Jeremias 13:16 - Maung A Balita Biblia

¹⁶ Pagalangan yoy Katawan a Dios yo, kasakbayan a mangyakar na kabilongetan, tan natumtumba kayod kapalandeyan; kasakbayan a pagmaliwen ton ambilbilonget so iilaloan yon liwawa.

Maung a Balita Biblia

¹⁶ Pagalangan yoy Katawan a Dios yo, kasakbayan a mangyakar na kabilongetan, tan natumtumba kayod kapalandeyan; kasakbayan a pagmaliwen ton ambilbilonget so iilaloan yon liwawa.

Jeremias 13:16 Iomraidhean Croise

Say Libro nen Job 3:5

Nakobutan komun na ermen tan makapal a bilonget iman ya agew; nasakuban komun na lorem tan nasaniban so agew.

Saray Salmo 107:10

Nambibilay iray arum ed bilonget tan ermen; priso ran maniirap ya agolunggolungan,

Saray Salmo 107:14

Impaway to ra a nanlapud kawalaan dan bilonget tan ermen, tan pinopoltut to ray golunggolung da.

Saray Salmo 29:2

Idayew yoy mapagalang a ngaray Katawan, no ompanengneng imay Masanto, dakmomo kayod arap to.

Saray Salmo 44:19

Anggaman ontan pinaolyan mo kamin pakaskasid pegley da ray ayayep ed katakelan; tan inkaindan mo kamid sankabilongetan a pasen.

Exodo 10:21

Insan inkuan na Katawan ed kinen Moises, “Itorom ed tawen so limam, et nakobutan na mapalalon bilonget so intiron dalin na Egipto, a diad kinabilonget to nalikna na katoowan.”

Probirbio 4:19

Balet say dalan a pankukurangan da ray totoon maoges et ambilonget a singa labi. Natumba ra, ta ag da nanengneng so akapateran da.

Ecclesiastes 11:8

No andokey so bilay mo nepeg a misalamat ka lapud balang sakey a taon a pambibilay to. Balet nepeg mon nunoten ya andokey niy panaon a sikay inatey nen say panaon a sikay mabilay. Andi-kakanaan ya amin iray onsabi.

Isaias 5:30

No onsabi tan ya agew, singa kakasil na ungol na dayat so panungol dad Israel. Nengneng yo yan bansa! Kabilongetan tan kaermenan! Inakmun na bilonget so liwawa.

Isaias 59:10

tan solingsoling itayon singa tayo bulag. Nipapatakba itayo anggan kagkaagwan; singa itayo manaakar ed labi, singa tayo walad ambilonget a pasen a panaayaman da ray inaatey.

Isaias 59:9

Saray totoo kuanda, “Amta tayo la natan no akin et ag itayo iyagel na Dios ed saray mamapairap ed sikatayo. Pampipilalekan tayoy liwawan pankurangan, balet bilonget labat ya amin so wala,

Isaias 60:2

Nakobutan na bilonget iray arum a bansa, Balet onsinag ed sika so silew na Katawan; Mansiansiad sikay liwawa na kiwawala to.

Isaias 8:22

odino onnengneng irad dalin, balet anggapoy arum a nanengneng da no ag say gunigon tan kabilongetan, say makapataktakot a kabilongetan ya akaibantakan da.

Jeremias 14:19

Katawan, sigput so impangipolisay mod saray totood Juda? Kabosul mo ray totood Sion? Akin et mapalaloy impanugat mod sikami, kanyan ag kami la naabigan? Nampilalekan min nagamuray kareenan, balet anggapoy maabig a sinmabi; inilaloan min onabig kami, balet makapasinagem lalaingey sinmabi.

Jeremias 2:6

Inekal da ak lad kanunotan da, anggaman a siak so angyagel ed sikarad Egipto tan angiwanwan ed sikarad kalawakan: sakey a dalin na kalawakan tan kaabutan, sakey a dalin ya amaga tan walay kaatapan, sakey a dalin ya anggapoy ondadalan tan anggapoy anggan manayam.

Jeremias 23:12

Andanglel tan ambilonget so dalanen da; pakaronyasen tan patumbaen ko ra. Iyakar kod sikaray deral; onsasabiy panaon na kadusa ra. Siak, say Katawan, so nansalita.

Jeremias 4:23

Ninmengneng ak ed mundo—anggapoy nengneng odino kakanaan to; tinmangay ak ed tawen—anggapoy liwawa.

Jeremias 50:6

“Singa abalang a karniro iray totook; saray pumapastol da pinaolyan da ran abalang ed kapalandeyan. Nanakar-akar irad nandoroman palandey, kanyan alingwanan da la no iner so kawalaay abung da.

Jeremias 6:21

Kanyan, siak, say Katawan, mangyan ak na pakatiroran pian natumba ra yan totoo. Ompatey iray ama tan saray anak; ontan met ed saray kakaaro tan saray kakaabay.”

Jeremias 8:15

Nampilalek itayod kareenan, balet anggapoy naalagar tayo; nanalagar—tayoy panaon na pakatambal, balet takot lalaingen so sinmabi.

Saray Tagleey 4:17

Nananap kami lan nananap na tulong, balet anggapo met lamlamang. Nanalagar kami lan nanalagar na tulong na sakey a bansa, balet anggapo met lamlamang so nitulong to.

Ezekiel 21:15

Patalawen to ray totook tan tumbaen to ra. Say ispadan mankidyam a singa kirmat tan akaparaan a mamatey so pamapatakot kod siudad da.

Ezekiel 34:12

a singa pangasikaso na pumapastol ed saray karniro to ran nikaykayat balet atiptipon ira lamet. Isempet ko ra a manlapud saray pasen a nikaykayatan da diad samay agew ya ambilonget tan maatap.

Ezekiel 36:15

Say dalin ag to la nepeg a dengelen iray bansan manluludlurey ed sikato odino onnengneng ed saray totoon mamapabaing ed sikato. Say dalin ag to la takewen iray anak to. Siak a Katawan a Dios so nansalita.”

Joel 2:2

Sakey ya agew ya ambilonget tan maermen, sakey ya mayemyem tan malorem ya agew. Ondodogpa ray amayamay a dorun a singa ra bilonget ya onkokobut ed kapalandeyan. Ag ni agaway singa onya nen saman, tan ag yan balut nagawa ed arapen a panaon.

Amos 4:13

Say Dios so nanggawad saray kapalandeyan tan pinalsa to so dagem. Ipapaamta tod too iray kanunotan to; pagmamaliwen ton labi so agew. Manaakar ed tapew na saray atatagey a pasen diad mundo. Saya so ngaran to: Yahweh a Dios a Makapanyarin-amin!

Amos 5:18

Pangaskasiyan so kipapasen yo, sikayo ran mampilalek ed isabi na agew na Katawan! Antoy kaabigan a niiter ed sikayo na saman ya agew? Para sikayo, saman ya agew et agew na kabilongetan, aliwan agew nan liwawa.

Malakias 2:2

Nepeg yo ak a pagalangan diad panamegley na gagawaen yo. No ag yo dengelen so ibabagak ed sikayo, isamba ta kayo. Isambak iray bengatlan panlalapwan na pambilay yo. Diad tuay tua insambak la ra, lapud leleglemewen yoy ganggan ko.

Juan 12:35

Inmebat si Jesus, “Maganggano lan nakaiba yo niy silew. Manakar kayo legan a kaiba yo niy silew, pian ag kayo naabotay bilonget. Ta ag amta na toon manaakar ed ambilonget so lalaen to.

Josue 7:19

Inkuanen Josue ed sikato, “Anak ko, ibagam so tua ed arap na Katawan a Dios na Israel, pian sikatoy napagalangan mo. Ibagam natan so ginawam. Ag mo iyaamut ed siak.”

1 Pedro 2:8

tan, “Nagmaliw a katiruran a bato, tan kaparokulay totoo.” Atumba ra, ta ag ira inmonur ed salitay Dios; sikato yay ingganay Dios para sikara.

1 Samuel 6:5

Nakaukolan a manggawa kayo na sarayan balituk a pelsa tan balituk ya otut a mandederal ed bansa yo, tan pagalangan yoy Dios na Israel. Itonda to angangko so panudusa tod sikayo, saray diriyos yo, tan say dalin yo.