Jeremias 12:16 - Maung A Balita Biblia

¹⁶ No diad intiron puso ra et onalig irad kabibilay na saray totook tan mansamba ra, ‘Onung a mabilay so Katawan’—a singa impanbangat dad saray totook a nansamba rad Baal—magmaliw iran kabyangan na saray totook tan onaligwas ira.

Maung a Balita Biblia

¹⁶ No diad intiron puso ra et onalig irad kabibilay na saray totook tan mansamba ra, Onung a mabilay so Katawana singa impanbangat dad saray totook a nansamba rad Baalmagmaliw iran kabyangan na saray totook tan onaligwas ira.

Jeremias 12:16 Iomraidhean Croise

Kanta nen Solomon 1:8

Ag mo amta no iner a pasen, O sika a sankagangganaan ed saray bibii? Laka, ta tombuk moy olup da ray karniro; mananap kay pankabkaban da ray kanding mo, diad abay da ray tulda na saray pumapastol.

Isaias 2:3

tan ikuan na saray totoo ra, “Gali dia ta ontatdang itayod palandey na Katawan, diad Timplo na Dios na Israel. Ibangat to itayo na saray labay ton pagawad sikatayo; mankurang itayod saray dalan sa pinili to. Ta manlalapud Jerusalem iray bangat na Katawan; manlapud Sion mansasalitad saray totoo to.”

Isaias 42:6

“Siak, say Katawan, tinawag ta ka tan initdan ta kay pakayari a mangipakurang na inkatonung ed tapew na dalin. Diad panamegley mo misipanan ak ed amin da ray katoowan; diad panamegley mo mangyakar ak na silew ed saray bansa.

Isaias 45:23

Tua so sipan ko, tan ag balut naoman. Sasambaan kod siak a dili; Ondagod siak so balang sakey tan ontalimukor irad arap ko tan sambaan dan matoor irad siak.

Isaias 49:6

Say Katawan inkuantod siak, “Walay babaleg a kimey a pagawak ed sika ya aripen ko, ag ko labat paipawil ed sika so inkatalonggaring na saray totood Israel ya akapaliis ed patey, no ag ingen gawaen ta ka met a sakey a silew ed saray bansa— pian nilaban iray amin a katoowan ed tapew na dalin.”

Isaias 65:16

Siopamay toon manaayam ed dalin ya onkerew na bindision kerewen ton bindisionan na matoor a Dios. Siopamay mansamba mansamba ed ngaran na matoor a Dios. Naandi tan nalingwanan iray gunigon ed imbeneg a panaon.”

Jeremias 16:19

Katawan, sika so mangyaagel ed siak, tan mangiiter na biskeg ko; tutulongan mo ak no panaon na gunigon. Onlad sika ray bansan nanlapud nandoroman sokung na mundo tan ikuanda, “Tila-tilan diriyos labat so walad saray lalaki mi; anggapo lay arum no ag ta saray andi-kakanaan a talintaoy diriyos.

Jeremias 18:8

balet kabebekta saman a bansa et ikaindan toy kaogsan to, omanen koy imbagak a kanunotan kon gawaen ed saman a bansa.

Jeremias 3:17

No nasabiy tan a panaon, natawag so Jerusalem a ‘Say Trono na Katawan,’ tan amin a bansa mantitipon irad man a mangigalang ed siak. Ag da la gawaen so ibagad sikara na anawet tan maoges a puso ra.

Jeremias 4:2

Diad satan, matwa, matonung, tan maptek so pansamba yo ed ngaran ko. Insan kerewen na amin a bansa a bindisionan ko ra, tan dayewen da ak.”

Jeremias 5:2

Anggaman a mansasamba kayod ngaran na Katawan, ag yo lamlamang totooren iray salita yo.

Jeremias 5:7

Tinepet na Katawan, “Akin et pirdonaen ko ray kasalanan na saray totook? Inkaindan da ak tan angigalang ira ed saray tila-tilan diriyos. Pinakan ko ray totook ya anggad napsel ira, balet akikalugoran ira, tan akiamung irad saray marotak a bibii o lalaki.

Jeremias 6:16

Inkuan na Katawan ed saray totoo to, “Manalagey kayod nansasangaan na dalan, tan nengneng kayo; tepet yo no iner so kawalaan da ray dagdaan a dalan tan no iner so kawalaay sankamaungan a dalan. Dalan kayod saya, et nagamuran yoy kareenan.” Balet inkuanda, “Ag kami ondalan ed satan!”

Sofonias 1:5

Pateyen koy toon oonlad toktok na abung a mangigalang ed agew, bulan, tan saray bitewen. Pateyen ko met iray mangigagalang ed siak, tan mansasamban matoor ed siak, balet kabekta mansamba ra ed ngaran na dios a Moloc.

Zacarias 1:6

Diad panamegley na saray aripen kon propita inter kod sikara iray ganggan ko tan pinasakbayan ko ra, balet ag da ra inngalngalep kanyan adusa ra. Insan nagbabawi ra tan binirbir da a siak a Katawan a Makapanyarin-amin et dinusak ira onung na kanepegan da tan onung na ginetmak la.’”

Zacarias 2:11

Diad satan a panaon dakerakel iray bansan onsingger ed Katawan tan magmaliw iran totoo to. Manayam ed kawalaan yo, et nabirbir yo ya imbaki to ak ed sikayo.

Saray Taga Roma 11:17

Saray pigaran sangay oliban intanem so apoter, tan sinoldungan na sangay oliban balang. Sikan Hintil, aliling moy oliban balang, tan natan minanabang kad biskeg tan maung a bilay da ray Judio.

Saray Taga Roma 14:11

Ta ibabagay Masanton Sulat, “Dapot mabilay ak, kuay Katawan, mantalimukor ed arap ko so amin a pueg tan balang dila mandayew ed Dios.”

1 CORINTO 3:9

Nampapara kamin kumikimey na Dios, tan sikayoy alog to. Sikayo met so paalagey na Dios.

Josue 23:7

et ag kayod satan milimug-limug ed saray akeraan ed sarayan totoo a manaayam ed kawalaan yo, o salitaen yoy kangaranan da ray diriyos da, o ikana yo ray kangaranan da diad pansamba yo, o galangen yo ray diriyos da, odino ondadakmomo kayod sikara.

Ruth 3:13

Dia ka nin anggad kabwasan, tan kaimbuas nengnengen ta no gawaen toy kanepegan ton manayakup ed sikan kanayon to. No gawaen to, maung; balet no andi, isipan kod mabilay a Katawan, a gawaen koy kanepegan. Dokul ka sirin tan dia kan anggad kabwasan.”