Jeremias 12:13 - Maung A Balita Biblia

¹³ Nantanem na trigo iray totook, balet kasabitan so naani ra; pinasyay impankimey da, balet anggapoy agunggona ra. Lapud mapalalon pasnuk ko ag nambunga ray tantanaman da.”

Maung a Balita Biblia

¹³ Nantanem na trigo iray totook, balet kasabitan so naani ra; pinasyay impankimey da, balet anggapoy agunggona ra. Lapud mapalalon pasnuk ko ag nambunga ray tantanaman da.

Jeremias 12:13 Iomraidhean Croise

Saray Salmo 78:62

Pinmetang so olo tod saray totoo to, tan pinaolyan ton pinatey ira na saray kalaban da.

Isaias 55:2

Akin et gagastosen yoy kuarta yo ed antokaman ya ag makapenek? Akin et gagastosen yoy suildo yo, et siansian narasan kayo? Dengel yo ak tan gawa yoy ibabagak, et manliket kayo ed sankananaman iran kakanen.

Jeremias 17:10

Siak, say Katawan, sokayan ko ray kanunotan tan suboken ko ray puso da ray totoo. Tumangan ko so balang too onung na panagbilay to, onung na gagawaen to.”

Jeremias 4:26

Say mataban dalin nagmaliw a kabueran; aderal-deral iray siudad to, lapud ontan lan petang na olo na Katawan. (

Jeremias 9:5

Papalikdoen na amin iray kakaaro ra, tan anggapoy mangibabagay katwaan; impasal dan mantila iray dila ra tan ag da tondaay mankasalanan. Mantotombukan lay inkaruksa a gagawaen da, tan say pampapalikdo ra. Ibabaga na Katawan a sikatoy ipopolisay na saray totoo to.

Oseas 8:7

No mangisibwag ira na dagem manani ra na bagyo! Say alog ya ag ontakken iray bungay tanaman to et ag balut makaiter na pantagano. Balet anggan bilang makapangiter, pambilay na saray taga arum a bansa.

Levitico 26:16

dusaen ta kayo. Ipadalan kod sikayoy deral—saray ag natambal a sakit tan say petang na laman a mamulag ed sikayo tan kalkalnan ton oyusey bilay yo. Mantanem kayo balet anggapoy nagonggona yo, ta saray kalaban yo so mangalad saray intanem yo.

Levitico 26:20

Anggapoy nagonggona yod pinasian pansagput yo, lapud ag mangiter na bunga so dalin yo tan ag mambunga so kakiewan yo.

Mikias 6:15

Isibwag yo ray bokel, balet ag yo naani ray bunga ra. Mampespes kayo na larak ed bungay oliba, balet ag yo nikana so larak. Manggawa kayo na alak, balet ag yo ra nainom.

Habacuc 2:13

Andi-kakanaan so nansasagputan na saray bansan dinadakep yo, tan natetemek ed apoy iray impapaalagey da. Say Katawan a Makapanyarin-amin so nanggawad saya.

Aggeo 1:6

Nantanem kayoy dakerakel, balet dagdaiset so naani yo. Walay nanaakan yo, balet ag kayo napepesel. Walay nanainom yon alak, balet ag kayo napepenek! Walay ikakawes yo, balet ag napepetangan so laman yo. Ag makagenap a pambilay so nanaanap da ray kumikimey a miuupa.

Aggeo 1:9

“Nanilalo kayon makaani na dakerakel, balet dagdaiset so naani yo. Et nen insempet yo ray naani yo intitikyab ko ra. Akin et onmay ginawak? Lapud apaolyan ya aderal-deral so Timplok; inarap yon kikimeyan so dilin kaabungan yo.

Saray Taga Roma 6:21

Antoy agunggona yo ed impanggagawa yod saray ibabaing yo la natan? Patey so pansumpalan na saraman a bengatla.

Deuteronomio 28:38

“Mangipasek kayo na dakel ya ilik, balet dagdaiset so naani yo, lapud oputen na dorun.