Jeremias 18:18 - Maung A Balita Biblia

¹⁸ Insan inkuan na saray totoo, “Pankokomplutan tayo lay Jeremias! Wala ray paparin mangibangat ed sikatayo, saray makabat a totoon manimbawad sikatayo, tan saray propitan mangibaga na salitay Katawan. Akusaen tayo, tan tondaan tayo lay ondengel ed ibabaga to.”

Maung a Balita Biblia

¹⁸ Insan inkuan na saray totoo, Pankokomplutan tayo lay Jeremias! Wala ray paparin mangibangat ed sikatayo, saray makabat a totoon manimbawad sikatayo, tan saray propitan mangibaga na salitay Katawan. Akusaen tayo, tan tondaan tayo lay ondengel ed ibabaga to.

Jeremias 18:18 Iomraidhean Croise

2 Samuel 15:31

Nen nibagad kinen David a si Ahitofel et akikomplut ed kinen Absalom, nampikasi, “Pikasik ed sika, Katawan, a pagmaliw mon andi-kakanaan so simbawa nen Ahitofel!”

2 Samuel 17:14

Inkuanen Absalom tan amin da ray Israelita, “Maung so simbawa nen Cusai nen si Ahitofel.” Ginetma na Katawan ya ag natombuk so maung a simbawa nen Ahitofel, pian walay maoges ya onsabi ed kinen Absalom.

1 Saray Arari 22:24

Balet inasinggeran nen Sedekias si Micaya, tinampal to, tan kuanto, “Kapigan ya inmekal ed siak so ispiritu na Katawan, insan nansalita ed sika?”

2 Saray Awaran 24:21

Akikomplut si Ari Joas ed saray totoo sumpad kinen Zacarias, et nen ingganggan to tinupak dad patio si Zacarias.

Saray Salmo 21:11

Mamplaplano ray maoges tan mankokomplut ira sumpad sikato, balet ag ira manalo.

Saray Salmo 52:2

Mamplaplano kay paneral mod saray arum; singa matdem a labahas so dilam. Naynay kan mantitila.

Saray Salmo 57:4

Aliktub ak na saray kalaban, a singa ra lion a mamangay too. Singa pana tan pika iray ngipen da; singa matdem ya ispada iray dila ra.

Saray Salmo 64:3

Iyoobul dan singa ispada so kadilaan da, tan ipapatoyung dan singa pana iray anagasang a salita ra.

Probirbio 18:21

Makaiter odino makaderal na bilay so panagsalitam; kanyan nepeg mon awaten iray bunga na panagsalitam.

Isaias 32:7

Maoges so toon makulang-kulang tan kaogsan iray gagawaen to; nununoten toy paneral tod saray mairap-bilay diad panamegley na saray tila tan diad panebel tod sikaran makagamur na katonungan da.

Jeremias 11:19

Singa ak mauyuyamon kordiro a tetengtengen ed panagpateyan, tan ag ko amtad saman a mamplaplano ray maoges a bengatla. Inkukuanda, “Ibatang tayoy kiew legan a mabona-bona ni; pateyen tayo pian anggapo lay makanunot ed sikato.”

Jeremias 18:11

Natan sirin, ibagam ed saray totood Juda tan saray taga Jerusalem a walay getmak a sumpaen ira tan ipaparaan koy panusak ed sikara. Ibagam ed sikara a tondaan da lay maoges a panagbilay da—salatan da lay kabibilay da tan bengatlan gagawaen da.

Jeremias 18:19

Kanyan nampikasi ak, “Katawan, dengel mo pay ibabagak, tan dengel mo no antoy ibabaga da ray totoo nipaakar ed siak.

Jeremias 2:8

Ag tinepet na saray papari, ‘Kawa-laan na Katawan?’ Ag ak kabat na saray dilin paparik. Nilabanan ak na saray manoley; nansasalita ray propita diad ngaran nen Baal tan angigagalang irad saray andi-kakanaan a talintaoy diriyos.”

Jeremias 20:10

Narerengel koy paneesaesan na saray karaklan, “Makapataktakot ed anggan iner a pasen! Kanyan idalem tayod saray makankanepegan!” Anggan saray kakaarok a malet aalagden day kapelag ko. “Angangko nayarin palikdoen,” kuanda; “naerel tayo sirin tan makabawi tayo.”

Jeremias 26:11

Insan saray papari tan saray propita kuandad saray pangulo tan saray totoo, “Sayan too kanepegan toy pateyen lapud nansalita sumpad siudad tayo. Sikayon dili so akadngel ed sikato.”

Jeremias 37:13

Balet nen akasabi ak ed Puirta nen Benjamin, say makaoley ed saray sondalon mambabantay diman, a si Irias ya anak nen Selemias tan apo nen Ananias, sinabat to ak tan kuanto, “Ombabatik kan migampid saray taga Babilonia!”

Jeremias 43:2

Insan si Azarias a lakin anak nen Hosaya, si Johanan a lakin anak nen Carea, tan saray arum a mapaatagey a totoo kuandad siak, “Mantitila ka. Ag ka imbaki na Katawan a Dios mi a mangibagad sikamin ag kami manayam ed Egipto.

Jeremias 44:16

“Ag mi labay a dengelen iray salitam, saray salitan imbagam ed ngaran na Katawan.

Jeremias 44:17

Sumpalen mi ray amin ya imbaga min gawaen. Mangibagat kamid diosa mi, say Riyna na Tawen tan mangisaklang kamid sikato na bagat ya alak, a singa samay ginagawa mid saray baley na Juda tan diad saray dalan ed Jerusalem, ta onya met so ginagawa na lalaki mi, saray arari tan saray pangulo mi. Daakan ed saman a panaon iray kakanen mi, maaligwas kami, tan anggapo ray gunigon mi.

Jeremias 8:8

Panoy pangibaga yo, ‘Makabat kami; walad sikamiy ganggan na Katawan?’ Nengneng yo, inoman na saray matilan iskriba iray ganggan.

Saray Tagleey 3:62

Sanagew a pantotongtongan da ak tan mamplaplano ra.

Ezekiel 7:26

Mantotombukan so deral, tan mansasbi so maoges a balita. Kerewen yod saray propita ya ipaamta ray nanenengneng dan nagawa ed arapen a panaon. Saray papari anggapoy amta ran ibangat ed saray totoo, tan saray mamasiken anggapoy nisimbawa ra.

Levitico 10:11

Nepeg yo met ya ibangat ed saray totood Israel iray amin a ganggan ya inter kod sikara diad panamegley nen Moises.”

Mikias 3:6

“Sikayon propita, ngalngali la manganggay agew yo; naselekan kayo la na agew. Lapud papalikdoen yo ray totook, ag kayo la makanengneng na pasingayew, tan ag kayo la makapampropisiya na tua.”

Mikias 3:7

Napelag ed kababaingan iray totoon mampropisiya na nipaakar ed nagawad arapen. Nabaingan ira lapud anggapoy naalagar dan ebat na Dios.

Malakias 2:7

Nepeg ya ibangat na saray papari so tuan pakapikabat ed Dios. Nepeg ya onlad sikaran mangamta na linawak iray totoo, lapud sikaray ibabaki na Katawan a Makapanyarin-amin.

Lucas 11:45

Walay sakey ed saray makabat ed Ganggan a nankuan, “Maistro, diad satay panagsalitam, papabaingan mo kami met!”

Juan 9:40

Nadngel na pigaran Pariseo si Jesus nen imbaga to ya, kanyan tinepet dad sikato, “Say labay mon ibaga, bulag kami met sirin?”