Jeremias 2:11 - Maung A Balita Biblia

¹¹ Wala tay bansan sinalatan to ray diriyos to, anggaman ya aliwan petepeteg iray diriyos da? Balet insalat ak na saray totook, say Dios ya angiter ed sikara na kagalangan; insalat da ak ed saray diriyos ya anggapoy nagawaan dan para sikara.

Maung a Balita Biblia

¹¹ Wala tay bansan sinalatan to ray diriyos to, anggaman ya aliwan petepeteg iray diriyos da? Balet insalat ak na saray totook, say Dios ya angiter ed sikara na kagalangan; insalat da ak ed saray diriyos ya anggapoy nagawaan dan para sikara.

Jeremias 2:11 Iomraidhean Croise

1 Saray Arari 11:33

Gawaen ko ya, ta impolisay ak nen Solomon tan angigalang ed Astarte a diosa na Sidon, Cemos a dios na Moab, tan Milcom a dios na Ammon. Ag ak inonur nen Solomon; ag to inalig si ama ton David a nanggaway katonungan tan angonur ed saray ganggan tan saray bilin kod sikato.

2 Saray Arari 1:3

Balet ingganggan na sakey ya anghil na Katawan si Elias, say propitan taga Tisbe, ya onla ta abeten to ra may imbaki nen Ari Ahazias tan tepeten tod sikara, “Anggapo ta lay Dios na Israel, et onla kayon mangipanon ed Baalzebub a dios na Ekron?

2 Saray Awaran 13:9

Pinapataynan yo ray papari na Katawan a kabyangan iray boleg nen Aaron; pinapataynan yo met iray Levita. Insan anoro kayo na saray papari a singa gagawaen na saray arum a bansa. Siopamay ondagon sankaawit toy bakan kalakyan odino pitoran karniro et nayari lan magmaliw a pari na saray tatawagen yon diriyos yo!

Saray Salmo 106:20

insalat day kagalangan na Dios ed talintaoy ayep a mangakay dika.

Saray Salmo 115:4

Saray diriyos da et balituk tan pilak, ginawa ra na limay totoo.

Saray Salmo 3:3

Balet sika Katawan, sasalimbengan mo ak lawas, pian niarawi ak ed kaatapan; panataloen mo ak tan pabibiskegen moy linawak.

Isaias 37:19

tan pinopoolan da ray diriyos da—ta aliwa ran tuan diriyos; talintaon kiew odino bato ra labat a ginagawa na limay too.

Jeremias 16:20

Makagawa kasi na saray dili ton diriyos so sakey a too? Andi! Say nagawa to aliwa ran peteg a diriyos.”

Jeremias 18:13

Say Katawan kuanto, “Tepet mod balang bansa: Wala lay agawan singa onya nen saman? Nanggaway makapasinagem a bengatla iray totood Israel!

Jeremias 2:5

Say Katawan kuanto: “Antoy dalem na saray lalaki yo sumpad siak? Antoy makasengeg na impangikaindan dad siak? Inggagalang da ray andi-kakanaan a talintaoy diriyos, kanyan nagmaliw iran andi-kakanaan.

Jeremias 2:8

Ag tinepet na saray papari, ‘Kawa-laan na Katawan?’ Ag ak kabat na saray dilin paparik. Nilabanan ak na saray manoley; nansasalita ray propita diad ngaran nen Baal tan angigagalang irad saray andi-kakanaan a talintaoy diriyos.”

Jeremias 5:7

Tinepet na Katawan, “Akin et pirdonaen ko ray kasalanan na saray totook? Inkaindan da ak tan angigalang ira ed saray tila-tilan diriyos. Pinakan ko ray totook ya anggad napsel ira, balet akikalugoran ira, tan akiamung irad saray marotak a bibii o lalaki.

Ezekiel 14:5

Lapud saratan a talintao imbeneg ak na saray Israelita, balet ompawil komun so inkatoor dad siak diad panamegley na ebat ko.

Ezekiel 5:7

Dengel ka natan, Jerusalem, ed saray ibabagak, siak a Dios a Katawan. Diad ag mo impangonur ed saray ganggan tan saray bilin ko, baleg niy gunigon ya inter mo nen saray arum a bansan walad kaliber-liber mo. Inalig mo ray ogali na saray arum a bansa.

Mikias 4:5

Mangigagalang tan manlilingkur ed dilin dios to so balang bansa, balet mangigalang tan manlingkur itayod Katawan a Dios tayo diad ando lan ando.

Saray Taga Roma 1:23

Anta igalang da komun so ag ompatey a Dios, igagalang da ray talintaoy toon ompatey, saray talintao da ray manok, o ayayep ya apatiray sali, o onkokorung ya ayayep.

1 CORINTO 8:4

Kanyan nipaakar ed pangay kakanen a nibagat ed saray talintaoy diriyos: amta tayon anggapoy kabaliksan na talintaoy dios; kabat tayon saksakey labat so Dios.

TAGA GALACIA 4:8

Nen ag yo ni kabat so Dios, aripen kayo ni na saray aliwan diriyos.

Deuteronomio 32:16

Lapud impangigalang dad saray arum a diriyos angimon so Katawan; akapasnuk lapud saray ginagawa ran kaogsan.

Deuteronomio 32:21

Lapud saray talintaoy diriyos da pinapetang day olok; pinaimon da ak lapud saray ipapasen dan diriyos da, saray aliwan peteg a diriyos. Kanyan ikanak so sakey a paganon bansa a mamapetang na olo ra; paimonen ko ra lapud sakey a bansan makulang-kulang iray totoo to.

Deuteronomio 33:29

Israel, agaylay liket mon bansa! Anggapoy mipara sika, sakey a bansan inliktar na Katawan. Say Katawan a dili so samper tan ispadam, a mangyagel ed sika tan mangiter ed sikay pananalo. Ondagon mikasid sika iray kalaban mo, et gatin-gatinan mo ra.

1 Pedro 1:18

Amta yo no antoy impanondon ed sikayo ed andi-kakanaan a kabibilay a tinawir yod saray lalaki yo. Say impanondon ed sikayo et aliwan bengatlan naderal, a singa say balituk, o pilak,

1 Samuel 4:21

Icabod so inngaran tod samay ogaw, ta inkuanto, “Say Israel tinaynan na kagalangan na Dios”—totokuyen toy inkasamsam na Kaban na Sipanan tan say impatey na katolangan to tan say asawa to.