Jeremias 2:19 - Maung A Balita Biblia

¹⁹ Dusaen ka na dilin kaogsan mo; deralen ka na impangikaindan mod siak. Naamtaan mo no panoy kapaitan tan kaogsan na pangikaindan ed siak a Katawan a Dios mo, tan say ag mo pansiansian matoor ed siak. Siak, say Katawan a Dios a Makapanyarin-amin, so nansalita.”

Maung a Balita Biblia

¹⁹ Dusaen ka na dilin kaogsan mo; deralen ka na impangikaindan mod siak. Naamtaan mo no panoy kapaitan tan kaogsan na pangikaindan ed siak a Katawan a Dios mo, tan say ag mo pansiansian matoor ed siak. Siak, say Katawan a Dios a Makapanyarin-amin, so nansalita.

Jeremias 2:19 Iomraidhean Croise

1 Saray Arari 18:18

“Aliwan siak so managgunigon,” ebat nen Elias. “Sika—sika tan si amam. Ag mo oonuren iray ganggan na Katawan tan igagalang mo ray talintao nen Baal.

2 Saray Awaran 12:5

Linmay propita Semaya ed kinen Ari Roboam tan saray pangulo na Juda a nantitipon ed Jerusalem, ta ibabatikan day Sisak. Inkuantod sikara, “Saya so papaibaga na Katawan ed sikayo: ‘Inkaindan yo ak, kanyan natan inkaindan ta kayo ed lima nen Sisak.’”

2 Saray Awaran 21:10

Nanlapud saman andi lad silong na pakaoley na Juda so Edom. Diad saman met a panaon, linmaban met ed Juda so siudad na Libna, lapud inkaindan nen Jehoram so Katawan, say Dios na saray lalaki to.

2 Saray Awaran 25:16

Tinepet nen Amasias, “Kapigan lay impanggawa mid sikan sumisimbawa na ari? Tonda ka lan mansalita, ta no andi papatey ta ka!” Tinmonda may propita kayari ton inkuan, “Amtak la natan a ginetma lay Dios a deralen to ka, lapud ginawam ira yan amin tan ag mo dinengel so simbawak.”

Saray Salmo 36:1

Say kasalanan mansasalita ed otel na pusoy toon maoges; ipopolisay toy Dios tan ag to igagalang.

Exodo 33:6

Kanyan nen tinaynan na saray Israelita so Palandey na Sinai, ag la ra nankanay alahas.

Probirbio 1:31

Lapud saya, anien yoy bungay ginawa yo, tan deryaen kayo lamlamang na dilin kagagawa yo.

Probirbio 1:32

Ompapatey iray totoon anggapoy salsalid panagbilay lapud ipopolisay day kakabatan. Nadederal iray totoon makulang-kulang lapud ag ira mangasasikaso.

Probirbio 5:22

Sakey a patit iray kasalanan na maoges a too. Naerel so maoges a too ed iket na dilin kasalanan to.

Isaias 3:9

Nisingil ed sikara so panaglabi ra. Maparontal iran mankakasalanan a singa impankasalanan na saray totood Sodoma. Pangaskasiyan ira. Sikara met ni lamlamang so nanlapwan na pakadusa ra.

Isaias 5:5

“Onya so gawaen kod samay kaubasan ko: Baguten ko ray dikad kaliber-liber to, igebak iray padir a mangyaagel, tan abuloyan ko ray ayayep ed katakelan a mambuwag tan manggatin-gatin ed kaubasan ko.

Isaias 50:1

Say Katawan kuanto, “Abaloan yo amon pinataynan ko ray totook a singa sakey a lakin angisian na asawa to? Kawalaan sirin na saray kasulatan na impansian? Abaloan yo amon inlako ta kayo ed inkadakep a singa sakey a too ya inlako ton aripen iray anak to? Andi, adakep kayod arawi lapud saray kasalanan yo; apataynan kayod arawi lapud saray kaogsan a ginagawa yo.

Jeremias 1:16

Dusaen ko ray totook lapud nankasalanan ira; inkaindan da ak, nansasaklang iray bagat ed saray diriyos, tan inggagalang da ray ginagawa ran talintaoy diriyos.

Jeremias 13:22

No tepeten mo no akin et agawad sika ya, no akin et apilat-pilat so kawes mo tan sikay apasoot, say makasengeg et lapud mapalalo so kasalanan mo.

Jeremias 2:17

Israel, sika so nansengegan ed saya! Inkaindan mo ak a Katawan a Dios mo, legan ya iwawanwan ta kad dalan.

Jeremias 3:22

Pawil kayo, amin yon angikaindan ed Katawan; paabigen to kayo, tan pagmaliwen to kayon matoor. Ikuanyo, “On, onsisingger kamid Katawan, ta sikatoy Katawan a Dios mi.

Jeremias 4:18

Juda, sika met ni lamlamang so nanlapwan ed saya lapud impanbilay mo tan lapud saray ginagawam. Say kasalanan mo so makasengeg ed sayan kairapan; tinoruk ton tinalus so pusom.

Jeremias 5:22

Siak so Katawan; akin et ag yo ak takotan? Akin et ag kayo onggiwgiw ed arap ko? Impasen koy kabueran a ketegan na dayat, sakey a mansiansian ketegan ya ag to nalabsanan. Onsipwak iray daluyon to, balet ag to nalabsanan so kabueran; onungol iray daluyon to, balet ag to napalumbasan.

Jeremias 5:24

Ag yon balut ninunot a pagalangan ak, anggaman a siak so mangiiter na oran ed tiagew tan say oran ed nepnep tan siak so mangiiter a tinaon na panaon na panagani.

Jeremias 5:6

Lapud saya pateyen ira na saray lion a manlapud takel; bingbingkasen ira na saray asod katakelan a manlapud kalawakan; onloob ed saray baley da iray liopardo. Siopaman ed sikara so ompaway nabingbingkas ta amayamay lay kasalanan da, tan amimpiga-piga la ran inmaarawi ed Dios.

Jeremias 7:19

Balet siak kasiy napapasakitan da? Andi, say sikaran dili so papasakitan da, tan ipepelag day sikaran dili ed kababaingan.

Jeremias 8:5

Totook, akin et onaarawi kayod siak tan ag kayo ompawil? Ag kayo oniikban ed saray talintaoy diriyos yo tan ag yo labay so ompawil ed siak.

Ezekiel 23:30

lapud maoges a kaliktan na laman mo tan lapud panagkaloguran mo. Marotak a bii so pasen mod saray bansa tan dinotakan moy sikan dili lapud saray talintaoy diriyos da.

Ezekiel 39:24

Inter kod sikara so kanepegan dan dusa lapud inkarotak tan inkaoges da, insan inkaindan ko ra.”

Oseas 11:7

Impasoot day ontaynan ed siak. Oneyag ira lapud pakod tenger da, balet anggapoy mangekal na samay pako ra.

Oseas 13:9

“Deralen ta kayo, sikayo ran totood Israel! Diad satan siopay makatulong ed sikayo?

Oseas 14:1

Sikayo ran totood Israel, pawil kayo la ed Katawan a Dios yo. Imparokul tan impelag kayo na kasalanan yo.

Oseas 4:16

Benger a singa saray ayep a mula iray totood Israel. Panoy pamakan kod sikara a singa pamakan ed saray kordiro diad malambut a pastolan?

Oseas 5:5

Say panagpaatagey na saray totood Israel so mangaakusa ed sikara. Saray kasalanan da so makasengeg na katalo ra, tan kaiba ra met a natalo so Juda.

Oseas 7:2

Ag dan balut ninunnunot ya ag ko nalingwanan ya amin iray kaogsan da; balet aliktub ira na saray kaogsan da, tan sankanengneng ko ra.”

Oseas 9:1

Totood Israel, tondaan yo ray pansisilibra yod saray pista yo a singa saray pagano. Inkaindan yoy Dios yo tan nagmaliw kayon aliwan matoor ed sikato. Diad nandoroman pasen inlalako yoy sikayon dili a singa saray marotak a bibii ed dios a Baal tan labalabay yo ray trigon abaloan yon imbayar tod sikayo.

Amos 8:10

Pagmaliwen kon panagermen iray pista yo tan salatan ko na panagugol lapud ermen iray maliket a kansion yo. Pankiskisen ta kayo na kaoluan yo tan pansulongen ta kayoy sako, tan magmaliw kayon singa saray atateng a maermen lapud impatey na saksakey ya anak dan laki. Diad satan ya agew mapalaloy ermen da ray totoo ya anggad samput.

Mikias 1:5

Nagawa ra yan amin lapud nankasalanan iray totood Israel tan sinmumpa rad Dios. Siopay natetel ed insumpa na Israel? Say Samaria a dilin manonan siudad! Siopay nankasalanan na pididios ed talintao da ray diriyos diad Juda? Say Jerusalem!

Zacarias 7:11

“Balet anawet so olo da ray totook; ag ira dinmengel. Kinaputan day isip da.

Saray Taga Roma 3:18

say takot ed Dios anggapo ed sikara.”

Saray Huis 10:13

Balet inkaindan yo ak nin siansia tan angigagalang kayod saray arum a diriyos, kanyan ag ta kayo la iliktar.