Jeremias 19:7 - Maung A Balita Biblia

⁷ Diad sayan pasen deralen kon amin iray plano na saray totood Juda tan Jerusalem. Panaloen kod sikara iray kalaban da tan pateyen ko rad bakal. Iter kon buagen na saray manok tan saray ayayep ed katakelan iray bangkay da.

Maung a Balita Biblia

⁷ Diad sayan pasen deralen kon amin iray plano na saray totood Juda tan Jerusalem. Panaloen kod sikara iray kalaban da tan pateyen ko rad bakal. Iter kon buagen na saray manok tan saray ayayep ed katakelan iray bangkay da.

Jeremias 19:7 Iomraidhean Croise

2 Saray Arari 21:14

Ikaindan ko ray totoon nakdaan a mabilay, insan iyawat ko rad saray kalaban dan manakep ed sikara tan maneral ed dalin da.

Probirbio 21:30

Anggapoy kakanaay kakabatan, pakatalus, tan say pakaamta na too, no sumpa so Katawan ed sika.

Isaias 29:14

Kanyan pakelawen ko ra yan totoo diad panggawak ed sikara na mantotombukan a pakelaw. Saray makabat magmaliw iran makulang-kulang, tan say inkasilib da magmaliw ya andi-kana.”

Isaias 8:10

Mamplano kayo, balet ag kayo mampalabo. Tongtong yo lay labay yon tongtongen, balet andi-kakanaan ya amin iray tongtongen yo, lapud walad sikami so Dios.

Jeremias 15:2

No tepeten dad sika no iner so laen da, ibagam ed sikara a nibagak la: Saray arum ompatey irad salot— diman so laen da! Saray arum ompatey irad bakal— diman so laen da! Saray arum ompatey irad eras— diman so laen da! Saray arum nadakep ira— diman so laen da!

Jeremias 15:9

Nalmay so inan naandi so pitoran anak to, abot-aboten toy linawa to. Nagmaliw a kabilongetan so liwawan walad sikato; napnoy kababaingan tan kinmapoy so liknaan to. Papatey kod saray kalaban yo iray akeraan nid sikayon mabilay. Siak, say Katawan, so nansalita.”

Jeremias 16:4

Ompatey irad ambelat a sakit. Anggapoy manermen ed ipatey da, tan ag ira nipompon. Magmaliw a singa taiy ayep ya abunton ed dalin iray bangkay da. Napatey irad bakal, odino ompatey irad eras, tan buagen na saray manok tan saray ayayep ed katakelan iray bangkay da.

Jeremias 18:21

Balet natan, Katawan, gawam pan ompatey ed eras iray anak da; ipapatey mo pa rad bakal. Iyabuloy mo pan nabalo ray bibii tan naandid mundo ray anak da; gawam pan ompatey ed salot iray lalaki, tan diad bakal iray lalakin walad kalangweran.

Jeremias 21:7

Balet sika, saray opisyal mo, tan saray totoon ag inatey ed bakal, eras, tan salot et ipadakep ta kayon amin ed Ari Nabucodonosor tan saray kalaban yo a malabay a mamatey ed sikayo. Papatey to kayo nen Nabucodonosor. Anggapoy ikera tod sikayo; ag to kasian odino abageyen so siopaman ed sikayo. Siak, say Katawan, so nansalita.”

Jeremias 22:19

Singa kipompon na sakey ya asno so kipompon to, sikatoy nigayugoy tan nibantak ed paway na saray puirta na Jerusalem.”

Jeremias 22:25

insan ta ka iter ed saray malabay a mamatey ed sika, saray totoon tatakotan mo. Ipalima ta kad Ari Nabucodonosor na Babilonia tan saray sondalo to.

Jeremias 32:28

Kanyan sirin, iter ko yan siudad ed Ari Nabucodonosor na Babilonia tan saray sondalo to, tan dakepen da,

Jeremias 34:20

Ipadakep ko rad saray kalaban da a mampilalek a mamatey ed sikara, et kanen na saray manok tan saray ayayep ed katakelan iray bangkay da.

Jeremias 46:26

Ipalimak irad saray malabay a mamatey ed sikara, diad kinen Ari Nabucodonosor na Babilonia tan saray sondalo to. Ag mabayag, manayam iray totoo lamet ed Egipto a singa impanayam da nen saman. Siak, say Katawan, so nansalita.”

Jeremias 7:33

Magmaliw a kanen na saray manok tan saray ayayep ed katakelan iray bangkay, tan anggapoy manibwak a manaktakot ed sikara.

Jeremias 8:2

Natipon tan nipompon ira komun, balet magmaliw iran singa saray taiy ayayep ya ataytayak ed dalin. Nitayak irad arap na agew, bulan, tan saray bitewen ya inaro tan nanlingkuran na sarayan totoo; angipanonan tan angigalangan da ra.

Jeremias 8:8

Panoy pangibaga yo, ‘Makabat kami; walad sikamiy ganggan na Katawan?’ Nengneng yo, inoman na saray matilan iskriba iray ganggan.

Jeremias 8:9

Abaingan iray makabat yon totoo; ag da amtay gawaen da tan apatitan ira. Impolisay da ray salitak; anton kakabatan so walad sikara natan?

Saray Tagleey 3:37

Say linawa labat na Katawan so nasusumpal.

Levitico 26:17

Sumlangen ta kayo pian natalo kayo; oleyan kayo na saray kalaban yo tan diad ontan lan kataktakot yo ombatik kayo anggan anggapoy mangoosil ed sikayo.

Levitico 26:25

Ipadalan kod sikayoy bakal a panusak ed sikayo lapud impaneral yo ed impisipanan kod sikayo, tan no mamtitipon kayon onamut ed dalem na saray siudad yo ipadalan kod sikayoy salot, et napasoot kayon onsuko ed saray kalaban yo.

Saray Taga Roma 3:31

Lapud sayan pananisia, ekalan mi kasiy kakanaan so Ganggan? Andin balut! Itatalindeg mi ingen so Ganggan.

Saray Taga Roma 4:14

Ta no saray mangonur na Ganggan labat so makaawat na sipay Dios, anggapo siriy kabaliksay pananisia tan andi-kakanaan so sipay Dios.

1 Samuel 17:46

Diad sayan agew say Katawan iyawat to kad limak; taloen ta ka tan potuten koy olom. Saray bangkay da ray sondalon Filisteo et ipakan kod saray manok tan saray ayayep. Naamtaan ed satan na intiron mundo a say Israel et walay Dios to,