Jeremias 11:22 - Maung A Balita Biblia

²² Kanyan inkuan na Katawan a Makapanyarin-amin, “Dusaen ko ra! Napatey ed bakal iray lalakin tobun-balo ra; ompatey ed eras iray anak da.

Maung a Balita Biblia

²² Kanyan inkuan na Katawan a Makapanyarin-amin, Dusaen ko ra! Napatey ed bakal iray lalakin tobun-balo ra; ompatey ed eras iray anak da.

Jeremias 11:22 Iomraidhean Croise

2 Saray Awaran 36:17

Kanyan imbaki na Katawan so ari na Babilonia ya ondogpad sikara. Pinapatey na ari iray tobun-balon lalaki a taga Juda, anggan diad Timplo. Anggapoy panangasi to ed anggan siopa, malangwer may matakken, laki may bii, mansasakit may maksil so laman. Say Dios impalima to ran amin ed sikato.

Jeremias 18:21

Balet natan, Katawan, gawam pan ompatey ed eras iray anak da; ipapatey mo pa rad bakal. Iyabuloy mo pan nabalo ray bibii tan naandid mundo ray anak da; gawam pan ompatey ed salot iray lalaki, tan diad bakal iray lalakin walad kalangweran.

Jeremias 21:14

Balet, dusaen ta ka lapud ginawam. Poolan koy palasiom, tan say apoy temeken to met ya amin iray walad kaliber-liber to. Siak, say Katawan, so nansalita.”

Jeremias 44:13

Dusaen ko ra may manaayam ed Egipto a singa impanusak ed Jerusalem; dusaen ko ra diad panamegley na bakal, eras, tan salot.

Jeremias 49:26

Diad satan ya agew napatey ed saray dalan na siudad iray lalakin tobun-balo tan amin a sondalo to.

Jeremias 9:21

Linmoob ed saray bintana tayo so patey tan nilooban to ray palasio tayo; pinagit tod saray dalan iray ogogaw tan saray lalakin tobun-balo diad saray tindaan.

Saray Tagleey 2:21

Malangwer may matakken, kibalatar iran bangkay ed saray dalan. Apatey-patey na ispada na saray kalaban iray mamalangwer a bibii tan lalaki. Andi-panangasin pinapatey mo ra nen agew na pasnuk mo.

Amos 4:10

“Angyakar ak ed sikayo na salot a singa samay salot ya inyakar kod Egipto. Pinatey kod bakal iray lalakin tobun-balo yo tan inaalak iray kabayo yo. Banget na saray bangkay ed saray kampo yo so impapasingob kod sikayo. Balet siansia nin ag kayo pinmawil ed siak.