Jeremias 17:2 - Maung A Balita Biblia

² Saray totoom et mangigagalang ira diad saray altar tan saray tanda a nipaalagey para si diosan Ashera diad abay na masalumpapak a kiew, diad toktok na saray pokdul,

Maung a Balita Biblia

² Saray totoom et mangigagalang ira diad saray altar tan saray tanda a nipaalagey para si diosan Ashera diad abay na masalumpapak a kiew, diad toktok na saray pokdul,

Jeremias 17:2 Iomraidhean Croise

2 Saray Awaran 24:18

Tinondaan na saray totoo so mangigalang ed Timplo na Katawan, say Dios na saray lalaki ra, tan angigalang irad saray talintaoy diriyos tan saray talintaoy diosan Asera. Lapud sayan kasalanan na saray totood Juda tan Jerusalem, akapasnuk so Katawan ed sikara.

2 Saray Awaran 33:19

Say pikakasi na ari tan say ebat na Dios ed sayan pikakasi, saray ginagawa ton kasalanan tan kaogsan kasakbayan a nagbabawi—saray ginagawa ton pasen a panangigalangan na saray pagano tan saray tanda na diosan Asera, tan saray talintaoy diriyos ya inggagalang to et nikorit iran amin ed Say Awaran da ray Propita.

2 Saray Awaran 33:3

Pinapasimbalo ton impaalagey iray paganon pasen a panangigalangan a dinederal nen Ezekias ya ama to. Nanggagawa na saray altar a panangigalangan ed Baal, saray talintao na diosan Asera, tan inggagalang to ray bitewen.

Saray Salmo 78:58

Pinasanuk day Dios lapud saray paganon pasen a panangigalangan, tan pinapetang dan maung so olo to lapud saray talintaoy diriyos da.

Exodo 34:13

Igeba yo ingen iray altar da, deral yo ray masanton lusek da, tan batang yo ray tanda na diosa ran Asera.

Isaias 1:29

Ombaing kayo lapud impangigagalang yod saray kiew tan lapud impanggawa yo ray masanton tanamanan.

Isaias 17:8

Ag la rad satan manmatalek ed saray altar a ginaway dilin lima ra, odino manmatalek ed dinan man a ginawa ra—saray tanda na diosan Asera tan saray altar a panagpoolan na insinso.

Jeremias 2:20

Say Katawan a Dios kuanto, “Israel, nen saman impolisay moy pakaoley ko; ag mo nilabay ya onuren ak tan igalang ak. Diad toktok na balang atagey a pokdul, tan diad silong na balang mabonan kiew, angigalang kad singa marotak a bii.

Jeremias 3:23

Anggapoy naalagar min tulong a manlapud saray diriyos a gagalangen mid saray toktok na kapokdulan. Manlapu labat ed Katawan a Dios mi so tulong a para Israel.

Jeremias 3:6

Nen si Josias so ari, inkuan na Katawan ed siak, “Anengneng mo so ginawa na Israel, saman ya aliwan matoor a bii? Diad balang atagey a pokdul, tan diad silong na balang malambut a kiew nagmaliw diman a singa marotak a bii.

Jeremias 7:18

Saray ogogaw mantitipon ira na kiew ya itotongo, saray totoon baleg a lalaki et mamaparlang ira, tan saray bibii manmamasa ra na gawaen dan kanen a para diosan tatawagen da na Riyna na Tawen. Angisaklang met ira na saray bagat ya iinomen ed saray arum a diriyos, pian napasakitan da ak.

Ezekiel 20:28

Inyakar ko rad dalin ya insipan kon iter ed sikara. Nen anengneng da ray atagey a pokdul tan saray masalumpapak a kiew, nambabagatan da ran amin. Impanpasnuk da ak diad panamegley na saray bagat a pinopoolan da tan diad saray alak ya inyaakar dan bagat.

Deuteronomio 12:2

Diad dalin a kayaryanen yo, deral yo ray amin a pasen a pangigagalangan na saray totoo ed saray diriyos da diad saray atagey a palandey, diad saray pokdul, tan diad silong na saray malambut a kiew.

Saray Huis 3:7

Alingwanan na saray Israelita so Katawan a Dios da; nankasalanan irad sikato tan inggagalang da ray talintao nen Baal tan Asera.