Jeremias 17:20 - Maung A Balita Biblia

²⁰ Ibagam ed saray arari tan amin a totood Juda tan amin a taga Jerusalem ya onloloob irad saraman a puirta, ya ondengel irad salitaen ko.

Maung a Balita Biblia

²⁰ Ibagam ed saray arari tan amin a totood Juda tan amin a taga Jerusalem ya onloloob irad saraman a puirta, ya ondengel irad salitaen ko.

Jeremias 17:20 Iomraidhean Croise

Jeremias 13:18

Inkuan na Katawan ed siak, “Ibagam ed ari tan say ina to ya onakseb iran manlapud trono ra, lapud naplag manlapud olo ra iray marakerakep a korona ra.

Jeremias 17:19

Inkuan ed siak na Katawan, “Jeremias, laka ta ibawag mo ray salitak diad Puirta na Totoo, a sikatoy puirtan dadalanen na saray ararid Juda no onloob odino ompaway irad siudad; insan ka onlad arum nin puirta na Jerusalem.

Jeremias 19:3

Imbagad siak na Katawan ya ikuanko, “Dengel kayo, arari na Juda tan sikayon totood Jerusalem, ed labay kon ibaga, siak a Katawan a Makapanyarin-amin a Dios na Israel. Mangyakar ak ed sayan pasen na deral, et onkaningking so layag na balang sakey a makadngel ed sayan deral.

Jeremias 19:4

Gawaen ko ya, lapud inkaindan ak na saray totoo tan dinotakan da yan pasen diad impangibabagat da dia ed saray arum a diriyos—saray diriyos ya ag da kabat, sikara, saray lalaki ra, o saray ararid Juda. Sayan pasen dinelap da na dala da ray anggapoy kasalanan a totoo,

Jeremias 21:11

Imbagad siak na Katawan ya ikuankod saray manoley ed Juda, saray kabyangay boleg nen Ari David, ira yan salita, “Dengel kayod ibagak, siak a Katawan. Ipakana yon inagew-agew so katonungan. Iyagel yoy toon nasasaol ed lima na manasaol ed sikato. No ag yo ya gawaen, saray maoges a gagawaen yo papetangen day olok tan onliub a singa apoy ya ag naerep.

Ezekiel 2:7

Ibagam ed sikaray amin a salitaen mo, dengelen da ka man odino andi. Nudnunot mon ontan lay isusumpa rad siak.

Ezekiel 3:17

Inkuanto, “Sika a toon ompatey, gawaen ta ka a managbantay ed bansa na Israel. Ipasabim ed sikara iray pasakbay ya ibabagak ed sika.

Oseas 5:1

“Dengel kayod sayan salita, sikayo ran papari! Manimano kayo, sikayo ran totood Israel! Dengel kayo, sikayon kabyangay pamilya na ari! Nepeg yo komun so manintinsia onung ed katonungan—kanyan sikayo so nasintinsiaan a nadusa! Nagmaliw kayon patit diad Mizpa, nagmaliw kayon sakey ya iket ya akapanat ed Palandey na Tabor;

Amos 4:1

Dengel kayod saya, sikayo ran bibii a taga Samaria, ya ontataban singa saray maung so kapapakan a baka ed Basan, maruksa ed saray duruka, managpairap ed saray mairap-bilay, tan managpasoot ed kaasawaan yon maniter ed sikayoy alak ya inomen yo!

Mikias 3:1

Dengel kayo, sikayo ran manoley ed Israel! Sikayo komun so nepeg a mannunot na nipaakar ed katunongan,

Puyan 2:29

“Sikayo ran walay layag, dengel yoy ibabagay Ispiritu ed saray iglisia!