Jeremias 17:13 - Maung A Balita Biblia

¹³ Katawan, sika so ilalo na Israel; nabaingan ya amin iray mangikaindan ed sika. Naandipat iran singa saray ngaran a nisulat ed dabuk, lapud inkaindan da ka, say Katawan, say sobul na ambetebetel a danum.

Maung a Balita Biblia

¹³ Katawan, sika so ilalo na Israel; nabaingan ya amin iray mangikaindan ed sika. Naandipat iran singa saray ngaran a nisulat ed dabuk, lapud inkaindan da ka, say Katawan, say sobul na ambetebetel a danum.

Jeremias 17:13 Iomraidhean Croise

Saray Salmo 22:4

Nanmatalek ed sika iray lalaki mi; nanmatalekan da ka et inlaban mo ra.

Saray Salmo 69:29

Balet maniirap ak tan nasasakitan ak; agwat mo ak pa, O Dios, tan ilaban mo ak!

Saray Salmo 71:5

Katawad a Dios, sikay paniilaloan ko; nanlapud impanbalolakik, sikay panmamatalkan ko.

Saray Salmo 73:27

Saray mangikakaindan ed sika et andi-saew ya ompatey ira; deralen mo ray aliwan matoor ed sika.

Saray Salmo 97:7

Napepelag ed kababaingan ya amin iray mangigagalang ed saray talintaoy diriyos; mandadakmomo ya amin iray diriyos ed Katawan.

Probirbio 10:7

Nanunotan a sakey a bindision so toon matonung, balet nalingwanan a tampol so toon maoges.

Probirbio 14:14

Saray totoon maoges anien day bayar na kaogsan da. Saray totoon matonung natumangan ira, lapud saray gawgawa ra.

Isaias 1:28

Balet deralen toy balang sakey a mankakasalanan tan onlalaban ed sikato; pateyen toy siopaman a mangikaindan ed sikato.

Isaias 66:5

Dengel kayod ibabagay Katawan, sikayon walay takot ed sikato tan mangoonur ed sikato: “Lapud matoor kayod siak, pigaran totoo yo so mamobosul ed sikayo tan ipopolisay da kayo. Luludlureyen da kayo tan kuanda, ‘Ipanengneng komun na Katawan so inkatalonggaring to tan ilaban to kayo, pian nanengneng mi kayon manliket.’ Balet sikaran dili et napelag ed kababaingan.

Jeremias 14:8

Sika labat so ilalo na Israel, sika so mangilalaban ed sikami ed kaderalan. Akin et singa ka sangkaili ed dalin mi, singa biahiron sanlabi labat so pipundo to?

Jeremias 17:17

Ag mo ak pa tataktakoten; no onsabiy gunigon, sikay salimbengan ko.

Jeremias 17:18

Ipelag mo pad kababaingan iray mamapairap ed siak, balet ipaliis mo ak pa, Katawan. Patakot mo pa ra, balet ag mo ak tataktakoten. Iyakar mo pad sikaray deral tan mekmek mo ra.

Jeremias 17:5

Say Katawan kuanto, “Dusaen koy toon onarawid siak, tan manmatalek ed too, tan diad biskeg na saray ompatey a totoo.

Jeremias 19:4

Gawaen ko ya, lapud inkaindan ak na saray totoo tan dinotakan da yan pasen diad impangibabagat da dia ed saray arum a diriyos—saray diriyos ya ag da kabat, sikara, saray lalaki ra, o saray ararid Juda. Sayan pasen dinelap da na dala da ray anggapoy kasalanan a totoo,

Jeremias 2:13

ta duaray nankasalanan na saray totook: inkaindan da ak, siak a sobul na mabilay a danum; nankokotkot ira na saray bobun, saray bobun a nanletak kanyan ag makakargay danum.

Jeremias 2:17

Israel, sika so nansengegan ed saya! Inkaindan mo ak a Katawan a Dios mo, legan ya iwawanwan ta kad dalan.

Jeremias 50:7

Dinodogpaan ira na amin ya akalmod sikara. Saray kalaban da kuanda, ‘Aliwan maoges so ginawa tayod sikara, tan nankasalanan irad Katawan. Nanmatalek ed Katawan iray lalaki ra, kanyan nepeg komun a nansiansian matoor irad sikato.’

Ezekiel 13:9

Ngalngali ta kayo la dusaen, sikayo ran propita a tila ray pasingayew yo tan managpalikdo ray pasakbay yo. Ag kayo nakaiba na saray totook no mantitipon iran manggaway disision; ag nibilang iray ngaran yo ed listaan da ray mibabaley ed Israel; ag kayon balut makapawil ed dalin yo. Diad satan naamtaan yo a siak so Katawan a Dios.

Ezekiel 16:63

Pirdonaen kon amin iray gawam a maoges, balet nanunotan mo ra tan diad mapalalon kababaingan mo ag mo nabiswat so sangim.” Say Katawan a Dios ta so nansalita.

Ezekiel 36:32

Israel, labay kon ipaamtad sika ya aliwan sikay makasengeg na panggagawaan kod saya. Labay kon nabaingan tan napaabeba ka lapud saray gagawaen mo. Siak a Katawan a Dios so nansalita.”

Daniel 12:2

Onolid bilay iray amayamay ed saray inaatey la: manliket ed bilay ya andi-anggaan iray arum balet manliknay andi-anggaan a kababaingan iray arum.

Joel 3:16

Unungol a manlapud Palandey na Sion so Katawan; say bosis to onkarul a manlapud Jerusalem; nayakayak iray katawenan tan nayegyeg so dalin. Balet iyagel to ray totoo to.

Zacarias 13:1

“No onsabiy tan a panaon,” kuay Katawan a Makapanyarin-amin, “nalokasan so subul a manlinis ed kasalanan tan panangigalang ed talintaoy diriyos iray kabyangay boleg nen David tan saray totood Jerusalem.

Zacarias 9:12

Pawil kayo la, sikayon nibantak ed arum a bansa a natan wala lay ilalo yo; pawil kayod pasen yon arawid kaatapan. Ibabagak ed sikayo natan a say bindision ya iter kod sikayo et mamidwad karakel na saramay kairapan a nilikna yo.

Lucas 10:20

Balet ag kayo manliliket lapud oonuren kayo ray maoges ya ispiritu. Manliket kayo ingen lapud nisulat ed tawen iray kangaranan yo.”

Juan 4:10

Inmebat si Jesus, “No amtam labat so iter na Dios tan no kabat mo no siopay mikekerew ed sika na inomen, miala kad sikato angangko et itdan to kay mabilay a danum.”

Juan 4:14

“balet ag lan balut naapgaan so siopaman ya oninom na danum, ya iter ko. Ta say danum ya iter kod sikato magmaliw a sobul ed loob to a mangiter ed sikatoy mabilay a danum tan bilay ya andi-anggaan.”

Saray Gawgawa 28:20

Lapud saya, impatawag ta kayon pinengnengan tan pitongtongan; ta say katwaan akagolunggolung ak makasengeg ed samay kawalaay ilalo na Israel.”

1 Timoteo 1:1

Sayan sulat nanlapud kinen Pablo ya apostol nen Cristo Jesus, onung ed ganggan na Dios a Manangilaban tayo tan si Cristo Jesus ya ilalo tayo—

Puyan 20:15

Nibantak ed dayat ya apoy so siopaman ya ag nisulat so ngaran tod libro na bilay.

Puyan 21:6

Inkuanto nid siak, “Asumpal la! Siak so Alpha tan say Omega, say gapo tan say samput. Siopamay napgaan itdan ko na anggapoy bayar a danum a manlapud sobul na danum na bilay.

Puyan 22:1

Samay anghil impanengneng to met ed siak so ilog na danum na bilay. Malinew a singa kristal so danum ton manlalapud tronoy Dios tan say Kordiro,

Puyan 22:17

Inkuan na Ispiritu tan say Nobia, “Gala dia!” Nepeg ya amin da ray makadngel ed saya ikuanda met, “Gala dia!” Siopamay napgaan, onasingger; siopamay malabay, mangala na anggapoy bayar a danum na bilay.

Puyan 7:17

Ta samay Kordiron walad pegley na trono so mampastol ed sikara. Iwanwan to rad sobusobul na mabilay a danum, tan ponasey Dios iray amin a lua ed mata ra.”