Jeremias 16:12 - Maung A Balita Biblia

¹² Balet mapalalo nin maoges so ginawa yo nen saray lalaki yo. Amin yo et anawet so puso yo tan maoges kayo, tan ag kayo ontoluk ed siak.

Maung a Balita Biblia

¹² Balet mapalalo nin maoges so ginawa yo nen saray lalaki yo. Amin yo et anawet so puso yo tan maoges kayo, tan ag kayo ontoluk ed siak.

Jeremias 16:12 Iomraidhean Croise

Genesis 6:5

Nen anengneng na Katawan so ontan lan kaogsan na amin a totoo ed tapew na dalin, say ontan lan kinaoges lawas na kanunotan da,

Genesis 8:21

Akapaliket ed Katawan so naangub ton balingit na samay bagat, kanyan inkuantod sikaton dili, “Ag ko lan balut isambay dalin lapud saray gagawaey too; amtak a manlapud ogaw ni, maoges lay kanunotan to. Ag ko lan balut deralen ya amin iray pinalsan mabilay a singa ginawak.

Ecclesiastes 8:12

Anggaman a manggaway sanlasus a krimin so sakey a makasalanan, siansian mambilay. On, amtak so ibabaga ra, “No onuren moy Dios maung ya amin so kasumpalan na bilay mo,

Ecclesiastes 9:3

Nampapara so nagagawa ed amin a too, et sikato yay makapoy a nagagawa, a singa amin a nagagawa diad mundo. Legan a mambibilay iray totoo, mannununot ira lawas na kaogsan tan kambagelan, et kabebekta ompatey ira.

Jeremias 13:10

Sarayan totoon maoges et ag ira inmonur ed siak, tan lawas anawet so puso ra tan maoges ira tan inggalang tan nanlingkur irad arum a diriyos. Kanyan sirin, magmaliw iran singa sayan potut a pantalon ya anggapo lay kana to.

Jeremias 17:9

“Siopay makatalus ed puso na too? Anggapoy ontalona ed panamalikdo to; ag onabig so sakit to.

Jeremias 18:12

Say iyebat da, ‘Andi! Akin ey? Paaweten mi so puso mi tan gawaen miy maoges onung na kaliktan mi!’”

Jeremias 22:28

Inkuanko, “Nagmaliw ta lan singa nabtag a banga si Joakin, nibantak tan anggapo lay malabay? Sikato tan so makasengeg no akin et sikato tan saray anak to et nibantak irad dalin ya ag dan balut amta?

Jeremias 7:24

Balet ag ira inmonur odino dinmengel. Ingen inonur day imbaga na anawet tan maoges a puso ra, kanyan onmaung ira komun, linmoor lalaingen so kaogsan da.

Jeremias 7:26

Balet ag kayo dinmengel odino angimano. Ingen, nagmaliw kayon lalon anawet so puso tan lalon mananumpa nen saray lalaki yo.

Jeremias 9:14

Anawet so olo ra, kanyan inonur day labay dan dili. Inggalang da ray talintao nen Baal onung na imbangat na saray lalaki ra a gawaen da.

Saray Tagleey 5:7

Nankasalanan iray lalaki mi tan inaatey la ra, balet maniirap kami lapud saray kasalanan da.

Ezekiel 20:30

Natan, ibagam ed saray Israelita so ibabagak: Akin et gagawaen yo ray kasalanan a ginagawa da ray lalaki yo tan labalabay yon panlingkuran iray talintaoy diriyos da.

Amos 2:4

Say Katawan kuanto, “Nankakasalanan iray totood Juda, kanyan andi-saew a dusaen ko ra. Impolisay da ray bangat ko tan ag da inonur iray ganggan ko. Imbalang ira na saray tila-tilan diriyos a nanlilingkuran na saray lalaki ra.

Malakias 3:7

Singa saray lalaki yo nen saman, impolisay yo ray ganggan ko tan ag yo ra inonur. Pawil kayod siak, et ompawil ak ed sikayo. Balet tetepeten yo, ‘Antoy gawaen mi, pian makapawil kamid sika?’

Marcos 7:21

Ta manlapud otel na pusoy too iray maoges a kanunotan, pilalawanan, panagtakew, panagpatey,

Deuteronomio 29:19

Pampelengan yo ya anggapo diay anggan sakey ed sikayo ya onderengel ed sarayan pagagawa na Dios, a sisiaen tod sikaton dili a maung lawas so kipapasen to, anggaman a diad gaway awet na olo to et gawaen toy labay to. Pateyen kayo na satan a nagawa, sikayon amin, maung may maoges.

Deuteronomio 9:27

Nudnunot mo pa ray aripen mon di Abraham, Isaac, tan Jacob, tan palabas mo lay inkaawet na olo da ra yan totoo, say inkaoges da, tan say kasalanan da.

2 Timoteo 3:13

Balet magmaliw a lalon maoges iray managgaway kaogsan tan manamalingo. Ituloy day pamalingo rad arum, balet napalingo met ira.

Saray Hebreo 3:12

Agagik ira, manalwar kayo ya anggapo komud sikayoy maoges so puso to tan naandiay pananisia a mansumpal ed pangibeneg tod Dios a mabilay.

Saray Huis 2:19

Balet kapatey na pangulo, saray totoo ompawil irad gendat a kabibilay da tan mapalalo niy kaogsan da nen say kaogsan na imbeneg a kailalakan. Nanlilingkur tan angigagalang irad saray arum a diriyos, tan diad gaway awet na olo ra intuloy day maoges a kabibilay da.

1 Samuel 15:23

Say isumpa ed sikato et singa kinaoges na panangipanon ed saray maoges ya ispiritu tan say panagpaatagey et singa kinaoges na panangigalang ed saray diriyos. Lapud impolisay moy ganggan na Katawan, impolisay to ka met ya ari.”