Jeremias 17:27 - Maung A Balita Biblia

²⁷ Balet nepeg ya onuren da ak tan ngilinan da a masanton agew so Agew na Panagpainawa. Ag ira nepeg a mangawit na antokaman ya idalan dad saray puirta na Jerusalem ed satan ya agew, ta no mangidalan ira, poolan ko ray puirta na Jerusalem. Temeken na pool iray palasio na Jerusalem, tan anggapoy makasebseb.”

Maung a Balita Biblia

²⁷ Balet nepeg ya onuren da ak tan ngilinan da a masanton agew so Agew na Panagpainawa. Ag ira nepeg a mangawit na antokaman ya idalan dad saray puirta na Jerusalem ed satan ya agew, ta no mangidalan ira, poolan ko ray puirta na Jerusalem. Temeken na pool iray palasio na Jerusalem, tan anggapoy makasebseb.

Jeremias 17:27 Iomraidhean Croise

2 Saray Arari 22:17

Impolisay da ak tan nambabagat irad saray arum a diriyos, kanyan impanpasnuk da ak lapud amin a ginagawa ra. Pinmetang so olok ed Jerusalem, tan ag ombetel.

2 Saray Arari 25:9

Pinoolan toy Timplo, say palasio, tan say kaabungan na amin da ray totoon atagey so kipapasen ed Jerusalem,

2 Saray Awaran 36:19

Pinoolan toy Timplo tan say siudad, pati saray palasio to tan saray kayamanan to, insan inggeba to ray padir na siudad.

Saray Salmo 122:7

Wala komuy kareenan ed loob da ray padir mo tan arawi komun ed kaatapan iray palasiom.”

Isaias 1:20

Balet no ipolisay tan labanan yo ak, andi-duaruwan ompatey kayo. Siak, say Katawan, so nansalita.”

Isaias 1:31

No panon a napadalang na anggan melmelag ya apoy so amagan dayami, ontan met a naderal iray makapanyarin totoo diad panamegley na saray dilin maoges a gawgawa ra tan anggapoy makapatonda na kaderal da.

Jeremias 17:24

“Ibagam ed sarayan totoo a nepeg dan onuren iray amin a ganggan ko. Ag ira nepeg a manawit na antokaman ya idalan dad saray puirta na sayan siudad no Agew na Panagpainawa. Nepeg dan ngilinan a masanton agew so Agew na Panagpainawa tan ag iran balut manggagawa na antokaman a kimey.

Jeremias 17:4

Napasoot kayon mangikban na dalin ya inter kod sikayo. Pagmaliwen ta kayon aripen na saray kalaban yo diad dalin ya ag yo kabat, lapud say pasnuk ko et singa apoy, tan ondalang ya anggad angga.”

Jeremias 18:1

Inkuan na Katawan ed siak,

Jeremias 21:14

Balet, dusaen ta ka lapud ginawam. Poolan koy palasiom, tan say apoy temeken to met ya amin iray walad kaliber-liber to. Siak, say Katawan, so nansalita.”

Jeremias 22:5

Balet no ag yo onuren iray salitak, sambaan kod sikayo a nageba yan palasio. Siak, say Katawan, so nansalita.

Jeremias 32:29

tan poolan da. Poolan da ray pati abung a nampopoolan na saray totoo na insinson bagat ed kinen Baal diad saray toktok na kaabungan tan nankakalboan da na alak a bagat ed saray diriyos. Diad sarayan abung saray totoo impanpasnuk da ak.

Jeremias 39:8

Legan to ya, pinoolan na saray taga Babilonia so palasio ed Jerusalem tan saray abung na totoo, tan inggegeba da ray padir na Jerusalem.

Jeremias 44:16

“Ag mi labay a dengelen iray salitam, saray salitan imbagam ed ngaran na Katawan.

Jeremias 49:27

Poolan ko ray padir na Damasco tan saray palasio nen Ari Ben-hadad. Siak say Katawan a Makapanyarin-amin, so nansalita.”

Jeremias 52:13

Pinoolan toy Timplo, say palasio, tan saray kaabungan na amin a manonan totoo ed Jerusalem;

Jeremias 6:17

Anoro so Katawan na saray totoon managbantay a mandengel ed pasakbay na tanul na trumpita. Balet inkuanda, “Ag kami ondengel.”

Jeremias 7:20

Kanyan siak, say Katawan a Dios, idapok ed sayan Timplo so ontan lan pasnuk ko. Idapok ed saray totoo, saray ayayep, tan anggan diad saray kakiewan tan saray tanaman. Say pasnuk ko singa pool ya anggapoy makadepdep.

Saray Tagleey 2:6

Minekmek toy Timplo ya angigalangan mid sikato; Pinatonda to ray masanton agew tan saray Agew na Panagpainawa. Ari may pari, alikna ray biskeg na petang na olo to.

Saray Tagleey 4:11

Impelag na Katawan so intiron biskeg na petang na olo to; pinoolan to ya anggad dalin so siudad na Sion.

Ezekiel 16:41

Poolan da ray kaabungan mo tan ipanengneng dad saray amayamay a bibii so kadudusam. Patondaen ta kad pipiakdul mod saray arum a lalaki tan ag ta ka la pangiteren na rigalo ed saray kainarowan mo.

Ezekiel 21:15

Patalawen to ray totook tan tumbaen to ra. Say ispadan mankidyam a singa kirmat tan akaparaan a mamatey so pamapatakot kod siudad da.

Ezekiel 21:3

a siak a Katawan kuanko: Siak so kalaban yo. Oyusen koy ispadak tan pateyen ta kayon amin, matonung may maoges.

Ezekiel 22:8

Ag mo gagalangen iray masanton pasen, tan ag mo ngingilinan so Agew na Panagpainawa.

Ezekiel 23:38

Et aliwan saraman labat so ginawa ra. Dinotakan day Timplok tan sinumlang day ganggan a nipaakar ed Agew na Panagpainawa ya inletneg ko.

Oseas 8:14

“Nampapaalagey na saray palasio iray totood Israel, balet alingwanan day dilin Amalsad sikara. Nampapaalagey na saray siudad ya aliber na padir iray totood Juda. Balet mangipelag ak na apoy a mamool ed saray palasio tan saray siudad da.”

Amos 1:10

Lapud saya mangyakar ak na apoy ed saray padir na siudad na Tiro tan poolan ko ray tirinsira to.”

Amos 1:12

Lapud saya mangyakar ak na apoy ed siudad na Teman tan poolan ko ray tirinsira na Bozra.”

Amos 1:14

Lapud saya mangyakar ak na apoy ed saray padir na siudad na Raba tan poolan ko ray tirinsira to. Wala ray eyagan ed satan no agew na bakal, tan manalimbusabos so panlalaban.

Amos 1:4

Kanyan mangyakar ak na apoy ed palasion impaalagey nen Ari Hazael tan poolan ko ray tirinsira nen Ari Benhadad.

Amos 1:7

Kanyan mangyakar ak na apoy ed saray padir na siudad na Gaza tan poolan ko ray tirinsira to.

Amos 2:2

Lapud saya mangyakar ak na apoy ed tapew na dalin na Moab tan poolan ko ray tirinsira na Keriot. Ompatey ed eyag na bakal iray totoon taga Moab legan a maneeyagan iray sondalo tan napapaknul iray trumpita.

Deuteronomio 32:22

Onliub a singa apoy so pasnuk ko tan poolan toy amin a bengatlan walad tapew na dalin. Sabien toy daledalem na pasen a panaayaman da ray inaatey tan padapolen toy anggan saray letnegan na kapalandeyan.

Saray Hebreo 12:25

Manalwar kayo, sirin, tan ag yo ipopolisay a dengelen so mansasalita. Ag akaliktar iray ag dinmengel ed pamasakbay na mansasalita diad tapew na dalin. Lautla sirin ya ag tayo naliktaray dusa, no ag tayo dengeley pamasakbay na mansasalita diad tawen!