Jeremias 12:11 - Maung A Balita Biblia

¹¹ Ginawa ran andi-kakanaan so dalin ko; nagmaliw a begtebegtew ed imaton ko. Nagmaliw a kabueran so intiron bansak, tan anggapo lay malabay ed sayan dalin ko.

Maung a Balita Biblia

¹¹ Ginawa ran andi-kakanaan so dalin ko; nagmaliw a begtebegtew ed imaton ko. Nagmaliw a kabueran so intiron bansak, tan anggapo lay malabay ed sayan dalin ko.

Jeremias 12:11 Iomraidhean Croise

Ecclesiastes 7:2

Magmaung niy onlad abung a walay ermen lapud walay inatey nen say onlad abung a walay ponsia, ta diad iyakar ed kawalaay inatey nipanunot a say patey et manaalagar ed sikatayon amin.

Isaias 42:25

Lapud saya indapo tod sikatayoy pasnuk to tan impanirap to tayod bakal. Singa apoy ya amool ed intiron Israel so pasnuk to, balet ag tayo atalusan no antoy kabaliksan na nagagawa; ag tayon balut akaaral ed agawa.

Isaias 57:1

Ompatey iray matonung, et anggapoy toon makatalus odino mangabagey. Balet no ompatey ira, anggapo lay makasigensigen ed sikara.

Jeremias 10:22

Dengel kayo! Sinmabi lay balita! Walay baleg a gewgew ed sakey a bansa ya anggad baybay; saray sondalo to pagmaliwen dan kabueran iray siudad na Juda, say pasen a panaayaman na saray asod katakelan.”

Jeremias 10:25

Idapom pa so pasnuk mo ed saray totoon ag mangigagalang ed sika, tan diad saray totoon mangipopolisay ed sika. Pinapatey da ray totoom; sigput da kamin dinederal, tan dinederal day bansa mi.

Jeremias 14:2

“Say Juda et walad kaermenan, ompapatey iray siudad to, mandokdokul ed dalin iray totoo to lapud kaermenan, tan onkekerew na tulong so Jerusalem.

Jeremias 19:8

Iyakar kod sayan siudad so onyan makapasinagem a deral pian balang sakey ya ondalan et natalagnaw tan nikelawan.

Jeremias 23:10

Say dalin napno na saray totoon aliwan matoor ed Katawan; nambilay iran maoges tan andi-kakanaay impangikana rad pakayari ra. Lapud impangisamba na Katawan nagmaliw a maneermen so dalin tan amagaan iray pastolan.

Jeremias 25:11

Magmaliw a bontun na dera-deral yan intiron dalin tan makapataktakot a nengnengen. Pitomploy taon a panlingkuran na sarayan kakaabay a bansa so Babilonia.

Jeremias 4:20

Mantotombukan so nagagawan panagderal; aderal-deral so intiron bansa. Biglan aderal iray tuldak; apilat-pilat iray kurtina ra.

Jeremias 4:27

Imbaga na Katawan a magmaliw ya andi-kakanaan so intiron mundo, balet ag to deralen a sigput.)

Jeremias 4:28

Manermen so dalin; ombilonget so tawen. Say Katawan so nansalita tan ag mansalat na kanunotan to. Nanggetma la so Katawan tan ag to la ya babawien.

Jeremias 6:8

Totood Jerusalem, ipasen yon pasakbay ed sikayo ira yan gunigon, et no ag kayo ondengel ikaindan ta kayo; gawaen kon kabueran so siudad yo, sakey a pasen ya anggapoy malabay a manayam.”

Jeremias 9:10

Inkuanko, “Ermenan ko ray kapalandeyan tan akisan ko ray pastolan, lapud minmaga-maga ra; anggapo lay ondadalan ed sikara. Ag la narengel so tanul da ray ayayep; tinmitikyab tan naandi la ray manok tan saray ayayep ed katakelan.”

Jeremias 9:11

Say Katawan kuanto, “Gawaen kon bunton na deral-deral so Jerusalem, sakey a pasen a panayaman da ray asod katakelan; magmaliw a kalawakan iray siudad na Juda, tan sakey a pasen ya ag panayaman na totoo.”

Jeremias 9:9

Ag ko ra dusaen lapud sarayan bengatla? Ag ak ombawi ed bansan singa onya? Siak, say Katawan, so nansalita.”

Joel 1:10

Anggapoy tanaman ed kaalogan; maermen so dalin lapud aderal-deral iray trigo, amagaan iray sengeg na ubas, tan nalnes iray kiew na oliba.

Levitico 26:32

Sigput kon deralen so dalin yo kanyan nikelawan iray kalaban yon manayam diman.

Zacarias 7:5

“Ibagam ed saray totood bansa tan saray papari ya ag da ak pinagalangan nen nanayuno tan nanermen ira nen kumalima tan kumapiton bulan legan na saraman a pitomplon taon.

Malakias 2:2

Nepeg yo ak a pagalangan diad panamegley na gagawaen yo. No ag yo dengelen so ibabagak ed sikayo, isamba ta kayo. Isambak iray bengatlan panlalapwan na pambilay yo. Diad tuay tua insambak la ra, lapud leleglemewen yoy ganggan ko.

Saray Taga Roma 8:22

Amta tayo ya anggad natan, amin a pinalsa et manngesnges irad kairapan a singa pampapasakit na manaanak.