Jeremias 11:15 - Maung A Balita Biblia

¹⁵ Say Katawan kuanto, “Manggagaway kaogsan iray totoon inararok. Anto sirin so kanepegan dan niwala rad Timplo? Abaloan dan napaer day deral ya onsabid sikara diad panggagawa ra na saray sipan tan diad pangibabagat dad saray ayayep? Makapanliket ira sirin?

Maung a Balita Biblia

¹⁵ Say Katawan kuanto, Manggagaway kaogsan iray totoon inararok. Anto sirin so kanepegan dan niwala rad Timplo? Abaloan dan napaer day deral ya onsabid sikara diad panggagawa ra na saray sipan tan diad pangibabagat dad saray ayayep? Makapanliket ira sirin?

Jeremias 11:15 Iomraidhean Croise

Saray Salmo 50:16

Balet kuay Dios ed saray totoon maoges, “Antoy kanepegan yon mangidadalatdat ed saray ganggan ko? Antoy kanepegan yon manotongtong na nipaakar ed impisipanan ko?

Saray Salmo 60:5

Ilaban mo kami pa diad panamegley na pakayarim; ebatan mo pay pikakasi mi, pian niagel iray totoon inarom.

Probirbio 10:23

Panliketan na toon makulang-kulang so panggaway kaogsan, balet panliketan na toon walay pakatalus so kakabatan.

Probirbio 15:8

Makaliliket so Katawan no mampikasi iray totoon maptek, balet kabosul to ray bagat ya iyaakar ed sikato na saray totoon maoges.

Probirbio 2:14

saray totoon panliliketan day panggaway kabandayan tan panggagayagaan ed andi-kakanaan so kaogsan,

Probirbio 21:27

Kabosul na Katawan iray bagat na saray totoon maoges, nagkalalo la no maoges iray getma ran mangibagat.

Probirbio 26:18

Say toon papalikdoen toy kapara ton too, insan to ibagan manlulurey labat et aliling toy toon ambagel a panggaggalawan toy armas a makapatey.

Probirbio 28:9

No ag mo oonuren so ganggan, kabosul na Dios a dengelen so pikakasim.

Isaias 50:1

Say Katawan kuanto, “Abaloan yo amon pinataynan ko ray totook a singa sakey a lakin angisian na asawa to? Kawalaan sirin na saray kasulatan na impansian? Abaloan yo amon inlako ta kayo ed inkadakep a singa sakey a too ya inlako ton aripen iray anak to? Andi, adakep kayod arawi lapud saray kasalanan yo; apataynan kayod arawi lapud saray kaogsan a ginagawa yo.

Jeremias 12:7

Say Katawan kuanto, “Inkaindan koy Israel; impolisay koy pinilik a bansa. Saray totoon inarok impalimak irad pakayari na saray kalaban da.

Jeremias 13:27

Anengneng kayo na Katawan ed panggagawa na saray bengatlan kabosul to. Anengneng to kayon tinmotombuk ed saray paganon diriyos diad saray kapokdulan tan saray kaalogan, singa kayo lakin mantitiyam na asawa na kaabay to, odino singa kayo kabayon kalakyan a mangoosil na kabatyan. Totood Jerusalem, pakaskasiy kipapasen yo! Kapigan kasiy pagmaliw yon malinis?

Jeremias 15:1

Insan inkuan na Katawan ed siak, “Anggan manalagey ira di Moises tan Samuel diad arap ko a mikasi ed siak, ag ko kasian ira yan totoo. Paekal mo ra tan pataynan mo rad pakanengneng ko.

Jeremias 2:2

ipulong kod balang sakey a too ed Jerusalem yan salita to: “Nanununotan ko no panoy katooran mo nen wala ka nid kalangweran, no panoy impangarom ed siak nen kapankasal ta; tinotombuk mo ak ed kalawakan, diad dalin ya ag nin balut ataneman.

Jeremias 23:11

Say Katawan kuanto, “Anggapoy Dios da iray propita tan saray papari; apesgaan ko ran manggagaway kaogsan ed dalem na Timplo.

Jeremias 3:14

“Pawil kayo, aliwan matoor a totoo; kayaryan ta kayo. Mangala ak na sakey ed sikayo ed balang baley tan duara ed balang boleg, tan papawilen ta kayo ed Palandey na Sion.

Jeremias 3:8

Anengneng met na Juda ya insian koy Israel tan pinataynan ko, lapud inkaindan to ak tan nagmaliw a marotak a bii. Balet ag tinmakot so Juda ya aliwan matoor a biin agi na Israel. Nagmaliw met a marotak a bii,

Oseas 3:1

Say Katawan kuantod siak, “Laka lamet, ta arom iman a biin mikakalugoran ed sakey a laki. Nepeg mon aroen a singa panangarok ni ed saray totood Israel, anggaman a sinmingger irad arum a diriyos tan labalabay day mangyapay na saray bagat a pasas ed saray talintaoy diriyos.”

Mateo 22:11

“Samay ari linmoob a nengnengen to ray sangkaili. Anengneng toy sakey a lakin ag akakawes na pibabansal.

Lucas 8:28

Nen anengneng toy Jesus, inmingal, dinmakmomod arap to, tan inkuanton makmaksil, “Jesus, Anak na Sankatageyan a Dios! Antoy pibabalim ed siak? Pikasik ed sikan ag mo ak papairapen!”

Saray Taga Roma 11:28

Lapud ag inawat na saray Judio so Maung a Balita, nagmaliw iran kalaban na Dios. Balet sikayo ran Hintil, pankaabigan yo ya. Balet lapud pinili ra na Dios, inararo to ni ra makasengeg ed saray inmonan atateng da.

1 CORINTO 13:6

Say aro ag manliliket ed kaogsan, no ag ingen manliliket ed katwaan.

Tito 1:15

Diad saray malinis so panagbilay da, malinis iray amin a bengatla; balet diad saray arotakan tan aliwan mananisia, anggapoy malinis ta arotakan so kanunotan tan konsinsia ra.

Santiago 4:16

Balet mapaatagey tan mapasirayew kayo. Maoges itan a kagagawa.