Jeremias 13:24 - Maung A Balita Biblia

²⁴ Say Katawan ikaykayat to kayon singa taep ya itiktikyab na dagem a manlalapud kabueran.

Maung a Balita Biblia

²⁴ Say Katawan ikaykayat to kayon singa taep ya itiktikyab na dagem a manlalapud kabueran.

Jeremias 13:24 Iomraidhean Croise

Saray Salmo 1:4

Balet aliwan onyay toon maoges, singa taep ya ititikyab na dagem.

Isaias 17:13

Onsusulong a singa mapmaples a daluyon iray bansa, balet pamapasnukan ira na Dios kanyan onsesener ira, naoosilan iran singa dabuk ed alusadsar na palandey, odino taep ya itiktikyab na alimbusabos.

Isaias 41:16

Ibontuk yo ra ed tagey; ibatik ira na dagem, tan itaytayak ira na bagyo. Diad satan manliket kayo ta siak so Dios yo; idayew yo ak, say masanton Dios na Israel.

Jeremias 18:17

Ikaykayat kod arap na saray kalaban da iray totook, a singa ra dabuk ya insiplug na dagem a nanlapud bokig. Ibeneg ko ra tan ag ko ra tulongan no onsabiy deral.”

Jeremias 9:16

Ikaykayat ko rad saray bansa a sikara tan saray lalaki ra et ag da ni nadngelan tan mangibaki ak na saray sondalo sumpad sikara, anggad sigput a naderal ko ra.”

Saray Tagleey 1:15

“Inelekan na Katawan ya amin iray makapanyarin sondalok; Angibaki na saray sondalon ondogpa ed siak tan maneral ed saray lalakin tobun-balo. Minekmek to ray sankaabigan a totook a singa kapepespes na saray ubas ed panagpespesan.

Ezekiel 17:21

Napatey ed bakal iray sankadonungan a sondalo to tan saray makapaliis ed patey et nikaykayat irad nandoroman pasen. Diad satan nakabatan yo a siak a Katawan so nansalita.”

Ezekiel 5:12

Ompatey ed sakit tan eras so kakatlo na totoom ed siudad; napatey ed paway na siudad diad panamegley na ispada so kakatlo na totoom; tan itaytayak ko rad inerman a pasen, insan ko osilan na ispada so arum a kakatlo na totoom.

Ezekiel 5:2

Poolan mod siudad so kakatlo to kayariy kalakob to. Alam so sananey a kakatlo tan tartartar mo na ispadam legan mon liliberen so paway na siudad. Ibuyandak mod tagey so akeraan a kakatlo, insan ko ra osil-osilan na ispadak.

Ezekiel 6:8

“Abuloyan kon ag napatey iray arum a totoo tan nataytayak irad saray bansa,

Oseas 13:3

Kanyan naandipat a singa kelpa ed kabwasan ira yan totoo; singa ra linaew a naandipat ed kabkabwasan. Magmaliw iran singa saray taep ed ilikan ya ipapalir ira na dagem, tan naandipat iran singa asewek ya ompapaway ed pasngawan.

Levitico 26:33

Ipadalan kod sikayoy bakal tan itaytayak ta kayod saray arum a bansa. Nataynan so dalin yo, tan naderal-deral iray siudad yo.

Sofonias 2:2

kasakbayan a napataynan kayon singa taep impalir na dagem, kasakbayan ya ondapod sikayo so mandarlang a sanuk na Katawan, kasakbayan na agew ya ipanengneng to so ontan lan pasnuk to.

Lucas 21:24

Ompatey irad ispada, awiten da ran aripenen ed amin a bansa, tan deralen na saray Hintil so Jerusalem, anggad nasumpal so panaon da.”

Deuteronomio 28:64

“Say Katawan itaytayak to kayod saray amin a bansa, manlapud sakey a samput na dalin ya anggad sananey a samput, et diman kayo manlingkur ed saray diriyos a kiew tan bato, saray diriyos a sikayo tan saray lalaki yo et ag yo ran balut ginalang nen saman.

Deuteronomio 32:26

Pinatey ko la ra komun ya amin, pian anggapo lay makanunot ed sikara.

Deuteronomio 4:27

Say Katawan itaytayak to kayo ed saray arum a bansa tan pigpigarad sikayo so makapaliis ed patey.