Jeremias 10:2 - Maung A Balita Biblia

² Kuanto, “Ag yo aaligen so kabibilay na saray totoo ed arum a bansa, tan ag kayo nagugunigon ed saray tanda a nanengneng yo ed tawen, anggaman a natatakot iray taga arum a bansa.

Maung a Balita Biblia

² Kuanto, Ag yo aaligen so kabibilay na saray totoo ed arum a bansa, tan ag kayo nagugunigon ed saray tanda a nanengneng yo ed tawen, anggaman a natatakot iray taga arum a bansa.

Jeremias 10:2 Iomraidhean Croise

Genesis 1:14

Insan inkuan na Dios, “Onlesa ed tawen iray silew a mangibiig na agew ed labi tan mangipanengneng na igapo na saray agew, taon, tan saray panaon;

Jeremias 10:1

Totood Israel, dengel yoy ibabagad sikayo na Katawan.

Ezekiel 20:32

Ginetma yo lan magmaliw kayon singa saray arum a bansa, singa saray totoon mambibilay ed arum a bansa tan mangigagalang irad saray kiew tan saray baton-dampay. Balet ag balut itan nasumpal a kanunotan yo.

Levitico 18:3

Ag yo aaligen iray kagagawa na saray Egipsio a nanayaman yo nen saman, odino saray kagagawa da ray taga dalin na Canaan a pangyaakaran kod sikayo natan.

Levitico 20:23

Ag yo aaligen iray kagagawa na saray totoon manaayam diman; pataynanen ko ra may paganon totoo pian makaloob kayo. Lapud saray maoges a gagawaen da, pinaingungot da ak.

Deuteronomio 18:9

“No onsabi kayod dalin ya iiter ed sikayo na Katawan a Dios yo, ag yo aaligen iray makapaingongot ya ogali na saray bansan wadman la.

Saray Huis 6:10

Imbagak ed sikayo a siak so Katawan a Dios yo tan ag kayo nepeg a mangigalang ed saray diriyos da ray Amorreo a say dalin da so panaayaman yo natan. Balet ag yo inngalngalep iray salitak ed sikayo.”