Jeremias 11:4 - Maung A Balita Biblia

⁴ Sayan sipanan et ginawak ed saray lalaki ra nen impaway ko rad Egipto, say dalin a singa palbaan na balatyang ed sikara. Imbagak ed sikara ya onuren da ak tan sumpalen da ray ingganggan kod sikara. Imbagak ed sikara a no ontoluk ira magmaliw iran totook tan siak so Dios da.

Maung a Balita Biblia

⁴ Sayan sipanan et ginawak ed saray lalaki ra nen impaway ko rad Egipto, say dalin a singa palbaan na balatyang ed sikara. Imbagak ed sikara ya onuren da ak tan sumpalen da ray ingganggan kod sikara. Imbagak ed sikara a no ontoluk ira magmaliw iran totook tan siak so Dios da.

Jeremias 11:4 Iomraidhean Croise

Genesis 17:8

Sangkaili kayo natan ed sayan dalin a panaayaman yo; iter ko yan dalin ed sika tan saray kabyangay boleg mo. Say intiron dalin na Canaan kayaryanen ya anggad angga na saray kabyangay boleg mo, tan siak so Dios da.”

1 Saray Arari 8:51

Totoom iran dili ya impaway mod Egipto, say bansan singa tonaway balatyang.

2 Saray Arari 18:6

Matoor ed Katawan, ag ton balut sinumlang, no ag ingen inapiapiger ton inonur ya amin iray ganggan ya inter na Katawan ed kinen Moises.

Exodo 20:6

Balet aroen ko ray nilibon kailalakan na saray mangarod siak tan mangonur na saray ganggan ko.

Isaias 30:6

Sikato yay sinalita na Dios nipaakar ed saray ayayep ed kalawakan diad abalaten: “Saramay imbaki ondadalan irad maatap a kalawakan a panaayaman na saray lion tan wala ray maditan oleg tan mantikyab a dragon. Saray beneg na saray asno tan saray kamilyo et pinano ra na saray mabmablin rigalo ya iter dad bansan ag makatulong ed sikara.

Isaias 48:10

Sinubok ta kayod apoy na kairapan, singa pakalinis na pilak ed palbaan. Balet apapaway kon andi-kakanaan kayo.

Jeremias 11:7

Nen impaway ko ed Egipto iray lalaki ra, masimoon ko ran pinasakbayan ya onuren da ak. Insan ko intutuloy a pinapasakbayan iray totoo ya anggad natan.

Jeremias 24:7

Itdan ko ra na pilalek a mangamta a siak so Katawan. Diad satan magmaliw iran totook tan siak so Dios da, lapud ompawil irad siak diad intiron puso ra.

Jeremias 26:13

Nepeg yo sirin so mangoman na panagbilay yo tan saray bengatlan gagawaen yo, tan onur yo la so Katawan a Dios yo. Diad ontan, sikatoy mangoman ed kanununotan nipaakar ed paneral tod sikayo.

Jeremias 32:28

Kanyan sirin, iter ko yan siudad ed Ari Nabucodonosor na Babilonia tan saray sondalo to, tan dakepen da,

Jeremias 38:20

Inkuankod sikato, “Ag ka nipalimad sikara. Kerewen kod sika ya onur moy salitay Katawan onung na imbagak lad sika; diad ontan maung so pansumpalan mo. Nipaliis kad patey.

Ezekiel 11:20

Diad satan matoor dan onuren iray amin a ganggan ko. Magmaliw iran totook, tan siak so magmaliw a Dios da.

Ezekiel 14:11

Gawaen ko ya, pian ontonda a mangikaindan ed siak iray Israelita tan tondaan day pandotak dad sikaran dili lapud saray kasalanan da. Sikara so nepeg a totook, tan siak so nepeg a Dios da.” Say Katawan a Dios so nansalita.

Ezekiel 36:28

Insan manayam kayod dalin ya inter kod saray lalaki yo. Magmaliw kayon totook tan siak so Dios yo.

Ezekiel 37:23

Ag da la dotakay sikaran dili, lapud saray makapaingungot a talintaoy diriyos odino lapud kasalanan. Ipaliis ko rad amin a pakapankasalanan dad siak. Linisan ko ra; magmaliw iran totook tan siak so Dios da.

Ezekiel 37:27

Manayam ak diman ed kawalaan da; magmaliw a siak so Dios da tan sikaray totook.

Daniel 3:26

Kanyan si Nabucodonosor linmad puirta to may manliub a palbaan tan kinolyaotan to ra, “Sadrac, Mesac, tan Abednego! Sikayo ran aripen na Sankatageyan a Dios! Paway kayo la!” Et pinmaway iran tampol.

Levitico 26:12

Olupen ta kayo; siak so magmaliw a Dios yo tan sikayo ray totook.

Levitico 26:3

“No mambilay kayo onung ed saray ganggan ko tan onuren yo ray bilin ko,

Zacarias 13:9

Suboken ko ray akeraan a kakatlo tan linisan ko ran singa kalinisan na pilak ed apoy. Suboken ko ran singa kasubok na balituk. Insan ira mampikasi ed siak, et ebatan ko ra. Ibagak ed sikara a sikaray totook, tan ibawag dan siak so Dios da.”

Zacarias 6:15

Ondagon ontulong ed pangipaalagey lamet ed Timplo iray totoon manaayam ed arawin dalin. Et no asumpal lan nipaalagey lamet, naamtaan yod satan ya imbaki ak ed sikayo na Katawan a Makapanyarin-amin. Nagawa ra yan amin no sigput yon onuren iray ganggan na Katawan a Dios yo.

Zacarias 8:8

tan manlapud bokig tan sagur ipawil ko ran manayam ed Jerusalem. Magmaliw iran totook tan siak so Dios da a manoley ed sikara onung ed inkatoor tan inkatonung.

Mateo 28:20

tan ibangat yo ran mangonur ed amin ya ingganggan kod sikayo. Tan tandaan yo! Siak, ibaan ta kayo lawas anggad pansamput na panaon.”

2 CORINTO 6:16

O antoy piparaan na Timploy Dios ed saray talintaoy diriyos? Ta sikatayoy timplo na mabilay a Dios! Onung na ibabagay dilin Dios, “Miayam tan milimug ak ed sikara; siak so magmaliw a Dios da, tan magmaliw a totook ira.”

Deuteronomio 11:27

bindision no onuren yo ray ganggan na Katawan a Dios yo a iiter ko rad sikayo natan;

Deuteronomio 4:20

Balet sikayo ray totoon inyagel tod Egipto ya aliling toy manliub a palbaan. Impaway to kayod man pian pagmaliwen to kayon dilin totoo to a sikatoy kipapasen yo natan.

Deuteronomio 5:6

‘Siak so Katawan a Dios yo ya angipaway ed sikayod Egipto ya akaaripenan yo.

Saray Hebreo 5:9

Nen agawa lan nagnap, nagmaliw ya andi-anggaan a Manangilaban na amin da ray mangoonur ed sikato,

1 Samuel 15:22

Inkuanen Samuel, “Antoy lalon labay na Katawan: say pangonur, odino saray saklang tan saray bagat? Maung niy ononur ed sikato nen say mangibagat ed sikato na saray sankaabigan a karniro.