Jeremias 11:16 - Maung A Balita Biblia

¹⁶ Tinawag ko ran aminsan na mabolubolung a kiew na oliba tan amayamay so balibalin bunga to; balet natan, poolan ko ray bolung to diad iterak na singa madalagorug a karul tan lupak-lupaken ko ray sanga to.

Maung a Balita Biblia

¹⁶ Tinawag ko ran aminsan na mabolubolung a kiew na oliba tan amayamay so balibalin bunga to; balet natan, poolan ko ray bolung to diad iterak na singa madalagorug a karul tan lupak-lupaken ko ray sanga to.

Jeremias 11:16 Iomraidhean Croise

Say Libro nen Job 8:16

Singa dikan ontutubod pataktak iray maoges a totoo, singa ra dikan onkakayamkam ed tanamanan.

Saray Salmo 52:8

Balet, siak, aliling koy kiew na oliban ombabaleg ed abung na Dios; manmamatalek ak ya anggad angga ed ag mangoman a panangaro na Dios.

Saray Salmo 80:16

Pinoolan na saray kalaban mi tan binatang da; moldagatan mo pa rad pasnuk mo tan patey mo ra!

Saray Salmo 80:17

Iyagel tan asikasom pa ray totoom a pinilim, say bansan ginawam a mabisbiskeg.

Saray Salmo 83:2

Nengneng mo! Manggogolo ray kalaban mo tan onsusumpa ray mamobosul ed sika.

Isaias 27:11

Amagaan iray sanga na saray kiew tan apoter-poter ira; saray bibii aalaen da ra yan itongo. Lapud anggapoy atalusan na saray totoo, ag ira abageyen o kasian na Dios a Manamalsa ra.

Jeremias 2:21

Intanem ta kan singa pinilin wakal na ubas, singa sankaabigan a bini. Balet nengneng mo no antoy nansumpalan mo! Nagmaliw kan aboluk tan andi-kakanaan a wakal na ubas.

Jeremias 21:14

Balet, dusaen ta ka lapud ginawam. Poolan koy palasiom, tan say apoy temeken to met ya amin iray walad kaliber-liber to. Siak, say Katawan, so nansalita.”

Jeremias 7:20

Kanyan siak, say Katawan a Dios, idapok ed sayan Timplo so ontan lan pasnuk ko. Idapok ed saray totoo, saray ayayep, tan anggan diad saray kakiewan tan saray tanaman. Say pasnuk ko singa pool ya anggapoy makadepdep.

Oseas 14:6

Magmaliw iran singa sibwal na kiew, tan mararakep a singa saray kiew na oliba. Onsamyong so balingit dan singa saray kiew a sidro ed Libano.

Mateo 3:10

Akaparaan lay wasay a pamopod saray kiew ya anggad lamut. Amin a kiew ya ag mambungay maung so napopo tan napoolan.

Juan 15:6

Say ag mansiansiad siak, nibantak ed paway tan namagaan a singa sanga. Natipon tan nibantak ed apoy ira yan klasiy sanga, pian napoolan ira.

Deuteronomio 28:40

Ontobud iner man a pasen ed dalin iray kiew ya oliba, balet naandian kayoy larak, lapud nabekew iray bunga ra.

Puyan 11:4

Sarayan duan tasi et saray duaran kiew ya oliba tan duaran lamparaan a manalalagey ed arap na Katawan na mundo.