Jeremias 17:11 - Maung A Balita Biblia

¹¹ Say toon masaol ed kuarta singa manok a poposnakan to ray ag to iniknol. Diad kabisbiskegan to nabalang toy kayamanan to, tan diad kaonuran sikatoy sakey a makulang-kulang.

Maung a Balita Biblia

¹¹ Say toon masaol ed kuarta singa manok a poposnakan to ray ag to iniknol. Diad kabisbiskegan to nabalang toy kayamanan to, tan diad kaonuran sikatoy sakey a makulang-kulang.

Jeremias 17:11 Iomraidhean Croise

Say Libro nen Job 20:21

No mangan anggapon balut so nakeraan, balet natan mansamput la so aligwas to.

Saray Salmo 49:13

Nengneng yoy nagagawa ed saray manmamatalek ed sikaran dili, say pansusumpalan da ray napepenek lad kayamanan da—

Saray Salmo 55:23

Balet sika, O Dios, ibantak mod lobuk, iray totoon managtila tan managpatey kasakbayay pakasumpal na kapalduay bilay da diad tapew na dalin. Siak, balet, sikay panmatalkan ko.

Probirbio 13:11

Mainomay a nabalang so kayamanan ya ag nansagputan, balet naaruman lan naaruman no nansagputan.

Probirbio 15:27

Say toon masaol mangiiter na gunigon ed pamilya to. Ag ka mangaawat na pasoksok, et andokey so bilay mo.

Probirbio 21:6

Say kayamanan a nanaalam ed saol et kabebekta naandipat, balet aliwan kasakbayan na pangiwanwan tod sika ed sangabay lobuk.

Probirbio 23:5

Nayarin naandi lay kuartam diad sakey labat a kakirem, a singa nampayak tan ontikyab ya agila.

Probirbio 28:16

Say manoley ya ag to ikakanay olo to et magmaliw a maruksan managpairap, balet say manoley a kabosul toy panagsaol et andokey so panoley to.

Probirbio 28:20

Saray totoon maptek mambilay ira a nagnap so liket da. No maganat kan onyaman nadusa ka.

Probirbio 28:22

Saray totoon masiblet maganat ira ya onyaman, kanyan ag da amta no ngalngali la onirap so bilay da.

Probirbio 28:8

No minmayaman ka lapud alablabas a panagpaabang moy kuartam tan diad panaganamut moy pankanawnawam ed saray totoo, onla ed toon mapangasid mairap-bilay so kayamanan mo.

Jeremias 22:13

Pakaskasi so toon mangipapaalagey na abung diad panamegley na aliwan matonung a polaing, tan papabalegen to diad panamegley na panagsaol; ya anggapoy nagunggona na saray pankikimeyen ton kadalaan to, ta ag to iiter iray upa ra.

Jeremias 22:17

Balet, sika, anggapoy arum a pampipilalekan mo no ag say pankaabigan mon dili; papateyen mo ray anggapoy kasalanan, tan maruksay pamapairap mod saray totoom. Say Katawan so nansalita.

Jeremias 6:13

Balang sakey, atagey may abeba so kipapasen, mansasaol ed panaanap toy kuarta; anggan saray propita tan saray papari et sasaolen da ray totoo.

Jeremias 8:10

Kanyan iter kod arum a lalaki so kaasawaan da, tan saray kaalogan da iter ko met ed saray arum ya akankien. Balang sakey, abeba may atagey so kipapasen, mansasaol ed panaanap toy kuarta; anggan saray propita tan saray papari et sasaolen da ray totoo.

Amos 3:10

Say Katawan kuanto, “Sarayan totoo et papanoen da ray ankakabaleg ya abung da na saray bengatlan sinasamsam da tan tinatakew da. Ag da amtay manggaway kaptekan.

Mikias 2:9

Patataynanen yod inararo ran kaabungan da iray bibii ed saray totook, tan tinatakew yod saray anak da so bindision kod ando lan ando.

Mikias 7:3

Amin da et masilib a manggaway kaogsan. Onkekerew na pasoksok iray opisyal tan saray huis. Say toon gagalangen ed bansa et ibabaga tod sikaray labay ton naala o nagawa, et mankokomplut la ra.

Sofonias 1:9

Dusaen kon amin iray mangigagalang a singa saray pagano tan mantatakew tan mampapatey ira, pian napano ra na sinamsam so abung na amo ra.

Zacarias 5:4

Ibabaga na Katawan a Makapanyarin-amin ya ibaki to yan samba tan onloob ed abung na balang matakew tan diad abung na balang toon mansasamba ed pantitila to. Mansiansia ed kaabungan da tan taynan to ran aderal-deral.”

Malakias 3:5

Say Katawan a Makapanyarin-amin kuanto, “Onsabi ak a manintinsia ed sikayo, tan mantasi ak a tampol sumpad saray managsalamangkiro, saray managlawan, saray mantatasi na tila-tila ed korti, saray manasaol na suildo da ray kumikimey, tan saray mamapasegsegang ed saray balon bibii, saray olila, tan saray sangkaili—amin da ray mangigagalang ed siak.

Mateo 23:13

“Pakaskasi ki la, sikayon iskriba tan sikayon Pariseo! Mansimpisimpitan a totoo! Ikakaput yoy puirtay Panarian na tawen pian ag makaloob iray totoo. Anta ag yo la labay so onloob ed Panariay tawen, pibabali yo nin sesebelan iray totoon malabay!

Lucas 12:20

Balet inkuay Dios ed sikato, ‘Kulang so kalakal mo! Diad sayan labi, ompatey ka. Siopa natay manawir ed saratay imparaan mon para sika?’”

1 Timoteo 6:9

Balet saray totoon mampipilalek ya onyaman, napepelag irad tukso tan napapatitan ira na andi-kakanaan tan makaderal iran likeliket a mangitatabuy ed sikara diad kaderalan tan kabagbagan.

Tito 1:11

Nakaukolan a patondaen irad pansasalita ra, ta gogoloen da ray sankapamilyaan. Lapu labat ed makapabaing a pakalmo ray kuarta, ibabangat da lay aliwan manepeg ya ibangat.

2 Pedro 2:14

Panliliketan dan maung so inengneng dan naynay ed saray bibiin marotak. Ag ira onsasawad panggagawa ray kasalanan. Isosonson dad kasalanan iray makapoy ed pananisia. Pasal dan agoman iray kapara ran too. Naayew ira yan totoo!

2 Pedro 2:3

Lapud inkaagom da, siliban day kayamanan yo diad panamegley na saray tila-tilan salita. Abayag lan akaparaay dusa ra, tan ag naogip so Mananeral ed sikara!