Jeremias 14:15 - Maung A Balita Biblia

¹⁵ Siak, say Katawan, ibabagak ed sika so gawaen kod sarayan propita ya ag ko ra imbaki, balet mansasalita ra ed ngaran ko tan ibabaga ran anggapoy ondalan a bakal tan eras ed sayan dalin. Pateyen ko ra ed panamegley na bakal tan eras.

Maung a Balita Biblia

¹⁵ Siak, say Katawan, ibabagak ed sika so gawaen kod sarayan propita ya ag ko ra imbaki, balet mansasalita ra ed ngaran ko tan ibabaga ran anggapoy ondalan a bakal tan eras ed sayan dalin. Pateyen ko ra ed panamegley na bakal tan eras.

Jeremias 14:15 Iomraidhean Croise

1 Saray Arari 22:25

“Naamtaan mo no onla kan onamut ed kuarton walad beneg,” ebat nen Micaya.

Jeremias 20:6

Nipaakar ed sika, Pasur, tan amin da ray kabyangay pamilyam, nadakep tan niakar kayod Babilonia. Ompatey tan nipompon kayod man ya amin a pati amin a kakaarom a tinitilaan mo.’”

Jeremias 23:30

Sumpa ak ed saray propitan ikana da ray salita na kapara ran propita, insan da ipasen a salitak ira.

Jeremias 27:15

Say dilin Katawan so angibaga ya ag to ra imbaki tan diad ngaran to titilaan da kayo. Kanyan sirin, pataynanen to kayo tan napatey kayo, sikayo tan saray propitan mantitilad sikayo.”

Jeremias 6:15

Ambaing ira kasi lapud ginagawa da ra yan makapaingungot a bengatla? Andi! Anggapon balut so baing da; ag anggan ombabalangay lupa ra. Kanyan natumba ra a singa impakatumbay arum; no dusaen ko ra, samput da la. Siak, say Katawan, so nansalita.”

Jeremias 8:12

Totook, ambaing kayo kasi lapud ginagawa yo ra yan makapaingungot a bengatla? Andi! Anggapon balut so baing yo; ag anggan ombabalangay lupa yo! Kanyan natumba kayo a singa impakatumbay arum; no dusaen ta kayo, samput yo la. Siak, say Katawan, so nansalita.

Jeremias 8:13

“Nilabay kon tiponen iray totook, a singa pantitipon na too na naani to; balet singa ra sengeg na ubas ya anggapoy bunga, singa ra sengeg na igos ya anggapoy bunga; amagaan iray anggan bolung da. Kanyan inabuloyan ko ray taga paway na bansa a manakup ed dalin da.”

Saray Tagleey 1:19

“Tinmawag ak ed saray kagampik, balet ag da ak tinulongan. Inaatey ed dalan iray papari tan saray pangulo, Legan a manaanap ira na naakan, pian ombiskeg ira.

Saray Tagleey 2:20

Nengneng mo pa, O Katawan! Nengneng mo pa ray papairapen mo! Kakanen na saray bibii iray bangkay na saray anak dan inararo! Napapatey ed Timplo iray papari tan saray propita.

Ezekiel 13:14

Ginetmak ya igebad dalin imay padir a tinapalan na dena, mekmekan ko, tan paolyan kon ompaway iray baton pundasion to. Natumbaan kayo ya amin no nageba tan ompatey kayo. Diad satan naamtaan na balang sakey a siak so Katawan.

Ezekiel 13:15

“Samay padir tan saray nantatapal na dena et nalikna ray biskeg na pasnuk ko. Diad satan ibagak ed sika a naandi lay padir tan saramay nantapal na dena—

Ezekiel 13:9

Ngalngali ta kayo la dusaen, sikayo ran propita a tila ray pasingayew yo tan managpalikdo ray pasakbay yo. Ag kayo nakaiba na saray totook no mantitipon iran manggaway disision; ag nibilang iray ngaran yo ed listaan da ray mibabaley ed Israel; ag kayon balut makapawil ed dalin yo. Diad satan naamtaan yo a siak so Katawan a Dios.

Ezekiel 14:10

Namparay dusan niiter ed propita tan say angipanon ed sikato.

Ezekiel 14:9

“No apalikdo so sakey a propita diad pangiter toy tilan ebat, siak a Katawan so amalikdod sikato. Sikatoy ekalen kon kabyangan na saray totood Israel.

Ezekiel 33:6

No nanengneng na managbantay ya ondadago ray kalaban, et ag to paknulen so trumpita, onsabi ed satan iray kalaban tan pateyen da ray makasalanan, balet samay managbantay so natetel tan singilen kod sayan impatey da.

Amos 7:17

Lapud saya, Amasia, say Katawan kuantod sika. ‘Magmaliw a marotak a bii ed siudad so asawam tan napatey ed bakal iray anak mo. Naapag-apag so dalin mo tan niiter irad saray arum a totoo, tan napatey kad bansa da ray pagano. Andi-saew a saray totood Israel et naala rad dilin bansa ra tan nibantak irad arum a bansa.’”

Mikias 3:5

Saray totook et apalikdo ra na saray propitan mangisisipan na kareenan ed saray mambabayar ed sikara, balet tataktakoten dad bakal iray ag mambabayar. Say Katawan kuantod sarayan klasiy propita,

Deuteronomio 18:20

Balet nepeg ya ompatey so siopaman a propitan mansalitad ngaran ko anta ag ko ingganggan a mansalita, odino siopaman a propitan mansalita ed ngaran na saray diriyos.’

Puyan 19:20

Narel imay ayep, pati samay tila-tilan propita a nanggagaway milagro ed arap to imay ayep. (Sarayan milagro so impamalikdo tod saray walay marka na ayep, tan saray angigagalang ed talintaoy ayep.) Samay ayep tan samay tila-tilan propita nibantak iran mabilay ed dayat a manliub ya asupri.