Jeremias 11:20 - Maung A Balita Biblia

²⁰ Insan nampikasi ak, “Katawan a Makapanyarin-amin, sakey kan matonung a huis; susuboken moy kanunotan tan say liknaan da ray totoo. Iyabuloy mo pan nanengneng ta kan ombawid sarayan totoo, lapud sikay angimatalkan kod kipapasen ko.”

Maung a Balita Biblia

²⁰ Insan nampikasi ak, Katawan a Makapanyarin-amin, sakey kan matonung a huis; susuboken moy kanunotan tan say liknaan da ray totoo. Iyabuloy mo pan nanengneng ta kan ombawid sarayan totoo, lapud sikay angimatalkan kod kipapasen ko.

Jeremias 11:20 Iomraidhean Croise

Genesis 18:25

Andi-duaruwan ag mo pipatey iray matonung ed saray maoges. Ag nayarin balut a gawaen moy ontan. Ta no gawaen mo, napidusa ray matonung ed saray maoges. Ag nayarin balut! Ag ta matonung so huis na intiron mundo?”

2 Saray Arari 19:14

Inawat nen Ari Ezekias so sulat ed lima na saramay imbaki na impirador tan binasa to. Insan linmad dalem na Timplo, inyan tod man imay sulat diad arap na Katawan,

1 Saray Awaran 28:9

Insan inkuantod kinen Solomon, “Anak ko, nia so bilin kod sika: birbir moy Dios nen amam tan panlingkuran mod intiron pusom tan mabolbolus a linawa. Amta to ray amin a kanunotan tan saray pilalek tayo. No ondago kad sikato, awaten to ka; balet no ibeneg mo, ando lan andon ikaindan to ka.

1 Saray Awaran 29:17

Amtak a susuboken moy puso na balang too tan maliket kad kaptekan. Diad katooran tan diad kaptekan mabolbolos kon inter ira yan amin ed sika. Anengneng ko a sarayan totoom a nantitipon dia natan et maliket tan mabolus so linawa ran angiter ed sika.

Say Libro nen Job 5:8

No siak so sika, onsingger ak ed Dios tan sikatoy pangipiregan koy kipapasen ko.

Saray Salmo 139:23

Sokayan mo ak pa, Katawan, tan amtaen moy walad isip ko; subok mo ak, tan amtaen mo so walad kanunotan ko.

Saray Salmo 35:2

Alam pay samper tan say kawes mon para bakal, ta dago mo ak ya iyagel.

Saray Salmo 43:1

O Dios, ibawag mo pan anggapoy kasalanan ko, tan ikatonungan mo ak pad saray totoon ag mamibirbir ed Dios; iliktar mo ak pad saray totoon matitila tan maoges!

Saray Salmo 57:1

Kasian mo ak pa, O Dios, kasian mo ak pa, ta ondarago ak sika pian arawi ak ed kaatapan. Diad silong da ray payak mo, niyaagel ak ya anggad ilabas na saray maksil a bagyo.

Saray Salmo 58:10

Manggayaga iray totoon matonung no nanengneng dan nadudusa ray makasalanan; manyakyak irad dala da ray managgaway kaogsan.

Saray Salmo 7:10

Say Dios so manangyagel ko, ilalaban to ray matoluk ed sikato.

Saray Salmo 7:8

Sikay huis na amin a katoowan. Sintinsiaan mo ak pa, O Katawan, onung ed inkatonung tan inkamaung kon too.

Saray Salmo 7:9

Matonung kan Dios tan sisintinsiaan moy kanunotan tan pilalek mi. Patondam pay kaogsan da ray totoon maoges tan tumangan mo pa ray maung a totoo.

Saray Salmo 98:9

ta onsasabi so Katawan a manoley ed sankamundoan. Matonung tan maptek so panoley tod amin a katoowan ed mundo.

Jeremias 12:1

“Katawan, no manriklamo ak ed sika, napaneknekan mon matonung ka. Anggaman ontan tepetan ta ka na nipaakar ed katonungan. Akin et maaligwas so panagbilay da ray totoon maoges? Akin et mapalabo ray managpalikdon totoo?

Jeremias 12:3

Balet, Katawan, kabat mo ak; nanenengneng moy gagawaen ko, tan say ontan lan panangarok ed sika. Igayugoy mo pan singa karniron papateyen ira yan totoo; bantayan mo pa ra ya anggad panaon a sikara lay patasen.

Jeremias 15:15

Insan inkuanko, “Katawan, natatalusan mo. Nunot mo ak pa tan tulongan mo ak. Sika pa lay ombales ed saray mamapairap ed siak. Ag mo la ra aanosan, pian ag da ak napatey. Nunot mo a sikay makasengeg na panaakok na kababaingan.

Jeremias 17:10

Siak, say Katawan, sokayan ko ray kanunotan tan suboken ko ray puso da ray totoo. Tumangan ko so balang too onung na panagbilay to, onung na gagawaen to.”

Jeremias 17:18

Ipelag mo pad kababaingan iray mamapairap ed siak, balet ipaliis mo ak pa, Katawan. Patakot mo pa ra, balet ag mo ak tataktakoten. Iyakar mo pad sikaray deral tan mekmek mo ra.

Jeremias 20:12

Balet, Katawan a Makapanyarin-amin, maptek so panusubok mod saray totoo; amtam no anto ray walad puso tan kanunotan da. Iyabuloy mo pan nanengneng koy ibawim ed saray kalaban ko, ta impalimak ed sika so kipapasen ko.

Saray Tagleey 3:58

“Inyagel mo ak, Katawan, tan inlaban moy bilay ko.

Saray Tagleey 3:59

Amtam so makapoy ya agawad siak; siak pa so pilaan mo ed panintinsiam.

Saray Tagleey 3:64

“Dusam pa ra, O Katawan, lapud saray ginawa ra;

Ezekiel 11:5

Linmoob ed siak so ispiritu na Katawan, tan imbaga na Katawan ed siak ya ikuankod saray totoo so kuanto: “Totood Israel, amtak iray sasalitaen yo tan saray iplaplano yo.

Saray Gawgawa 17:31

Ta wala lay inggana ton agew a panintinsia tod sankamundoan. Matonung so panintinsia to, diad panamegley na sakey a toon pinili to. Pinaneknekan to yad amin a katoowan nen pinaoli tod bilay yan too.”

FILIPOS 4:6

Ag yo pampapagaay antokaman a bengatla. Kerew yo ingen ed Dios iray amin a nakaukolan yo diad panamegley na pikakasin tinekepay pisasalamat.

2 Timoteo 4:14

Agaylay kaogsan na ginawad siak nen Alejandro a panday na gansa. Akaoley lay Katawan a manusad sikato, onung na ginawa to.

1 Pedro 2:23

Nen pinapabaingan da, ag to ra pinabaingan. Nen pinapairap da, ag to ra tinaktakot, no ag ingen nanmatalek ed Dios a maptek so panagsintinsia to.

Puyan 18:20

Manliket ka, O tawen, ta aderal la! Manliket kayo, sikayo ran totoon piniliy Dios, sikayo ran apostol, tan sikayo ran propita! Ta sinintinsiaan la na Dios lapud ginagawa tod sikayo!

Puyan 2:23

Pateyen ko met iray anak to, pian naamtaan na saray iglisia a siak so makaamta ed puso tan kanunotan da ray katoowan. Mangiter ak ed balang sakey ed sikayo, onung ed saray gawgawa to.

1 Samuel 16:7

Balet inkuan na Katawan ed sikato, “Ag mo iimanoen no panoy kinabaleg tan kinaguapo to. Impolisay ko, ta say panagpilik aliwan singa panagpili na too. Say too say walad paway so nenengnengen to, balet say puso so nenengnengen ko.”

1 Samuel 24:15

Say Katawan so manintinsia, tan ibaga to no siopad sikatay manggagaway kaogsan. Ag to ya komun paolyan, siak komuy iyalagey to, tan iyagel to ak ed sika.”