ray inaatey; iyamut mo ak diman ya anggad napakepay pasnuk mo, insan iganam so panaon a nunoten mo ak.

Say Libro nen Job 3:20

Akin et mambilay ni ray totoon maniirap? Akin et naitdan niy liwawa iray totoon maneermen?

Say Libro nen Job 5:7

Ingen manlapud sikato met lamlamang so gunigon na too, a singa panlalapud apoy na saray talagsik.

Saray Salmo 102:3

Nanaandipat a singa asewek so bilay ko; ondadalang a singa apoy so laman ko.

Saray Salmo 69:19

Kabat moy pakababaingan ko, say pakapepelag kod kababaingan tan pakaluludlurey ko; nanenengneng mo ray amin a kalaban ko.

Isaias 1:6

Maletey so intiron laman mo. Aliber so laman mo na saray sugat, giri, tan saray tinmeterak a larag. Ag alinisan o aberber iray sugat mo. Ag ira anggan nainan na tambal.

Isaias 51:7

“Dengel yo ak, sikayon makaamta na inkatonung, sikayo ran mabmabli ed puso, yoy bangat ko. Ag kayo natatakot no balbalawen tan pabpabaingan kayo na saray totoo;

Jeremias 15:10

Pangaskasiyay kipapasen ko! Akin et impaway ak ni na inak ed sayan mundo? Akin et nianak ak a mikolkol tan misangsangan ed balang sakey diad bansa? Ag ak mampapabayes na kuarta odino ombabayes ed siopaman; balet isasamba ak na balang sakey.

Jeremias 15:18

Akin et ag mansamput so paniirap ko? Akin et ag onabig iray sugat ko? Getmam ta ya ekalan ak na biskeg na linawa a singa kolus a nanaekatan no tiagew?”

Jeremias 3:25

Nepeg miy onlereg ed kababaingan tan tabunan kamiy kabandayan. Nanlapu lad impanogaw mi, saray lalaki mi tan sikami et nankasalanan ed Katawan a Dios mi; ag mi inonur iray ganggan to.”

Jeremias 8:18

Ag napaabig so kaermenan ko; walay sakit ko diad pusok.

Saray Tagleey 1:12

“Nengneng yo ak,” eyag na siudad ed balang ondadalan. “Anggapoy singa siak diad panliliknak na kairapan, Say kairapan ya impalikna na Katawan ed siak nen ampetang so olo to.

Saray Tagleey 3:1

Siak so sakey ed saray makaamta no antoy kabaliksan na pananusa na Dios.

Habacuc 1:3

Akin et inabuloyan mon nanengneng koy ontan a gunigon? Panon mon nitepel so onnengneng ed satan a maoges a nagagawa? Panagderal tan inkaruksa so nagagawa ed kaliber-liber ko, tan walay kolkolan tan panlalaban ed anggan iner a pasen.

Juan 16:20

Ibabagak ed sikayoy katwaan: mannangis tan manermen kayo, balet manliket so sankamundoan. Manermen kayo, balet magmaliw a liket so ermen yo.

Saray Gawgawa 5:41

Maliket iray apostol a tinmaynan ed arap na Sanidrin, lapud impasey Dios a manepeg iran manirap na kababaingan lapud ngaran nen Jesus.

2 Timoteo 1:12

tan sikato yay makasengeg ya onya lay paniirap ko. Anggaman ontan, ag ko ibabaing yay nagagawad siak ta amtak no siopay panmamatalkan ko tan ag ko panduaruwaan a naasikaso ton maung, anggad saman ya Agew, so inmatalek kod sikato.

Saray Hebreo 10:36

Nakaukolan a mananos kayo, pian nasumpal yoy linaway Dios tan naawat yoy insipan to.

Saray Hebreo 11:36

Wala rad sikaray sinisiplatan tan niluludlurey, tan wala ra met ed sikaray binabalur tan impripriso.

Saray Hebreo 12:2

Ag tayo nepeg ya alisay mata si Jesus a sikatoy nanlapwan tan pansumpalay pananisia tayo. Lapud liket a manaalagar ed sikato, ag to imbaing so ompatey ed krus, tan akayorung natan ed nikawanay trono na Dios.

Saray Hebreo 13:13

Kanyan onla itayod sikato diad paway na kampo tan minabang ti met ed kababaingan to.