Jeremias 15:8 - Maung A Balita Biblia

⁸ Ginawak a dakel nen saray buer ed gilig na dayat iray bibiin balo a kadalaan yo. Pinatey ko ray anak yo nen kabisbiskegan da; impanliknak na kairapan iray kainaan da. Bengatbengat ko ran pinaermen tan pinatakot.

Maung a Balita Biblia

⁸ Ginawak a dakel nen saray buer ed gilig na dayat iray bibiin balo a kadalaan yo. Pinatey ko ray anak yo nen kabisbiskegan da; impanliknak na kairapan iray kainaan da. Bengatbengat ko ran pinaermen tan pinatakot.

Jeremias 15:8 Iomraidhean Croise

Isaias 3:25

Saray lalakid siudad, anggan antoy biskeg da et napatey irad bakal.

Isaias 3:26

Manermen tan manakis iray puirta na siudad, tan say dilin siudad magmaliw a singa biin labus-lakseb a manyodyorung ed dalin.

Isaias 4:1

No onsabiy tan a panaon, singkaten na pitoran bibii so sakey a laki tan ikuanda, “Nayarian min pakanen tan kawesan so sikamin dili, balet ipangasim ya ibagam a sikay asawa mi, pian naekal ed sikamiy kababaingan na anggapoy asawa.”

Jeremias 16:3

Ibagak ed sika no antoy nagawa ed saray anak a nianak dia tan saray atateng da.

Jeremias 18:21

Balet natan, Katawan, gawam pan ompatey ed eras iray anak da; ipapatey mo pa rad bakal. Iyabuloy mo pan nabalo ray bibii tan naandid mundo ray anak da; gawam pan ompatey ed salot iray lalaki, tan diad bakal iray lalakin walad kalangweran.

Jeremias 22:7

Mangibaki ak na totoon manderal ed sayan palasio. Awiten dan amin iray wasay da, batangen da ray balibalin lusek a sidro, insan da ra ibontuk ed apoy.

Jeremias 4:16

Diad pamasakbay dad saray bansa tan pangibaga rad Jerusalem ibawag da, “Onsasabi ray kalaban a nanlapud sakey ya arawin bansa. Mambando ra sumpad saray siudad na Juda,

Jeremias 5:6

Lapud saya pateyen ira na saray lion a manlapud takel; bingbingkasen ira na saray asod katakelan a manlapud kalawakan; onloob ed saray baley da iray liopardo. Siopaman ed sikara so ompaway nabingbingkas ta amayamay lay kasalanan da, tan amimpiga-piga la ran inmaarawi ed Dios.

Jeremias 6:26

Say Katawan kuanto ed saray totoo to, “Mansolung kayoy sako tan mantolin-tolin kayod dapul. Manermen kayon singa panermen yod saksakey ya anak yon laki, akis kayo na ampaipait, ta biglan dogpaan kayo na manderal ed sikayo.

Saray Tagleey 5:3

Pinapatey na kalaban iray kaamaan mi; balo la natan iray kainaan mi.

Ezekiel 22:25

Saray pangulo et singa ra saray lion a mangwam diad impakapatey da na saray ayayep. Papateyen da ray totoo, aalaen da ray amin a naala ran kuarta tan kayaryan tan lapud saray panagpatey da, amayamay iray abalo.

Oseas 4:5

Labi-agew a manggagawa kayoy kaogsan; ontan da met iray propita. Deralen ko so Israel ya ina yo.

Lucas 21:35

tan ag kayo akaparaan. Ta diad sayan Agew onsabid amin a katoowad intiron mundo ya ag da naamamtaan.