Jeremias 2:25 - Maung A Balita Biblia

²⁵ Israel, ag mo la paniirapen so salim odino pamamagaan so kolokolong mo diad iyosil mod saray diriyos. Balet kuanmo, ‘Andi! Ag ko la nababawi. Inarok iray diriyos na saray arum a bansa tan sikaray tombuken ko.’”

Maung a Balita Biblia

²⁵ Israel, ag mo la paniirapen so salim odino pamamagaan so kolokolong mo diad iyosil mod saray diriyos. Balet kuanmo, Andi! Ag ko la nababawi. Inarok iray diriyos na saray arum a bansa tan sikaray tombuken ko.

Jeremias 2:25 Iomraidhean Croise

2 Saray Awaran 28:22

Nen mapalalo lay segsegang nen Acaz, inaruman to niy ginawa ton kasalanan ed Katawan.

2 Saray Awaran 28:23

Nambabagat ed diriyos na saray Siriano ya analod sikato. Inkuanto, “Saray diriyos da ray Siriano et tinulongan da ray ararid Siria, kanyan no mangibagat ak ed sikara nayarin, tulongan da ak met.” Lapud saya sinmabiy deral ed sikato tan say bansa to.

Isaias 2:6

O Dios, inkaindan mo ray totoom, saray kabyangay boleg nen Jacob! Ginawam so onya lapud say bansa et napno na saray managaniton salamangkiro a taga ra Bokig tan taga ra Filistia. Aaligen na saray totoo so ogali da ray taga arum a bansa.

Isaias 57:10

Pakekesawen yoy sikayon dili diad panaanap yo na arum a diriyos, balet ag yo totondaan so mananap. Nununoten yo a pabibiskegen kayo na saray mabambanday a talintao yo, kanyan ag kayon balut nakekesawan.

Jeremias 13:21

Antoy ibagam no saray totoon abaloan mon kakaarom et dakepen tan oleyan da ka? Manirap kan singa biin manaanak.

Jeremias 13:22

No tepeten mo no akin et agawad sika ya, no akin et apilat-pilat so kawes mo tan sikay apasoot, say makasengeg et lapud mapalalo so kasalanan mo.

Jeremias 14:10

Say Katawan kuanto nipaakar ed sarayan totoo, “Inaro ra so ontaynan ed siak tan ag da pokpokan so sikaran dili. Kanyan sirin, ag ak manliket ed sikara. Nunoten ko ray maoges a ginagawa ra tan dusaen ko ra lapud saray kasalanan da.”

Jeremias 18:12

Say iyebat da, ‘Andi! Akin ey? Paaweten mi so puso mi tan gawaen miy maoges onung na kaliktan mi!’”

Jeremias 2:31

Dengel kayod ibagak, amin yon totood Israel. Nagmaliw ak ta a singa kalawakan ed sikayo odino singa dalin ya ambilonget tan walay kaatapan? Akin sirin, totook, et ibabaga yon gawaen yoy labay yo, tan ag kayo la ompawil ed siak?

Jeremias 22:20

Totood Jerusalem, kalab kayod Palandey na Libano tan eyag kayo, laka yod dalin na Basan tan mankolyaot kayo; eyag kayon manlapud saray palandey na Moab, ta atalo lan amin iray kagampi yo.

Jeremias 22:21

Nansalita so Katawan ed sikayo nen maaligwas so kipapasen yo, balet ag kayo dinmengel. Onya so ginawa yo nanlapu la nen wala ki nid kalangweran; ag kayon balut ononur ed Katawan.

Jeremias 3:13

Birbir mo labat a nankasalanan ka, tan sinmumpa ka ed Katawan a Dios mo. Ipatwam a diad silong na balang mabonan kiew, inter moy panangarom ed diriyos da ray arum a bansa, tan ag mo inonur iray ganggan ko. Siak, say Katawan, so nansalita.

Jeremias 44:17

Sumpalen mi ray amin ya imbaga min gawaen. Mangibagat kamid diosa mi, say Riyna na Tawen tan mangisaklang kamid sikato na bagat ya alak, a singa samay ginagawa mid saray baley na Juda tan diad saray dalan ed Jerusalem, ta onya met so ginagawa na lalaki mi, saray arari tan saray pangulo mi. Daakan ed saman a panaon iray kakanen mi, maaligwas kami, tan anggapo ray gunigon mi.

Saray Tagleey 1:2

Mannangnangis lawas; managagos ed aping toy lua. Diad amin da ray angaaro ed sikato nen saman, anggapoy manligliwa ed sikato ya anggan sakey ed sikara. Nantraidoran na saray kagampi to tan kalaban to ran amin natan.

Saray Tagleey 4:4

Inabuloyan dan inaatey ed eras tan inkapgaan iray anak dan kapangyanak; mikekerew na nakan iray anak da, balet anggapoy mangiter ed sikara.

Ezekiel 20:32

Ginetma yo lan magmaliw kayon singa saray arum a bansa, singa saray totoon mambibilay ed arum a bansa tan mangigagalang irad saray kiew tan saray baton-dampay. Balet ag balut itan nasumpal a kanunotan yo.

Oseas 2:3

No ag to tondaan so gagawaen to, lakseban ko tan paolyan kon singa kapawapaway tod eges na ina to. Pagmaliwen kon singa kalawakan a kinmelang, et ompatey ed kaapgaan.

Malakias 3:14

Inkuanyo, ‘Andi-kakanaan so manlingkur ed Dios. Antoy kana na panumpal na saray salita to odino say pangipanengneng tayod Katawan a Makapanyarin-amin a sikatayoy maermen lapud saray ginagawa tayo?

Lucas 15:22

Balet tinawag nen ama ray katulong to tan inkuanto, ‘Ganatan yo! Awit yo diay sankarakepan a kawes tan isolung yod sikato. Solungan yoy singsing tan itdan yoy sandalya.

Lucas 16:24

Inkuanton iningal, ‘Ama Abraham, kasian mo ak pa! Ibakim pay Lazaro ya idelnet toy ngoroy tamoro tod danum ta pabtelan toy dilak, ta agaylay paniirap kod sayan apoy!’

Saray Taga Roma 8:24

Lapud ilalo nilaban iti la. No nanenengneng tiy iilaloan tayo, aliwan petepeteg ya ilalo. Siopay manilalo nid nanenengneng to la?

Deuteronomio 28:48

Kanyan sirin panlingkuran yo ray kalaban yo a say Katawan et ibaki to ran mibakal ed sikayo. Naerasan, naapgaan kayo, tan naandian kayoy ikawes—amin a nakaukolan yo. Pairapen kayon mapalalo na Katawan ya anggad ompatey kayo.

Deuteronomio 32:16

Lapud impangigalang dad saray arum a diriyos angimon so Katawan; akapasnuk lapud saray ginagawa ran kaogsan.