Jeremias 12:5 - Maung A Balita Biblia

⁵ Inkuan na Katawan, “Jeremias, no nakesawan kad pilumbam ed saray totoo, panoy pilumbam ed saray kabayo? No diad pasen ya arawiy kaatapan et natumba ka, panoy pakapanayam mod makdel a takel ed gilig na Ilog na Jordan?

Maung a Balita Biblia

⁵ Inkuan na Katawan, Jeremias, no nakesawan kad pilumbam ed saray totoo, panoy pilumbam ed saray kabayo? No diad pasen ya arawiy kaatapan et natumba ka, panoy pakapanayam mod makdel a takel ed gilig na Ilog na Jordan?

Jeremias 12:5 Iomraidhean Croise

1 Saray Awaran 12:15

Diad ononan bolan na aminsan a taon, nen sinmapat ed pandel so danum na Ilog na Jordan, binaliw day ilog tan pinapabatik da ray totoon manaayam ed saray patar na sagur tan bokig na ilog.

Probirbio 24:10

No makapoy ka no panaon na kairapan, peteg a makapoy ka.

Probirbio 3:11

Anak ko, ag mo luludlureyen so panametek na Katawan; ipasen mon sakey a pasakbay ed sika.

Jeremias 11:21

Labay na saray totood Anatot a pateyen da ak, kanyan imbaga rad siak a pateyen da ak no ituloy koy pampulong kod ngaran na Katawan.

Jeremias 26:8

tan kapangibagak ed saray amin ya ingganggan na Katawan a salitaen ko, siningkat da ak tan ineeyag da, “Nepeg moy pateyen lapud saya!

Jeremias 36:26

Insan ingganggan na ari ira di Jerameel a prinsipi, Seraya a lakin anak nen Azriel, tan Selemias a lakin anak nen Abdeel, ya erelen da ak tan si Baruc a sikritariok. Balet inyamut kami na Katawan.

Jeremias 49:19

Onsabi ak a singa isasabid malambut a pastolan na sakey a lion a nanlapud makdel a takel ed gilig na Ilog na Jordan, insan ko biglan pataynanen ed bansa ra iray Edomita. Insan manoley ed bansa so pangulon pilien ko. Siopay mipara ed siak? Siopay mampangayan onlaban ed siak? Siopan manoley so makasumpad siak?

Jeremias 50:44

“Onsabi ak a singa isasabid malambut a pastolan na sakey a lion a nanlapud makdel a takel na Ilog na Jordan insan ko biglan pataynanen ed siudad da iray taga Babilonia. Insan manoley ed bansa so pangulon pilien ko. Siopay mipara ed siak? Siopay onlaban ed siak? Siopan manoley so makasumpad siak?

1 Pedro 4:12

Inararo, ag yo nepeg a pankelawan tan ipasen a nidoma-doman bengatla so ansakisakit a pananubok a liliknaen yo.