Jeremias 14:22 - Maung A Balita Biblia

²² Anggapod saray diriyos na saray bansa so makapaoran; anggan say tawen ag to makapangipelag na mayamaya. Sikay paniilaloan mi, Katawan a Dios mi, ta sikay manggagawa na sarayan bengatla.”

Maung a Balita Biblia

²² Anggapod saray diriyos na saray bansa so makapaoran; anggan say tawen ag to makapangipelag na mayamaya. Sikay paniilaloan mi, Katawan a Dios mi, ta sikay manggagawa na sarayan bengatla.

Jeremias 14:22 Iomraidhean Croise

1 Saray Arari 17:1

Inkuanen propita Elias a taga Tisbe na Galaad ed kinen Ari Aca, “Diad ngaran na Katawan a mabilay a Dios na Israel a panlilingkuran ko, ibagak ed sikan anggapoy napelag a linaew o oran ed loob na arapen a duara odino taloy taon ya anggad ag ko pangibagan onoran la.”

1 Saray Arari 17:14

Ta onyay inkuan na Katawan a Dios na Israel, ‘Ag naandian na arina so pasig, tan ag naandian na larak so garapon anggad ed agew a siak, say Katawan et mangipelag ak na oran.’”

1 Saray Arari 18:1

Kayariy pigaran agew, nen mikatloy taon lan anggapoy oran, inkuan na Katawan ed kinen Elias, “Laka, ta iparontal moy sikan dili ed kinen Ari Acab, insan ko la paoranen.”

1 Saray Arari 8:36

dengel mo pa rad tawen. Pirdonam pa ray kasalanan na ari tan saray totoom ya Israelita. Ibangat mo pad sikaray matonung a pambilay da, tan ipelag moy oran ed sayan dalin mo ya impatawir mod saray totoom.

Say Libro nen Job 28:26

Nen ginetma na Dios no iner so kapelagan na oran, Tan no iner so dalanen na kirmat,

Say Libro nen Job 5:10

Ipepelag tod dalin so oran a manalog ed kaalogan.

Saray Salmo 130:5

Ontan lay panaalagar koy tulong na Katawan, tan manmamatalek ak ed salita to.

Saray Salmo 135:7

Sikatoy mamapaatagey ed saray lorem a manlapud saray samput na dalin; gagawaen toy kirmat para saray bagyo, tan ipapaway toy dagem a manlapud kuarton panagsinupan to.

Saray Salmo 147:8

Itatayak tod tawen iray lorem; iitdan to na oran so dalin tan pababalegan tod kapokdulan iray karikaan.

Saray Salmo 25:21

Iyagel ak komun na kaabigan tan kaptekan ko, ta manmamatalek ak ed sika.

Saray Salmo 25:3

Ag nabaingan iray manmamatalek ed sika, no ag ingen saray bengatbengat ya onsusumpad sika.

Saray Salmo 27:14

Manmatalek kad Katawan. Mampabiskeg ka, pakpel moy linawam. On, manmatalek kad Katawan.

Isaias 30:18

Anggaman ontan, manaalagar so Katawan a mangasid sikayo. Sipaparaan a mangasid sikayo lapud matonung lawas so gagawaen to. Maliket iray totoon manmamatalek ed Katawan.

Isaias 30:23

Kapag mantanem kayod kaalogan yo, paoranan na Katawan, pian ontubo ray tanaman yo et dakel so naani yo; saray baka yo et nawalaan met ira na maawang tan marikan pastolan.

Isaias 41:29

Andi-kana ra yan amin a diriyos: anggapon balut so nagawaan da— makapoy tan anggapoy pakayari ira yan talintaoy diriyos.”

Jeremias 10:12

Pinalsa na Katawan so dalin diad panamegley pakayari to; diad panamegley na kakabatan to pinalsa na Dios so mundo tan impanat toy katawenan.

Jeremias 10:13

Diad ganggan to inmungol so danum ed tagey na tawen; aawiten to ray lorem a nanlapud saray sokung na mundo. Pakikirmaten to no onooran, tan pasisiplugen toy dagem a manlalapud panagsinupan ton kuarto.

Jeremias 10:15

Andi-kakanaan ira, tan kanepegan day balawen; naderal ira no onsabin maneral ed sikara so Katawan.

Jeremias 10:3

Andi-kakanaan so rilihion da ra yan totoo. Abatang ed takel so sakey a kiew; tinatabtaban na kagawaan na marunong ya iskoltur,

Jeremias 16:19

Katawan, sika so mangyaagel ed siak, tan mangiiter na biskeg ko; tutulongan mo ak no panaon na gunigon. Onlad sika ray bansan nanlapud nandoroman sokung na mundo tan ikuanda, “Tila-tilan diriyos labat so walad saray lalaki mi; anggapo lay arum no ag ta saray andi-kakanaan a talintaoy diriyos.

Jeremias 5:12

Imbori na saray Israelita so Katawan. Inkuanda, “Anggapo lamlamang so gawaen to. Anggapoy kairapan ya onsabid sikatayo; ag itayo nadalan na bakal odino eras.”

Jeremias 5:24

Ag yon balut ninunot a pagalangan ak, anggaman a siak so mangiiter na oran ed tiagew tan say oran ed nepnep tan siak so mangiiter a tinaon na panaon na panagani.

Jeremias 51:16

Diad ganggan to onuungol so danum ed katawenan; manlapud amin a sokung na mundo papaatageyen toy lorem. Pakikirmaten to no peles na oran, tan manlapud panagsinupan to ibabaki toy maples ya oran.

Oseas 2:7

Osilan to ray kainarowan to, balet ag to ra naabot. Anapen to ra, balet ag to ra narumog. Insan to ikuan, “Ompawil ak ed samay inmonan asawak, ta maung niy kipapasen na bilay ko nen kaamung ko nen say kipapasen ko natan.”

Joel 2:23

“Manliket kayo, sikayon totood Sion, manliket kayod saray ginagawad sikayo na Katawan a Dios yo. Initdan to kayo na nagnap ya oran ed tiagew, impelag toy oran a para sikayo no panaoy ambetel tan pinaoran ton singa gendat no nepnep.

Amos 4:7

Ag ko pinaoran nen nakaukolan lan mapalalo na saray tanaman yo so danum. Angipelag ak na oran ed sakey a siudad, balet ag ko pinaoran ed arum a siudad. Inmoran ed sakey ya alog, balet andi ed arum.

Mikias 5:6

Diad pakapanyari ra nadakep day Asiria, say dalin na Nimrod, et iyagel da tayod saray taga Asiria no looban day dalin tayo.

Mikias 7:7

Balet para siak, say Katawan so pampilalekan ko; sitatalek ak a manalagar ed Dios a manangilaban ko. Dengelen ak na Dios ko.

Mateo 5:45

pian nibilang kayon tuan anak na Ama yon walad tawen. Ta say agew to ipapasinag tod saray maoges tan diad saray maung a totoo, tan mangiiter na oran ed saray manggagaway kaogsan tan diad saray manggagaway kaabigan.

Deuteronomio 28:12

Lokasan toy tawen a mayaman a panagsinupan to tan ipelag toy oran no manepeg a panaon tan bindisionan toy amin a kimey yo, pian makapabayes kayod amayamay a bansa, balet ag la nakaukolan a miutang kayo ed anggan dinan a bansa.

Deuteronomio 32:21

Lapud saray talintaoy diriyos da pinapetang day olok; pinaimon da ak lapud saray ipapasen dan diriyos da, saray aliwan peteg a diriyos. Kanyan ikanak so sakey a paganon bansa a mamapetang na olo ra; paimonen ko ra lapud sakey a bansan makulang-kulang iray totoo to.