Jeremias 10:7 - Maung A Balita Biblia

⁷ Siopay ag mangigalang ed sika, sika ya ari na amin a bansa? Sika so manepeg a galangen. Diad saray amin a makabat ed saray bansa, tan diad amin da ray arari ed bansa, anggapoy mipara ed sika.

Maung a Balita Biblia

⁷ Siopay ag mangigalang ed sika, sika ya ari na amin a bansa? Sika so manepeg a galangen. Diad saray amin a makabat ed saray bansa, tan diad amin da ray arari ed bansa, anggapoy mipara ed sika.

Jeremias 10:7 Iomraidhean Croise

2 Saray Arari 17:39

Nepeg a takotan yo ak, say Katawan a Dios yo, et iyagel ta kayod saray kalaban yo.”

1 Saray Awaran 16:25

Matalonggaring so Katawan, tan nepeg ya idaydayew; nepeg a lalon igalang nen saray amin a diriyos.

Ester 1:13

Ogali nen saman a say ari et ipanon to so nipaakar ed ganggan tan oksuy, kanyan impatawag to ray sumisimbawa to a makaamta na nepeg a gawaen onung ed ganggan.

Saray Salmo 147:5

Matalonggaring tan makapanyari so Katawan tayo; ag nasukat so kakabatan to.

Saray Salmo 22:28

Ari so Katawan, tan ooleyan to ray bansa.

Saray Salmo 47:3

Impanalo to itayo ed saray totoo; impaoleyan tod sikatayo ray bansa.

Saray Salmo 72:11

Ondakmomod sikato komun ya amin iray arari; manlingkur ed sikato ray amin a bansa.

Saray Salmo 76:7

Balet sika makapataktakot ka. Siopay makakpel ya onarap ed sika no mamapasnuk ka?

Saray Salmo 86:8

Anggapod saray diriyos so miparad sika, Katawan, anggapoy siopaman a makagawa ed saray ginawam.

Saray Salmo 86:9

Amin da ray bansan pinapalsam ondago ra tan ondakmomo rad sika. Idayew day inkatalonggaring mo.

Saray Salmo 89:6

Anggapod tawen so miparad sika, Katawan; anggapod saray anghil so singa sika.

Exodo 8:10

Inmebat so ari, “Ipikasian mo ak nabwas.” Inkuanen Moises, “Gawaen ko so onung na kerew mo, et diad ontan naamtaan mo ya anggapoy arum a dios a makapiparad Katawan a Dios mi.

Exodo 9:14

No ag mo ni ra abuloyan, aliwa labat a saray opisyal mo tan saray totoom so dusaen ko, no ag ingen pati sika, pian naamtaan mo ya anggapoy kaparak diad intiron mundo.

Isaias 2:4

Patondaen toy pankokolkol da ray matalonggaring a bansa. Gawaen dan lokuy iray ispada ra, tan palot iray pika ra. Ag la mambabakal iray bansa; ag la ran balut mamparaan a mibakal.

Jeremias 10:6

Katawan, anggapoy mipara ed sika: makapanyari ka, tan matalonggaring tan makapanyari so ngaran mo.

Jeremias 5:22

Siak so Katawan; akin et ag yo ak takotan? Akin et ag kayo onggiwgiw ed arap ko? Impasen koy kabueran a ketegan na dayat, sakey a mansiansian ketegan ya ag to nalabsanan. Onsipwak iray daluyon to, balet ag to nalabsanan so kabueran; onungol iray daluyon to, balet ag to napalumbasan.

Daniel 2:27

Inmebat si Daniel, “Kagalang ya Ari, anggapoy siopaman a makabat, managparles, salamangkiro, odino astrologo a makapangibaga na kogip mo tan say kabaliksan to.

Daniel 2:28

Balet walay Dios ed tawen a sikatoy mangipapaamtad saray mistirio. Impaamta tod sika, Kagalang ya Ari, no antoy nagawa ed arapen. Natan ibagak ed sika so kogip mo, say nipasingayew ed sika nen naogip ka.

Habacuc 3:2

O Katawan, nadngelan ko so ginagawam, et mapalaloy pankelaw ko. Diad sayan panaon mi gawam pa natan ira may makapakelaw a ginagawam nen saman. Mangasi ka pa, anggan mamapasnuk ka.

Zacarias 2:11

Diad satan a panaon dakerakel iray bansan onsingger ed Katawan tan magmaliw iran totoo to. Manayam ed kawalaan yo, et nabirbir yo ya imbaki to ak ed sikayo.

Malakias 1:11

Igagalang ak na amin a totoo ed amin a sukong na mundo. Inerman a pasen saray totoo mamopool ira na insinso a para siak tan mangisasaklang ira na makapaliket a bagat. Igagalang da ak ya amin!

Lucas 12:5

Ibagak ed sikayo no siopay nepeg yon takotan: takotan yoy Dios ta kasumpal ton mamatey, wala niy pakayari ton mangibantak ed impirno. On, kuankod sikayo, sikatoy nepeg yon takotan!

1 CORINTO 8:6

para sikatayo saksakey so Dios, say Ama ya amalsad amin a bengatla tan mambibilay itayon para sikato. Saksakey met so Katawan, si Jesu-Cristo, a diad panamegley to apalsay amin a bengatla, tan diad panamegley to met mambibilay itayo.

Josue 4:24

Lapud saya naamtaan na balang sakey a too ed tapew na dalin so ontan lan kabaleg na pakayari na Katawan, tan igalang yod anggad angga so Katawan a Dios yo.”

Puyan 11:15

Insan sinibuk na kumapiton anghil so trumpita to, tan walay makmaksil iran bosis ed tawen ya inkuanda, “Say panoley ed sankamundoan niiter lad Katawan tayo tan diad Cristo to, tan manarin anggad angga!”

Puyan 15:4

Katawan, siopay ag ontakot ed sika? Siopay ag malabay a mangigalang ed ngaran mo? Sika labat so masanto. Ondagon amin iray bansa tan mangigalang irad sika, ta anengneng na amin a katoowan iray matonung a gawgawam.”