Jeremias 17:22 - Maung A Balita Biblia

²² odino manaawit na antokaman ya ipaway dad saray abung da no Agew na Panagpainawa. Ag ira nepeg a mankimey no Agew na Panagpainawa; ngilinan dan sakey a masanton agew, onung na ingganggan kod saray lalaki ra.

Maung a Balita Biblia

²² odino manaawit na antokaman ya ipaway dad saray abung da no Agew na Panagpainawa. Ag ira nepeg a mankimey no Agew na Panagpainawa; ngilinan dan sakey a masanton agew, onung na ingganggan kod saray lalaki ra.

Jeremias 17:22 Iomraidhean Croise

Nehemias 13:15

Diad saman a panaon akanengneng ak ed Juda na saray totoon mamepespes na ubas no Agew na Panagpainawa. Saray arum papanoen day beneg na saray asno ra na trigo, alak, ubas, igos, tan arum ni ran bengatla, insan da iyaakar ed Jerusalem; pinasakbayan ko ran ag ira mangilalako ed saman ya agew.

Exodo 23:12

“Mankimey kayo na anem agew ed loob na sakey simba, balet ag kayo mankikimey ed kumapiton agew, pian makapampainawa ray aripen tan saray sangkailin kumikimey yo, a pati saray ayayep yo.

Isaias 58:13

Say Katawan kuanto, “No ipasen yon masanto so Agew na Panagpainawa tan ag yo anapen so pankaabigan yon dili ed satan ya agew; no pablien yo so masanton agew ko tan pagalangan yo diad ag yo pambiahi, pankimey, odino pansalita na andi-kabaliksan diad satan ya agew,

Jeremias 17:24

“Ibagam ed sarayan totoo a nepeg dan onuren iray amin a ganggan ko. Ag ira nepeg a manawit na antokaman ya idalan dad saray puirta na sayan siudad no Agew na Panagpainawa. Nepeg dan ngilinan a masanton agew so Agew na Panagpainawa tan ag iran balut manggagawa na antokaman a kimey.

Ezekiel 20:12

Ginawak a say panngilin ed Agew na Panagpainawa et tanda na paknaan mi, pian mangipanunot ed sikara a siak a Katawan so mamapasanto ed sikara.

Ezekiel 22:8

Ag mo gagalangen iray masanton pasen, tan ag mo ngingilinan so Agew na Panagpainawa.

Levitico 19:3

Balang sakey ed sikayo et nepeg a pangalangan toy ina to tan say ama to, tan nepeg a ngilinan toy Agew na Panagpainawa, onung na ingganggan ko. Siak so Katawan a Dios yo.

Levitico 23:3

Walay anem agew a pankimey yo, balet ag yo lilingwanan a say kumapiton agew et agew na panagpainawa. Diad satan ya agew ag kayo mankikimey, no ag ingen mantitipon kayon mangigalang ed Dios. Say Agew na Panagpainawa et kayaryan na Katawan, anggan iner so panaayaman yo.

Zacarias 1:4

Ag yo aaligen iray lalaki yo. Nen saman saray propita sinalita ra so impaikuankod saray totoo a magbabawi rad saray kaogsan da. Balet ag ira dinmengel odino inmonur ed siak.

Lucas 23:56

Kasumpal to, sinmempet ira tan angiparaan iray pabalingit tan mira a para samay bangkay. Nen Agew na Panagpainawa, nampainawa ra, onung na ibabagay Ganggan.

Lucas 6:5

Inkuanto nid sikara, “Say Anak na Too so Katawan na Agew na Panagpainawa.”

Puyan 1:10

Aminsan ya agew na Katawan, niwala ak ed pakayari na Ispiritu tan nadngel kon nibeneg ko so maksil a bosis, a singa tanul na trumpita.