Jeremias 19:3 - Maung A Balita Biblia

³ Imbagad siak na Katawan ya ikuanko, “Dengel kayo, arari na Juda tan sikayon totood Jerusalem, ed labay kon ibaga, siak a Katawan a Makapanyarin-amin a Dios na Israel. Mangyakar ak ed sayan pasen na deral, et onkaningking so layag na balang sakey a makadngel ed sayan deral.

Maung a Balita Biblia

³ Imbagad siak na Katawan ya ikuanko, Dengel kayo, arari na Juda tan sikayon totood Jerusalem, ed labay kon ibaga, siak a Katawan a Makapanyarin-amin a Dios na Israel. Mangyakar ak ed sayan pasen na deral, et onkaningking so layag na balang sakey a makadngel ed sayan deral.

Jeremias 19:3 Iomraidhean Croise

Saray Salmo 102:15

Takotan na saray bansa so Katawan; takotan na amin ya ararid tapew na dalin so pakayari to.

Saray Salmo 110:5

Say Katawan et walad nikawanan a diking mo; taloen to ray arari no sikato lay mamasnuk.

Saray Salmo 2:10

Kanyan natan dengel yo yan pasakbay, sikayo ran arari; manalwar kayo, sikayo ran manoley:

Isaias 28:19

Ondalan lan ondalan ed sikayo so deral, kapag kabwasan. Nepeg yo yan liknaen ed agew tan labi. Mangiter na balon takot ed sikayo so kapag balon balita na Dios.

Jeremias 13:18

Inkuan na Katawan ed siak, “Ibagam ed ari tan say ina to ya onakseb iran manlapud trono ra, lapud naplag manlapud olo ra iray marakerakep a korona ra.

Jeremias 17:20

Ibagam ed saray arari tan amin a totood Juda tan amin a taga Jerusalem ya onloloob irad saraman a puirta, ya ondengel irad salitaen ko.

Jeremias 18:11

Natan sirin, ibagam ed saray totood Juda tan saray taga Jerusalem a walay getmak a sumpaen ira tan ipaparaan koy panusak ed sikara. Ibagam ed sikara a tondaan da lay maoges a panagbilay da—salatan da lay kabibilay da tan bengatlan gagawaen da.

Jeremias 19:15

a say Katawan a Makapanyarin-amin a Dios na Israel et inkuanto, “Iyakar ko lad sayan siudad tan diad amin a kaliber-liber to ran baley iray amin a dusan imbagak a gawaen ko, lapud anawet so puso yo tan ag kayo ondengel ed ibabagak.”

Jeremias 25:29

Igapok ed dilin siudad ko so panderal. Abaloan da amon ag ira nadusa? Nadusa ra, ta ipadalan koy bakal ed amin a katoowan diad tapew na dalin. Siak, say Katawan, so nansalita.

Jeremias 35:17

Kanyan, siak, say Katawan a Makapanyarin-amin a Dios na Israel, iyakar kon amin iray insipan kon deral ed sikayo ran totood Juda tan Jerusalem. Gawaen ko ya, ta ag kayo dinmengel nen akisalita ak ed sikayo, tan ag yo ak inebatan nen tinawag ta kayo.”

Jeremias 44:3

lapud saray totoon manaayam ed saraman a siudad et nanggagawa ray kaogsan tan impanpasnuk da ak. Nambabagat irad saray arum a diriyos tan nanlilingkur irad saray diriyos ya ag da kabat, odino sikayo, odino saray lalaki yo.

Jeremias 6:19

Dengel ka, O mundo! Diad panusak ed maoges a plano da ra yan totoo, mangyakar ak na deral ed sikara, lapud ag da inonur iray salitak tan impolisay day bangat ko.

Ezekiel 7:5

Sikato yay ibabaga na Katawan a Dios: “Mantotombukay deral ya onsabid sika.

Mateo 10:18

Lapud itombuk yod siak, salaysayen da kayod arap na saray arari tan arum ni ran manoley, pian napaneknekan yod sikara ran saray Hintil so Maung a Balita.

Puyan 2:29

“Sikayo ran walay layag, dengel yoy ibabagay Ispiritu ed saray iglisia!

1 Samuel 3:11

Inkuan na Katawan ed sikato, “Onsabiy agew a walay gawaen kod saray totood Israel, et siopamay makadngel na nipaakar ed saya ombegas so bago tod takot to.