Jeremias 14:12 - Maung A Balita Biblia

¹² Anggan manayuno ra ag ko dengelen so ikekerew day tulong; ag ak manliket ed sikara anggaman a mangisaklang irad siak na saray bagat a popoolan tan saray bagat a trigo. Ingen, pateyen ko ra diad panamegley na bakal, eras tan salot.”

Maung a Balita Biblia

¹² Anggan manayuno ra ag ko dengelen so ikekerew day tulong; ag ak manliket ed sikara anggaman a mangisaklang irad siak na saray bagat a popoolan tan saray bagat a trigo. Ingen, pateyen ko ra diad panamegley na bakal, eras tan salot.

Jeremias 14:12 Iomraidhean Croise

Say Libro nen Job 27:9

No gunigon so onsabid sikato, dengelen kasi na Dios so itawag to?

Probirbio 1:28

Diad satan ontawag kayod kakabatan, balet ag ak onebat. Nayarin anapen yo ak ed inerman a pasen, balet ag yo ak narumog.

Probirbio 15:8

Makaliliket so Katawan no mampikasi iray totoon maptek, balet kabosul to ray bagat ya iyaakar ed sikato na saray totoon maoges.

Probirbio 21:27

Kabosul na Katawan iray bagat na saray totoon maoges, nagkalalo la no maoges iray getma ran mangibagat.

Probirbio 28:9

No ag mo oonuren so ganggan, kabosul na Dios a dengelen so pikakasim.

Isaias 58:3

Tepet na saray totoo, “Akin et manayuno kami no ag lamlamang imanoen na Katawan so panayuno mi? Akin et manayuno kami anta ag met lamlamang imanoen na Katawan so ag mi pangan?” Say Katawan kuantod sikara, “Say katwaan to ibabansag yod panagayuno yo so panggagawa yoy pankaabigan yon dili tan say pamapairap yod saray kumikimey yo.

Jeremias 11:11

Lapud saya, siak, say Katawan, papasakbayan ko ra a deralen ko ra tan ag ira makabatik. Tan no sikaray onkerew na tulong ed siak, ag ko ra dengelen.

Jeremias 11:14

Jeremias, ag ka mampipikasid siak odino ipikasim ed siak ira yan totoo. No nagunigon ira, et onkerew irad siak na tulong, ag ko ra dengelen.”

Jeremias 15:1

Insan inkuan na Katawan ed siak, “Anggan manalagey ira di Moises tan Samuel diad arap ko a mikasi ed siak, ag ko kasian ira yan totoo. Paekal mo ra tan pataynan mo rad pakanengneng ko.

Jeremias 16:4

Ompatey irad ambelat a sakit. Anggapoy manermen ed ipatey da, tan ag ira nipompon. Magmaliw a singa taiy ayep ya abunton ed dalin iray bangkay da. Napatey irad bakal, odino ompatey irad eras, tan buagen na saray manok tan saray ayayep ed katakelan iray bangkay da.

Jeremias 21:6

Pateyen ko so balang sakey a manaayam ed sayan siudad; ompatey ed makapataktakot a salot iray amin a totoo tan ayayep.

Jeremias 24:10

Ipadalan kod sikaray bakal, eras, tan salot anggad anggapoy anggan sakey ed sikara so natilak ed dalin ya inter kod sikara tan saray lalaki ra.”

Jeremias 32:24

“Saray taga Babilonia nanggagawa rad kaliber-liber na siudad na saray bunton a looban dan manakep, tan ondodogpa ra. Lapud bakal, eras, tan salot napelag ed lima ra so siudad. Katawan, nanengneng mo a tinmuan amin iray imbagam.

Jeremias 6:20

Antoy kakanaan na insinson iyaakar dad siak anggaman a manlalapu rad dalin na Saba odino saray rikadon manlalapud arawin dalin? Ag ko awaten iray bagat da; ag ak manliket ed saray isasaklang da.

Jeremias 8:13

“Nilabay kon tiponen iray totook, a singa pantitipon na too na naani to; balet singa ra sengeg na ubas ya anggapoy bunga, singa ra sengeg na igos ya anggapoy bunga; amagaan iray anggan bolung da. Kanyan inabuloyan ko ray taga paway na bansa a manakup ed dalin da.”

Jeremias 9:16

Ikaykayat ko rad saray bansa a sikara tan saray lalaki ra et ag da ni nadngelan tan mangibaki ak na saray sondalo sumpad sikara, anggad sigput a naderal ko ra.”

Ezekiel 14:19

“No mangipadalan ak na salot ed saman a bansa tan diad pasnuk ko mamatey ak na amayamay a totoo tan ayayep,

Ezekiel 14:21

Sikato ya so ibabaga na Katawan a Dios: “Mangipadalan ak na mapalalon dusa ed Jerusalem—bakal, eras, ayayep ed katakelan, tan salot—a maneral ed saray totoo tan saray ayayep.

Ezekiel 8:18

Nalikna ra so biskeg na pasnuk ko. Ag ko ra pirdonaen odino kasian. Anggan oneyaeyag iran onkerew ed siak na tulong, ag ko ra dengelen.”

Oseas 5:6

Iyaakar dan ibagat ed Katawan iray karniro ra tan saray baka ra, balet anggapoy kaabigan a nagogonggona ra. Ag da narumog so Katawan, ta tinaynan to la ra.

Amos 5:21

Say Katawan kuanto, “Kabosul ko ray pista yo; ag ak manliket ed sikara!

Mikias 3:4

Onsabiy panaon ya ontawag kayod Katawan, balet ag to kayo dengelen. Ag to ebatan iray pikakasi yo, lapud nanggagawa kayoy kaogsan.

Zacarias 7:13

Lapud ag ira dinmengel nen nansalita ak, ag ko ra inebatan nen nampikasi ra.

Malakias 1:10

Say Katawan a Makapanyarin-amin kuanto, “Oy la komun, ta sakey ed sikayo so mangisarad saray kaput na Timplo, pian anggapod sikayoy manelsel na andi-kakanaan ya apoy ed altar ko. Ag ak makaliliket ed sikayo; ag ko awaten iray bagat ya iyaakar yod siak.

Malakias 2:13

Niay sakey nin gagawaen yo. Aamesen yo na lua yo so altar na Katawan, manaakis tan managogul kayo lapud ag to la aawaten iray bagat ya iyaakar yod sikato.

Puyan 6:8

Anengneng kod satay kabayon posisaw so kolor to. Patey so ngaran na akakabayo, tan manontombuk ed sikatoy Hadis. Naitdan iray pakayari ed kakapat na mundo, a mampatey diad panamegley na ispada, eras, salot, tan saray ayayep ya atap diad tapew na dalin.