Jeremias 18:10 - Maung A Balita Biblia

¹⁰ balet kabebekta saman a bansa et manggaway kaogsan, omanen koy imbagak a kanunotan ko a gawaen ed saman a bansa.

Maung a Balita Biblia

¹⁰ balet kabebekta saman a bansa et manggaway kaogsan, omanen koy imbagak a kanunotan ko a gawaen ed saman a bansa.

Jeremias 18:10 Iomraidhean Croise

Saray Salmo 125:5

Balet dusam pa met iray mangoonur na maoges a kaliktan da, no dusaen mo ray manggagaway kaogsan. Manari komun ed Israel so kareenan!

Ezekiel 18:24

“Balet no say toon matonung et ontondan manggaway kamaungan tan onggapo lan manggaway kaogsan, a salanti saray makapaingungot a gagawaen na saray totoon maoges, mansiansia kasin mambilay? Andi! Ag la nanunotan iray antokaman a ginawa ton kamaungan. Ompatey lapud aliwan matoor tan lapud saray kasalanan to.

Ezekiel 33:12

“Natan, sika a toon ompatey, ibagam ed saray Israelita a no mankasalanan so matonung a too, ag nilaban na maung iran ginagawa to. No ontondan manggaway kaogsan so toon maoges, ag la nadusa. Balet no mankasalanan so maung a too, ag nipaliis ed patey so bilay to.

Ezekiel 33:18

No itonda na matonung a too so manggaway kamaungan tan igapo toy manggaway kaogsan, ompatey lapud saya.

Ezekiel 45:20

Diad kumapiton agew na bulan onyay nepeg yon gawaen, lapud sakey a toon nankasalanan ya ag to ginagala odino nankasalanan ya ag to amta. Diad onya napansiansia yo a masanto so Timplo.

Sofonias 1:6

Pateyen ko ray angibeneg ed siak, tan ag da ak la totombuken, saray ag onsisingger ed siak odino papaiwanwan ed siak.”

Saray Bilang 14:22

anggapod sarayan totoo so makaloob ed saman a dalin. Anengneng da so kagalangan ko tan saray milagron ginagawak dimad Egipto tan diad kalawakan, balet sinusubok da ak ya amimpigapiga tan ag da ak inonur.

Saray Bilang 14:23

Anggapod sarayan angipolisay ed siak so makaloob ed saman a dalin.

Saray Bilang 14:34

Apataploy taon a manirap kayo lapud kasalanan yo; sakey taon so kasimbang na balang sanagew na samay apataploy agew ya impannengneng yod samay dalin. Naamtaan yod satan so kabaliksan na pasnuk kod sikayo!

1 Samuel 13:13

“Kalokowan so ginawam,” ebat nen Samuel. “Ag mo inonur so ingganggan ed sika na Katawan a Dios mo. No inonur mo komun, abuloyan to ka tan saray kabyangay boleg mo a manoley ya anggad angga ed Israel.

1 Samuel 15:11

“Magbabawi ak a ginawak ya ari si Saul; imbeneg to ak tan ag to inonur iray ganggan ko.” Apasnukay Samuel, tan sanlabin akikasi ed Katawan.

1 Samuel 15:35

Legan na impambilay ni nen Samuel ag to la anengneng si Saul; balet nanermen lapud kinen Saul. Nagbabawi so Katawan a ginawa ton arid Israel si Saul.

1 Samuel 2:30

Siak, say Katawan a Dios na Israel, insipan ko nen saman a say pamilyam tan saray kabyangay boleg mo et anggad anggan manlingkur iran papari ed siak. Balet ibabagak natan ya ag ko la sumpalen! Ingen, pagalangan ko ray mamagalang ed siak, balet lemlemewen ko ray mambalaw ed siak.