Jeremias 15:21 - Maung A Balita Biblia

²¹ Iyagel ta kad pakayari na saray maoges tan maruksan totoo. Siak, say Katawan, so nansalita.”

Maung a Balita Biblia

²¹ Iyagel ta kad pakayari na saray maoges tan maruksan totoo. Siak, say Katawan, so nansalita.

Jeremias 15:21 Iomraidhean Croise

Genesis 48:16

Bindisionan ira komun na anghil ya angipaliis ed siak ed antokaman a kaogsan. Mansiansia komun ed panamegley da so ngaran ko tan say ngaran di amak ya Abraham tan amak ya Isaac. Nawalaan ira komun na amayamay a kabyangay boleg.”

Saray Salmo 27:2

No dogpaan ak a pateyen na saray totoon maoges, natiror tan natumba ra.

Saray Salmo 37:40

Tutulongan tan ililiktar to ra; iyaagel to rad totoon maoges, ta papaiyagel irad sikato.

Saray Salmo 97:10

Inaro na Katawan iray mamobosul na kaogsan; iyaagel toy bilay na saray totoo to, ilalaban to rad pakayari da ray totoon maoges.

Isaias 29:20

Sayan agew balet so anggaan da ray mamapairap ed saray arum a totoo tan mangipapanengneng na ag da pangingalngalep ed Dios. Naderal ya amin iray makasalanan.

Isaias 29:5

Jerusalem, amin da ray taga arum a bansan ondodogpad sika et singa ra dabuk ya ontikyab ed arawi, tan saray makapataktakot a sondalo ra et ontikyab iran singa taep. Insan diad ag iilaloan tan bigla-biglan nagawa,

Isaias 49:26

Pagmaliwen kon mampapateyan iray mamapairap ed sikayo; nabuek irad pampatey na too. Diad satan naamtaan na amin a katoowan a siak so Katawan, say Mananondon tan Manangilaban yo. Naamtaan da a siak so makapanyarin Dios na Israel.”

Isaias 54:17

Balet anggapoy armas a makapasakit ed sika; walay niebat mo ed amin a mangakusa ed sika. Iyagel ko ray aripen ko tan panaloen ko ra.” Say Katawan so nansalita.

Isaias 60:16

Talimaen ka na saray bansa tan saray arari A singa pangaasikaso na ina ed anak ton melag. Naamtaan mo a siak, so angilaban ed sika, Ya ibobolus ka na makapanyarin Dios na Israel.

Jeremias 16:1

Akisalita lamet ed siak so Katawan tan inkuanto,

Jeremias 20:13

Mankanta kayod Katawan! Igalang yoy Katawan! Iyaagel to ray napapairap ed pakayari da ray maoges a totoo.

Jeremias 26:24

Balet ag ak nipalimad saray totoo pian pateyen da ak, lapud inyagel ak nen Ahikam a lakin anak nen Safan.

Jeremias 31:11

Imbolus ko ray Israelita, tan inyagel ko rad makapanyarin bansa.

Jeremias 38:28

Nansiansia ak a nanayam ed patio na palasio anggad adakep so Jerusalem.

Jeremias 39:11

Balet si Ari Nabucodonosor na Babilonia imbaga tod kinen Nebuzaradan a pangulo na saray sondalo ya ipaakseb to yay onggendan a ganggan:

Jeremias 39:12

“Laka ta anap moy Jeremias tan asikasom a maung. Ag mo papasakitan, tan iter mo so antokaman a labay to.”

Jeremias 50:34

Balet mabiskeg so mangyagel ed sikara—Yahweh a Makapanyarin-amin so ngaran to. Sikaton diliy mangyalagey ed sikara tan mangyakar na kareenan ed mundo, balet gunigon so iyakar tod saray taga Babilonia.”

Daniel 3:17

No say Dios a panlilingkuran mi et nayarian to kamin iyagel ed manliub a palbaan tan diad pakayarim, iyagel to kami.

Daniel 3:25

“Akin sirin et apatiran lalaki so nanenengneng ko a manaakar-akar ed samay apoy?” tepet to. “Ag la ra abalur, tan ag da nengneng so nasasakitan—tan samay kumapat et nengneng toy singa anghil.”

Mateo 6:13

Tan ag mo kami pa iyaakar ed pakatuksoan, no ag ingen iyagel mo kamid samay Maoges.’

Saray Taga Roma 16:20

Say Dios a panlalapway kareenan tayo et magano lan pagatin-gatinan toy Satanas ed sikayo. Talimaen kayo komun nen Jesus a Katawan tayo.

2 CORINTO 1:10

Inlaban to kamid saman a makapasinagem a kaatapay patey, tan ituloy toy pangilaban tod sikami. Balbaleg so ilalo min ilaban to kami lamet,