Jeremias 17:4 - Maung A Balita Biblia

⁴ Napasoot kayon mangikban na dalin ya inter kod sikayo. Pagmaliwen ta kayon aripen na saray kalaban yo diad dalin ya ag yo kabat, lapud say pasnuk ko et singa apoy, tan ondalang ya anggad angga.”

Maung a Balita Biblia

⁴ Napasoot kayon mangikban na dalin ya inter kod sikayo. Pagmaliwen ta kayon aripen na saray kalaban yo diad dalin ya ag yo kabat, lapud say pasnuk ko et singa apoy, tan ondalang ya anggad angga.

Jeremias 17:4 Iomraidhean Croise

1 Saray Arari 9:7

paekalen ko ray totook ya Israelita ed dalin ya inter kod sikara. Ikaindan ko met yan pinasantok a Timplo a sikatoy pangigalangan ed siak; balawen tan melag-melagen met na saray totoo ed inerman a pasen so bansan Israel.

2 Saray Arari 25:21

diad dalin na Hamat. Impapairap irad man na ari, insan to ra impapatey. Kanyan saray totood Juda et nakal irad dalin da tan niakar irad arum a bansa.

Nehemias 9:28

Nen pinmawil so mareen a panagbilay da, nankasalanan ira lamet; kanyan impadakep mo ra lamet ed saray kalaban da. Balet nen nagbabawi ra tan kinerew dan iyagel mo ra, manlapud tawen dinengel mo ra; lapud baleg a panangasim amimpiga-pigan inyagel mo ra.

Isaias 14:3

Ekalen na Katawan so kairapan a liliknaen na saray totood Israel, tan say ambelat a kimey ya impasoot ed sikaran gawaen da.

Isaias 30:33

Abaybayag la a niparaan so sakey a pasen a walay baleg ya apoy a mamool ed ari na Asiria. Aralem yan pasen tan maawang tan atagtagey so nibonton a kiew. Isibuk na Katawan so singa onaagos ya apoy a mamool ed samay kiew.

Isaias 5:25

Mamapasnuk so Katawan ed saray totoo to tan inyonat toy lima ton manusad sikara. Nayegyeg iray kapalandeyan, tan natilak a singa dotak ed saray dalan iray bangkay da ray ompatey. Anggaman onyay nagawa ag onkepay pasnuk na Katawan, tan siansian akaonat niy lima ton manusa.

Isaias 50:11

Sikayon mankokomplut a maneral ed saray arum et naderal kayo ed saray dilin komplut yo. Say dilin Katawan so mangyabuloy ya onyay nagawa; makapasinagem so pansumpalan yon kairapan.

Isaias 66:24

“No onsisiput ira, nanengneng da ray bangkay na saray linmaban ed siak. Ag balut ompatey iray bigis a mangan ed sikara, tan ag balut naerep so apoy a mamool ed sikara. Makapaingungot ed amin a katoowan so nengneng da.”

Jeremias 12:7

Say Katawan kuanto, “Inkaindan koy Israel; impolisay koy pinilik a bansa. Saray totoon inarok impalimak irad pakayari na saray kalaban da.

Jeremias 15:14

Gawaen ko ran aripen na saray kalaban da diad dalin ya ag da kabat, lapud singa apoy so pasnuk ko tan ondalang ya anggad angga.”

Jeremias 16:13

Kanyan ibantak ta kayod dalin ya ag yon balut kabat tan saray lalaki yo. Diad agew tan labi, diman kayo manlingkur ed saray arum a diriyos, tan ag ta kayo kasian.’”

Jeremias 18:23

Balet, Katawan, amtam so pankokomplut dan pamatey ed siak. Ag mo pa pipirdonaen so kaogsan da; ag mo poponasen so kasalanan da. Ipatombam ira diad katalo ra; dusam ira legan a mamapasnuk ka.”

Jeremias 2:14

“Aliwan aripen so Israel; akin sirin et oosilan ya erelen na saray kalaban to?

Jeremias 22:28

Inkuanko, “Nagmaliw ta lan singa nabtag a banga si Joakin, nibantak tan anggapo lay malabay? Sikato tan so makasengeg no akin et sikato tan saray anak to et nibantak irad dalin ya ag dan balut amta?

Jeremias 5:19

No tepeten da no akin et ginawak ira yan amin a bengatla, ibagam ed sikara, Jeremias, a no kaonungay impangikaindan dad Katawan tan impanlingkur dad saray diriyos da ray arum a bansa, ontan met so panlingkur dad saray totoo na bansa ya ag da dalin.”

Jeremias 5:29

“Balet siak, say Katawan, dusaen ko ra lapud saraya: ombawi ak ed sayan bansa.

Jeremias 7:20

Kanyan siak, say Katawan a Dios, idapok ed sayan Timplo so ontan lan pasnuk ko. Idapok ed saray totoo, saray ayayep, tan anggan diad saray kakiewan tan saray tanaman. Say pasnuk ko singa pool ya anggapoy makadepdep.

Saray Tagleey 1:12

“Nengneng yo ak,” eyag na siudad ed balang ondadalan. “Anggapoy singa siak diad panliliknak na kairapan, Say kairapan ya impalikna na Katawan ed siak nen ampetang so olo to.

Saray Tagleey 5:2

Walad lima na saray taga arum a bansa iray kayaryan mi; manaayam ed kaabungan mi iray totoon sangkaili.

Ezekiel 21:31

Nalikna yo so sulit na pasnuk ko no singa apoy ya idapok ed sikayo. Insan ipalima ta kayod saray maruksan totoo a marunong iran manderal.

Ezekiel 7:24

Iyakar ko dia iray sankaogsan a bansa tan paalak ed sikara so kaabungan yo. Saray sankabiskegan a lalaki naekalan iray biskeg na linawa no palooben ko ray bansa a mandotak ed saray pasen a panangigalangan yo.

Deuteronomio 28:25

“Say Katawan ipatalo to kayod saray kalaban yo. Dogpaan yo rad sakey a dapag balet ibatikan yo rad amin a dapag, et diad ontan ontakot iray amin a katoowan ed intiron mundo no nanengneng day nagawad sikayo.