Jeremias 17:24 - Maung A Balita Biblia

²⁴ “Ibagam ed sarayan totoo a nepeg dan onuren iray amin a ganggan ko. Ag ira nepeg a manawit na antokaman ya idalan dad saray puirta na sayan siudad no Agew na Panagpainawa. Nepeg dan ngilinan a masanton agew so Agew na Panagpainawa tan ag iran balut manggagawa na antokaman a kimey.

Maung a Balita Biblia

²⁴ Ibagam ed sarayan totoo a nepeg dan onuren iray amin a ganggan ko. Ag ira nepeg a manawit na antokaman ya idalan dad saray puirta na sayan siudad no Agew na Panagpainawa. Nepeg dan ngilinan a masanton agew so Agew na Panagpainawa tan ag iran balut manggagawa na antokaman a kimey.

Jeremias 17:24 Iomraidhean Croise

Exodo 15:26

Inkuanto, “No sigput so pangonur yod siak a Katawan a Dios yo, tan gawaen yoy antokaman ya ipapasen kon matonung tan sumpalen yo ray ganggan ko, ag ta kayo dusaen na saray salot ya impadalan kod saray Egipsio. Siak so Katawan a mamapaabig ed sikayo.”

Exodo 20:8

“Ngilinan moy Agew na Panagpainawa tan ipasen mon masanto.

Isaias 21:7

No nanenengneng to ray onsasabin lalaki ya akakabayo a manoolup so kapag duara, tan saray lalakin akalogan ed asno tan kamilyo, nepeg to ran imanoen a maung.”

Isaias 55:2

Akin et gagastosen yoy kuarta yo ed antokaman ya ag makapenek? Akin et gagastosen yoy suildo yo, et siansian narasan kayo? Dengel yo ak tan gawa yoy ibabagak, et manliket kayo ed sankananaman iran kakanen.

Ezekiel 20:20

Pagmaliw yon masanto so Agew na Panagpainawa, pian magmaliw a tanda na sipanan tayo, tan mangipanunot ed sikayo a siak so Katawan a Dios yo.

Zacarias 6:15

Ondagon ontulong ed pangipaalagey lamet ed Timplo iray totoon manaayam ed arawin dalin. Et no asumpal lan nipaalagey lamet, naamtaan yod satan ya imbaki ak ed sikayo na Katawan a Makapanyarin-amin. Nagawa ra yan amin no sigput yon onuren iray ganggan na Katawan a Dios yo.

Deuteronomio 11:13

“Kanyan sirin, onur yo ray ganggan ya inter kod sikayo natad sayan agew; aro yo so Katawan a Dios yo tan manlingkur kayod sikato ed intiron puso yo tan intiron kamarerwa yo.

Deuteronomio 11:22

“Pampelengan yon onuren iray amin ya ingganggan kod sikayo: Aro yo so Katawan a Dios yo, toluk yo ray amin a ganggan to, tan mansiansia kayon matoor ed sikato.