Jeremias 11:17 - Maung A Balita Biblia

¹⁷ “Siak, say Katawan a Makapanyarin-amin, intanem koy Israel tan Juda; balet natan ibabawag kod sikaray dusan panderal ed sikara. Dineral day sikaran dili, lapud nanggawa ray kaogsan; impanpasnuk da ak lapud impanbabagat dad kinen Baal.”

Maung a Balita Biblia

¹⁷ Siak, say Katawan a Makapanyarin-amin, intanem koy Israel tan Juda; balet natan ibabawag kod sikaray dusan panderal ed sikara. Dineral day sikaran dili, lapud nanggawa ray kaogsan; impanpasnuk da ak lapud impanbabagat dad kinen Baal.

Jeremias 11:17 Iomraidhean Croise

2 Samuel 7:10

Amili ak na sakey a pasen a para saray totook ya Israel tan impanayam ko rad man ya ag la ra nasigensigen. Nanlapu lad inloob dad sayan dalin, dinodogpaan ira na maruksan totoo, balet ag la ya nagawad sikara. Isipan kon iyagel ta kad saray kalaban mo, tan parakelen ko ray kabyangay boleg mo.

2 Saray Awaran 28:25

Diad balang siudad tan baley na Juda, angipaalagey na saray paganon pasen a panangigalangan, a pampoolan da na insinso ed saray diriyos na arum a bansa. Lapud saya sikato lamlamang so nanlapwan na impanpasnuk ed sikato na Katawan a Dios na saray lalaki to.

Saray Salmo 44:2

say impamagit mod saray pagano, tan say impangisoblay mod saray totoon manayam ed dalin da; say impanusam ed saray totoon taga arum a bansa, tan say impamaaligwas mod saray dilin totoom.

Saray Salmo 80:15

Gala pa ta ilaban mo yan ubas ya intanem mo, sayan malangwer nin ubas a pinabaleg mon mabisbiskeg!

Saray Salmo 80:8

Impaway mod Egipto so sakey a wakal na ubas; pinataynan mo ray arum a bansa, insan mo intanem ed dalin da.

Isaias 5:2

Binukalkal to may dalin tan inekalan to na bato; tinaneman to na sankaabigan iran wakal na ubas. Angipaalagey na tori a panagbantayan, insan angotkot na abut a panaggatinan na ubas. Inalagar ton aloto ray bungay ubas, balet anakseng iran amin.

Isaias 61:3

A mangiter ed saray maneermen ed Sion Na liket tan gayaga, aliwan ermen, Sakey a kanta na dayew, aliwan ermen. Magmaliw iran singa saray kiew A say Katawan a dili so angitanem. Say inkatonung so gawaen dan amin, Tan nadayew so Dios lapud ginawa to.

Jeremias 1:14

Inkuantod siak, “Say deral a manlapud baybay et ondapod saray amin a manaayam diad sayan dalin,

Jeremias 11:11

Lapud saya, siak, say Katawan, papasakbayan ko ra a deralen ko ra tan ag ira makabatik. Tan no sikaray onkerew na tulong ed siak, ag ko ra dengelen.

Jeremias 11:13

Say karakel na diriyos na saray totood Juda et singa karakel na saray siudad da; tan saray karakel na saray ginagawan altar a panangisaklangan na makapaingungot iran bagat ed kinen Baal na saray taga Jerusalem et singa karakel na saray dalan ed siudad.

Jeremias 12:2

Itatanem mo ra, tan manlalamut ira; ontutubo ra tan mambubunga ra. Maung lawas so sasalitaen da nipaakar ed sika, balet say katwaan to arawi kad puso ra.

Jeremias 18:15

Balet nilingwanan ak na saray totook; mampopool iray insinso ed saray talintaoy diriyos. Niparokul irad dalan a nepeg dan dalanen, ag da la dadalanen iray gendat a dalan; ondadalan irad saray dalan ya anggapo ray tanda.

Jeremias 18:8

balet kabebekta saman a bansa et ikaindan toy kaogsan to, omanen koy imbagak a kanunotan kon gawaen ed saman a bansa.

Jeremias 19:15

a say Katawan a Makapanyarin-amin a Dios na Israel et inkuanto, “Iyakar ko lad sayan siudad tan diad amin a kaliber-liber to ran baley iray amin a dusan imbagak a gawaen ko, lapud anawet so puso yo tan ag kayo ondengel ed ibabagak.”

Jeremias 2:21

Intanem ta kan singa pinilin wakal na ubas, singa sankaabigan a bini. Balet nengneng mo no antoy nansumpalan mo! Nagmaliw kan aboluk tan andi-kakanaan a wakal na ubas.

Jeremias 24:6

Asikasoen ko ra tan ipawil ko rad sayan dalin. Iletneg, aliwan temeken, ko ra; itanem, aliwan baguten, ko ra.

Jeremias 26:13

Nepeg yo sirin so mangoman na panagbilay yo tan saray bengatlan gagawaen yo, tan onur yo la so Katawan a Dios yo. Diad ontan, sikatoy mangoman ed kanununotan nipaakar ed paneral tod sikayo.

Jeremias 26:19

Ag pinatey nen Ari Ezekias tan saray totoo to si Mikias. Ingen tinakotan nen Ezekias so Katawan tan nala to so maung a linawa to. Diad onman angoman so Katawan ed kanununotan ton manderal ed sikara. Balet sikatayo, ngalngali ti la iyakar so baleg a deral ed sikatayon dili.” (

Jeremias 32:29

tan poolan da. Poolan da ray pati abung a nampopoolan na saray totoo na insinson bagat ed kinen Baal diad saray toktok na kaabungan tan nankakalboan da na alak a bagat ed saray diriyos. Diad sarayan abung saray totoo impanpasnuk da ak.

Jeremias 32:30

Manlapu lad inggapoy awaran na saray totood Israel tan saray totood Juda, kaogsan labat so ginagawa ra tan impanpasnuk da ak lapud saray ginagawa ra.

Jeremias 35:17

Kanyan, siak, say Katawan a Makapanyarin-amin a Dios na Israel, iyakar kon amin iray insipan kon deral ed sikayo ran totood Juda tan Jerusalem. Gawaen ko ya, ta ag kayo dinmengel nen akisalita ak ed sikayo, tan ag yo ak inebatan nen tinawag ta kayo.”

Jeremias 36:7

Gawam ya, ta ag la pigan mampikasi rad Katawan tan benegan day maoges a kabibilay da, lapud imbesngaw na Katawan ed sarayan totoo so mapalalon pasnuk tan sanuk tod sikara.”

Jeremias 40:2

Impaliis ak na samay panguloy sondalo tan inkuantod siak, “Impasakbay la na Katawan a Dios mo a deralen to yan dalin,

Jeremias 40:3

et natan sinumpal to yan impasakbay to. Onyay agawa lapud saray totoom et nankasalanan irad Katawan tan ag da inonur.

Jeremias 42:10

‘No labay yoy mansiansian manayam ed sayan dalin, iletneg ta kayo; ag ta kayo deralen; itanem ta kayo ya aliwan baguten. Akapaermen na mapalalo ed siak so deral ya inyakar kod sikayo.

Jeremias 44:5

Balet ag kayo ondengel odino mangasikaso. Ag yo tondaan iray maoges a panangibagat yod saray arum a diriyos.

Jeremias 44:8

Akin et pampapasnuken yo ak diad pangigagalang yod saray talintaoy diriyos tan diad pangibabagat yod saray arum a diriyos diad Egipto a nila yon panaayaman? Gagawaen yo ya a paneral ed sikayon dili, pian ludlureyen kayo na amin iray bansa diad tapew na dalin tan ikana ray ngaran yo a sakey a samba?

Jeremias 45:4

“Balet siak a Katawan, babagbagen ko so impaalagey ko tan babaguten ko so intanem ko. Gawaen ko ya ed intiron mundo.

Jeremias 7:18

Saray ogogaw mantitipon ira na kiew ya itotongo, saray totoon baleg a lalaki et mamaparlang ira, tan saray bibii manmamasa ra na gawaen dan kanen a para diosan tatawagen da na Riyna na Tawen. Angisaklang met ira na saray bagat ya iinomen ed saray arum a diriyos, pian napasakitan da ak.

Jeremias 7:9

Mantatakew kayo, mamapatey kayoy totoo, milalawanan kayo, anta nansamba kayo mantitila kayo, mangibabagat kayod Baal, tan mangigagalang kayod saray arum a diriyos ya ag yo ra kabat nen saman.

Ezekiel 17:5

Insan angalay sakey a malangwer a sengeg na ubas ed dalin na Israel tan intanem to ed mataban alog a kawalaan na dakel a danum a mamatubod sikato.

Oseas 10:1

Nen saman saray totood Israel et singa ra sengeg na ubas a napnoy bunga. No panoy inaligwas da, ontan met so indakel na saray altar ya impapaalagey da. No panoy indakel na bungay dalin da, ontan met so impamarakep dad saray masanton lusek ya igagalang da.