Jeremias 14:13 - Maung A Balita Biblia

¹³ Insan inkuanko, “Katawan a Dios, amtam ya ibabaga da ray propita ed saray totoo ya anggapoy ondalan a bakal odino eras, ta kuandan insipan mo a manari labat so kareenan ed dalin tayo.”

Maung a Balita Biblia

¹³ Insan inkuanko, Katawan a Dios, amtam ya ibabaga da ray propita ed saray totoo ya anggapoy ondalan a bakal odino eras, ta kuandan insipan mo a manari labat so kareenan ed dalin tayo.

Jeremias 14:13 Iomraidhean Croise

Isaias 56:10

Kuanto, “Amin da ray pangulo a kanepegan day mamasakbay komun ed saray totook et bulag ira! Anggapoy amta ra. Singa ra bantay ya aso ya ag makadangul—mandokdokul ira labat a mankogkogip. Agaylay panlabay dan onogip!

Jeremias 1:6

Insan ko inkuan, “Katawan a Dios, ag ko amtay mansalita; ogaogaw ak ni.”

Jeremias 20:6

Nipaakar ed sika, Pasur, tan amin da ray kabyangay pamilyam, nadakep tan niakar kayod Babilonia. Ompatey tan nipompon kayod man ya amin a pati amin a kakaarom a tinitilaan mo.’”

Jeremias 23:17

Ibabaga ra lawas ed saray totoo ya ag ondedengel na saray salitak, a maung ya amin so pansumpalan da. Ibabaga rad balang sakey ya anawet so puso to ya ag balut nadiwit na deral.”

Jeremias 37:19

Antoy asumpalan da ray propitan angibagad sika a say ari na Babilonia et ag to ka dogpaan odino sayan bansa?

Jeremias 4:10

Insan inkuanko, “Katawan a Dios sigput mon pinalikdo ray totood Jerusalem! Imbagam a kareenan so niwalad saray totoo, anta manaya akatotub ed sikaray ispada.”

Jeremias 5:12

Imbori na saray Israelita so Katawan. Inkuanda, “Anggapo lamlamang so gawaen to. Anggapoy kairapan ya onsabid sikatayo; ag itayo nadalan na bakal odino eras.”

Jeremias 5:13

Imbaga ra ya andi-kakanaan iray propita tan anggapoy papaibaga na Katawan ed sikara. Say Katawan a Dios a Makapanyarin-amin inkuantod siak, “Jeremias, lapud imbaga da ra yan bengatla, gawaen kon singa apoy ed sangim iray salitak. Magmaliw a singa kiew ira yan totoo, tan poolan ira na apoy.”

Jeremias 5:31

saray propita tilan amin so sasalitaen da; saray papari manooley ira diad panangiganggan na saray propita, et onya so labay da ray totook a nagawa. Balet antoy gawaen da no mangangga la yan amin?”

Jeremias 6:14

Gagalgalawen day pananambal dad sugat na saray totook; kuanda, ‘Maung ya amiy kipapasen,’ anta andi.

Jeremias 8:11

Gagalgalawen day pananambal dad sugat na saray totook; kuanda, ‘Maung ya amiy kipapasen,’ anta andi.

Ezekiel 12:24

“Diad saray totood Israel anggapo lan balut so tilan pasingayew odino managpalikdon propisiya.

Ezekiel 13:22

“Diad panamegley na saray panagtila yo pabebetelen yoy linawa da ray maung a totoon ag ko labay a pasakitan. Sesebelan yo ray totoo ed pangibeneg dad saray kaogsan da tan pangilaban dad bilay da.

Mikias 3:11

Manaawat na pasoksok ed panooley da iray pangulo na siudad, miuupa ray papari ed pangipapatalus day Ganggan, tan pababayaran iray propita ed pangipapaamta ra na saray puyan da. Et ibabaga ran amin a walad sikara so Katawan. “Anggapoy onsabin deral ed sikami,” kuanda. “Say Katawan et walad sikami.”

2 Pedro 2:1

No panoy inkiwala da ray tila-tilan propita ed saray totoo nen saman, ontan met ya onlesad sikayo ray tila-tilan bumabangat. Ikana ray tila-tilan bangabangat a makaderal ed sikayo. Ipolisay da ni ingey Katawan ya angilaban ed sikara, kanyan biglan ondapod sikaray kadederal.