Jeremias 13:19 - Maung A Balita Biblia

¹⁹ Nilakob na saray sondalo iray baley ed abalaten na Juda; anggapo so toon makadalan ed saray baley. Nala ya amin iray totood Juda tan nibantak ira ed arum a bansa.”

Maung a Balita Biblia

¹⁹ Nilakob na saray sondalo iray baley ed abalaten na Juda; anggapo so toon makadalan ed saray baley. Nala ya amin iray totood Juda tan nibantak ira ed arum a bansa.

Jeremias 13:19 Iomraidhean Croise

2 Saray Arari 25:21

diad dalin na Hamat. Impapairap irad man na ari, insan to ra impapatey. Kanyan saray totood Juda et nakal irad dalin da tan niakar irad arum a bansa.

1 Saray Awaran 9:1

Nilistan amin iray totoo ed Israel onung ed saray pamilya ra, tan nisulat ed Libron nipaakar ed saray Ararid Israel. Nibantak ed Babilonia iray totood Juda lapud saray kasalanan da.

Say Libro nen Job 12:14

No amagbag so Dios, siopay makapangipaalagey, tan siopay makapangibolus ed toon ikolung to?

Jeremias 17:26

Onsabi ray totoo a manlapud saray baley na Juda tan saray bario ed kaliber-liber na Jerusalem; manlapu rad dalin na Benjamin, diad saray alusadsar na saray pokdul, diad saray kapalandeyan, tan diad abalaten na Juda. Mangawit irad Timplok na saray bagat a popoolan tan saray isasaklang, saray bagat a trigo tan insinso, tan saray bagat a pangiter na pisasalamat.

Jeremias 20:4

Ta say Katawan inkuanto, ‘Gawaen ta kan makapataktakot ed sikan dili tan diad saray kakaarom, tan nanengneng mo ran amin a pateyen ed ispada na saray kalaban da. Ipasilong kod pakayari na ari na Babilonia iray amin a totood Juda. Pateyen to ray arum ed sikara tan saray arum awiten to ran adakep ed Babilonia.

Jeremias 24:1

Si Ari Nabucodonosor na Babilonia inyakar ton adakep ed Babilonia, manlapud Jerusalem, so lakin anak nen Joakim a si Joakin ya ari na Juda, saray pangulo na Juda, tan saray marunong a karpintiro tan kumikimey. Kayari na sayan inkagawa, say Katawan impanengneng tod siak so duaran baskit a bungay igos a niiyan ed arap na Timplo.

Jeremias 28:4

Ipawil ko met diay lakin anak nen Joakim a si Joakin ya ari na Juda. Kaiba ton ompawil iray amin a totood Juda a nibantak ed Babilonia. On, deralen koy pakayari na ari na Babilonia. Siak, say Katawan, so nansalita.”

Jeremias 32:44

Saliwen ira na saray totoo, tan napirmaan iray kasulatan na saliwan, natimbrian ira, tan natasian ira. Nagawa ya ed pasen a sakop na dalin na Benjamin, diad saray bario ed kaliber-liber na Jerusalem, diad saray baley na Juda, tan diad saray baley ed kapokdulan, diad saray alusadsar, tan diad abalaten na Juda. Papawilen kod dalin da iray totoo. Siak, say Katawan, so nansalita.”

Jeremias 33:13

Diad saray baley ed kapokdulan, diad saray alusadsar, diad abalaten na Juda, diad dalin a sakop na Benjamin, diad saray bario ed kaliber-liber na Jerusalem, tan diad saray baley na Juda, saray pumapastol et bilangen da lamet iray karniro ra. Siak, say Katawan, so nansalita.”

Jeremias 39:9

Diad kaonuran, si Nebuzaradan a pangulo na saray sondalo inyakar ton priso ed Babilonia iray nakdaan a totoo ed siudad tan saray akigampid sikato.

Jeremias 52:27

a sakop na dalin na Hamat. Impapasiplatan tan impapatey irad man na ari. Kanyan niarawi rad dalin da iray totood Juda tan nibantak irad arawin pasen.

Jeremias 52:28

Saya so listaan na saray inaalan priso nen Nabucodonosor: nen kumapiton taon na panaari to angala na talon libo tan duamplo tan talo;

Jeremias 52:30

nen kumaduamplo tan talon taon angalay Nebuzaradan na piton lasus tan apataplo tan lima. Apat a libo tan anem a lasus ya amin so nalan totoo.

Saray Tagleey 1:3

Saray totood Juda et pangaskasiyan iran aripen; apasoot iran manlingkur ed arawi. Manaayam irad saray sananey a dalin; anggapoy pasen a natawag dan kayaryan. Ag ira makabatik, lapud alakub ira na saray kalaban.

Zacarias 7:7

Sikato yay imbaga na saray inmonan propita sanen maaligwas so Jerusalem tan sikatoy napno na saray totoo tan sanen amayamay iray totoo a manaayam ed saray baley a kaliber-liber na siudad tan diad bandad abalaten tan diad alusadsar na kapokdulan ed bandad sagur.

Deuteronomio 28:15

“Balet no sumlangen yoy Katawan a Dios yo tan ag yo onuren iray amin a ganggan tan saray bilin to ya iiter tod sikayo natad sayan agew, amin da ra yan samba et nagawad sikayo:

Deuteronomio 28:52

Dogpaan day amin a baley ed dalin ya iiter ed sikayo na Katawan a Dios yo, tan nageba ray atatagey a padir a panmamatalkan yo.

Josue 18:5

Pankapitoen a parti so dalin; ag la galawen so dalin ed abalaten a nipabetang ed tribu nen Juda tan say dalin ed baybay a nipabetang ed tribu nen Jose.