Jeremias 12:4 - Maung A Balita Biblia

⁴ Kapigay itonda na sayan inkamagaay dalin mi, tan say inkalenes na karikaan ed kaalogan? Ompapatey iray ayayep tan saray manok, lapud kaogsan na saray totoon manaayam ed sayan dalin, ya ibabaga ra, ‘Ag nanenengneng na Dios so gagawaen mi.’”

Maung a Balita Biblia

⁴ Kapigay itonda na sayan inkamagaay dalin mi, tan say inkalenes na karikaan ed kaalogan? Ompapatey iray ayayep tan saray manok, lapud kaogsan na saray totoon manaayam ed sayan dalin, ya ibabaga ra, Ag nanenengneng na Dios so gagawaen mi.

Jeremias 12:4 Iomraidhean Croise

Saray Salmo 107:34

Impagmaliw ton maasin tan ag natobuan so mabonan dalin, lapud kaogsan da ray manaayam diman.

Saray Salmo 50:21

Ginagawa yo ira yan amin, et anggapoy ibabagak, kanyan abaloan yon singa ak sikayo. Balet natan pamapasnukan ta kayo la, tan ipapalinew ko la yan pamaakaran ed sikayo.

Isaias 24:4

Namamagaan so tapew na dalin tan nalalaylay iray amin a tanaman; onkakapoy so intiron mundo; naboboluk so tawen tan dalin.

Isaias 24:6

Lapud saya, insamba na Dios so dalin. Babayaran na saray totoo so ginagawa ra. Mandaiset lan mandaiset so nakekeraan a mabilay.

Jeremias 12:11

Ginawa ran andi-kakanaan so dalin ko; nagmaliw a begtebegtew ed imaton ko. Nagmaliw a kabueran so intiron bansak, tan anggapo lay malabay ed sayan dalin ko.

Jeremias 14:2

“Say Juda et walad kaermenan, ompapatey iray siudad to, mandokdokul ed dalin iray totoo to lapud kaermenan, tan onkekerew na tulong so Jerusalem.

Jeremias 23:10

Say dalin napno na saray totoon aliwan matoor ed Katawan; nambilay iran maoges tan andi-kakanaay impangikana rad pakayari ra. Lapud impangisamba na Katawan nagmaliw a maneermen so dalin tan amagaan iray pastolan.

Jeremias 4:25

Anengneng kon anggapo ray totoo; tan anggan saray manok tinmitikyab irad arawi.

Jeremias 4:28

Manermen so dalin; ombilonget so tawen. Say Katawan so nansalita tan ag mansalat na kanunotan to. Nanggetma la so Katawan tan ag to la ya babawien.

Jeremias 5:13

Imbaga ra ya andi-kakanaan iray propita tan anggapoy papaibaga na Katawan ed sikara. Say Katawan a Dios a Makapanyarin-amin inkuantod siak, “Jeremias, lapud imbaga da ra yan bengatla, gawaen kon singa apoy ed sangim iray salitak. Magmaliw a singa kiew ira yan totoo, tan poolan ira na apoy.”

Jeremias 5:31

saray propita tilan amin so sasalitaen da; saray papari manooley ira diad panangiganggan na saray propita, et onya so labay da ray totook a nagawa. Balet antoy gawaen da no mangangga la yan amin?”

Jeremias 7:20

Kanyan siak, say Katawan a Dios, idapok ed sayan Timplo so ontan lan pasnuk ko. Idapok ed saray totoo, saray ayayep, tan anggan diad saray kakiewan tan saray tanaman. Say pasnuk ko singa pool ya anggapoy makadepdep.

Jeremias 9:10

Inkuanko, “Ermenan ko ray kapalandeyan tan akisan ko ray pastolan, lapud minmaga-maga ra; anggapo lay ondadalan ed sikara. Ag la narengel so tanul da ray ayayep; tinmitikyab tan naandi la ray manok tan saray ayayep ed katakelan.”

Jeremias 9:9

Ag ko ra dusaen lapud sarayan bengatla? Ag ak ombawi ed bansan singa onya? Siak, say Katawan, so nansalita.”

Oseas 4:3

Kanyan say dalin onkelang, tan ompatey ya amin iray manaayam. Ompatey ya amin iray ayayep, amin a manok, tan amin a sira.”

Joel 1:18

Manngakngak a tangaw-tangaw iray baka, lapud anggapoy pampastolan ed sikara; maniiirap met iray amayamay a karniro.

Amos 1:2

Inkuanen Amos, “Unuungol a manlapud Sion so Katawan; onkakarul a manlapud Jerusalem so bosis to. Namamagaan iray pastolan tan ompapatey iray dika ed Palandey na Carmelo.”

Habacuc 3:17

Anggan anggapoy bungay igos tan saray kaubasan, anggan anggapoy naborbor ed kaolibaan tan anggapoy naanid kaalogan, anggan ompatey ya amin iray karniro tan naandian na baka iray koral,

Zacarias 1:12

Insan samay anghil kuanto, “Katawan a Makapanyarin-amin, pitomploy taon lan mamapasnuk kad Jerusalem tan saray siudad na Juda. Kapigan kasiy pansamput na ag mo pangasi ed sikara?”

Saray Taga Roma 8:22

Amta tayo ya anggad natan, amin a pinalsa et manngesnges irad kairapan a singa pampapasakit na manaanak.