Jeremias 17:6 - Maung A Balita Biblia

⁶ Sikatoy singa abeban kiew ed kabueran— ya ontutubod andi-kakanaan amagan dalin, diad maasin a dalin ya anggapoy tanaman a mabilay; anggapoy antokaman a maabig a nagawad sikato.

Maung a Balita Biblia

⁶ Sikatoy singa abeban kiew ed kabueran ya ontutubod andi-kakanaan amagan dalin, diad maasin a dalin ya anggapoy tanaman a mabilay; anggapoy antokaman a maabig a nagawad sikato.

Jeremias 17:6 Iomraidhean Croise

2 Saray Arari 7:2

Say opisyal ya angolup ed ari kuantod kinen Eliseo, “Ag itan nagawa—anggan mangipelag na oran a tampol so Katawan!” “Nanengneng mon nagawa, balet ag mo natawayan yan tagano,” ebat nen Eliseo.

Say Libro nen Job 20:17

Ompatey la kasakbayay pakanengneng tod saray ilog na larak na oliba, odino saray kolus a panagagosay gatas tan dilo.

Say Libro nen Job 39:6

Inter kon panayaman da so kalawakan tan impanayam ko rad saray maasin a patar.

Saray Salmo 1:4

Balet aliwan onyay toon maoges, singa taep ya ititikyab na dagem.

Saray Salmo 107:34

Impagmaliw ton maasin tan ag natobuan so mabonan dalin, lapud kaogsan da ray manaayam diman.

Saray Salmo 92:7

a nayarin ombaleg a singa dikarika iray totoon maoges, tan onaligwas iray amin a managgaway kaogsan; anggaman ontan, sigput so kaderal da,

Isaias 1:30

Onlenes kayon singa ompapatey a kiew a robli, singa tanamanan ya anggapoy mansalug.

Jeremias 48:6

‘Ganatan yo, iyagel yoy bilay yo!’ kuanda. ‘Batik kayon singa asnod kalawakan!’

Ezekiel 47:11

Balet saray danum ed saray libsong tan diad saray bobun na sira ya asingger ed dayat et ag ira napatabang. Mansiansia rad man a panlapwan na asin.

Sofonias 2:9

Legan a siak so mabilay a Katawan a Dios na Israel, sambaan ko a say Moab tan say Ammon et naderal iran singa say Sodoma tan say Gomorra. Magmaliw iran sakey a pasen ya abut na asin tan andi-anggaan a deral-deral tan atubo-tubuan na saray dika. Saray totook ya akapaliis ed patey et alaen day antokaman a kayamanan da tan kayaryanen day dalin da.”

Deuteronomio 29:23

Saray kaalogan et magmaliw iran andi-kakanaan, atabunan na asumpri tan asin; ag nataneman na anggan dinan a tanaman, tan anggapoy anggan dika ya ontobo. Say dalin yo et magmaliw a singa saray siudad na Sodoma tan Gomorra, singa Adma tan Zeboiim a dinederal ira na Katawan nen mapalaloy pasnuk to.

Saray Huis 9:45

Sanagew so impanlalaban da. Adakep nen Abimelec so siudad, pinapatey to ray totoo to, inggeba to ray paalagey, tan tinabunan to na asin so dalin.