Jeremias 20:12 - Maung A Balita Biblia

¹² Balet, Katawan a Makapanyarin-amin, maptek so panusubok mod saray totoo; amtam no anto ray walad puso tan kanunotan da. Iyabuloy mo pan nanengneng koy ibawim ed saray kalaban ko, ta impalimak ed sika so kipapasen ko.

Maung a Balita Biblia

¹² Balet, Katawan a Makapanyarin-amin, maptek so panusubok mod saray totoo; amtam no anto ray walad puso tan kanunotan da. Iyabuloy mo pan nanengneng koy ibawim ed saray kalaban ko, ta impalimak ed sika so kipapasen ko.

Jeremias 20:12 Iomraidhean Croise

2 Saray Awaran 24:22

Alingwanan na ari so matoor ya impanlingkur ed sikato nen Joiada ya ama nen Zacarias, kanyan impapatey toy Zacarias. Nen ompapatey si Zacarias, inmeyag, “Nanengneng komun na Katawan so gagawaen yo tan dusaen to kayo!”

Saray Salmo 11:5

Say Katawan sasalaysayen to ray matonung tan saray maoges a totoo; kabkabosul to ray totoon maruksa.

Saray Salmo 139:23

Sokayan mo ak pa, Katawan, tan amtaen moy walad isip ko; subok mo ak, tan amtaen mo so walad kanunotan ko.

Saray Salmo 17:3

Sinokayan moy pusok. Dinago mo ak ed labi; sigput mo ak a sinubok, et anggapoy arumog mod siak a maoges a pilalek. Ag ak mansasalitay kaogsan

Saray Salmo 54:7

Inyagel mo ak ed amin da ray gunigon ko, tan anengneng kon atalo ray kalaban ko.

Saray Salmo 58:10

Manggayaga iray totoon matonung no nanengneng dan nadudusa ray makasalanan; manyakyak irad dala da ray managgaway kaogsan.

Saray Salmo 59:10

Inaro ak na Dios ko tan dagoen to ak; ipanengneng tod siak so katalo na saray kalaban ko.

Saray Salmo 62:8

Sikayon totook, manmatalek kayod Dios diad amin a panaon. Ibaga yod sikatoy amin a gunigon yo, ta sikatoy salimbeng tayo.

Saray Salmo 7:9

Matonung kan Dios tan sisintinsiaan moy kanunotan tan pilalek mi. Patondam pay kaogsan da ray totoon maoges tan tumangan mo pa ray maung a totoo.

Saray Salmo 86:4

Paliket mo ak pa a managlingkur mo, Katawan, ta ontatagey iray pikakasik ed sika.

Isaias 37:14

Inawat nen Ari Ezekias so sulat ed lima na saramay imbaki na impirador tan binasa to. Insan linmad Timplo, inyan tod man imay sulat diad arap na Katawan,

Isaias 38:14

Melmelag tan makapkapoy lay bosis ko, Tan managlem ak a singa malapati. Diad kanenengneng kod tawen naksawan lay matak. Katawan, agwat mo ak pad sayan gunigon.

Jeremias 11:20

Insan nampikasi ak, “Katawan a Makapanyarin-amin, sakey kan matonung a huis; susuboken moy kanunotan tan say liknaan da ray totoo. Iyabuloy mo pan nanengneng ta kan ombawid sarayan totoo, lapud sikay angimatalkan kod kipapasen ko.”

Jeremias 12:8

Saray totoon pinilik sinumpa da ak; singa ra lion ed katakelan nangwam irad siak, kanyan kabosul ko ra.

Jeremias 17:10

Siak, say Katawan, sokayan ko ray kanunotan tan suboken ko ray puso da ray totoo. Tumangan ko so balang too onung na panagbilay to, onung na gagawaen to.”

Jeremias 17:18

Ipelag mo pad kababaingan iray mamapairap ed siak, balet ipaliis mo ak pa, Katawan. Patakot mo pa ra, balet ag mo ak tataktakoten. Iyakar mo pad sikaray deral tan mekmek mo ra.

1 Pedro 2:23

Nen pinapabaingan da, ag to ra pinabaingan. Nen pinapairap da, ag to ra tinaktakot, no ag ingen nanmatalek ed Dios a maptek so panagsintinsia to.

1 Pedro 4:19

Kanyan saray manirap onung ed linaway Dios nepeg a manmatalek irad matoor a Manamalsa. Imatalek day intiron bilay dad sikato diad panamegley na panggawa ray maung a bengatla.

Puyan 18:20

Manliket ka, O tawen, ta aderal la! Manliket kayo, sikayo ran totoon piniliy Dios, sikayo ran apostol, tan sikayo ran propita! Ta sinintinsiaan la na Dios lapud ginagawa tod sikayo!

Puyan 2:23

Pateyen ko met iray anak to, pian naamtaan na saray iglisia a siak so makaamta ed puso tan kanunotan da ray katoowan. Mangiter ak ed balang sakey ed sikayo, onung ed saray gawgawa to.

Puyan 6:10

Ineyag day makmaksil, “Katawan a Makapanyarin-amin, masanto tan matwa! Panoy kabayag mi nin manalagar ed panintinsiam ed saray katoowan diad tapew na dalin tan say panusam ed sikara lapud impamapatey dad sikami?”

1 Samuel 1:15

Inmebat, “Aliwak ak pan abuek. Ag ak inminom na alak no ag ingen maermen ak a maung. Mampipikasi ak tan ibabagak ed Katawan iray gunigon ko.