Jeremias 10:16 - Maung A Balita Biblia

¹⁶ Aliwan singa sikara so Dios nen Jacob; sikatoy nanggawa ed amin a bengatla, tan pinili ton dilin totoo to so Israel. Yahweh a Makapanyarin-amin so ngaran to.

Maung a Balita Biblia

¹⁶ Aliwan singa sikara so Dios nen Jacob; sikatoy nanggawa ed amin a bengatla, tan pinili ton dilin totoo to so Israel. Yahweh a Makapanyarin-amin so ngaran to.

Jeremias 10:16 Iomraidhean Croise

Saray Salmo 119:57

Sika labat, Katawan, so pampipilalekan ko; isisipan kon onuren iray ganggan mo.

Saray Salmo 135:4

Pinili ton para sikaton dili si Jacob, saray totood Israel.

Saray Salmo 142:5

Katawan, onkekerew ak ed sika na tulong; sika, Katawan, so manangyagel ko; sika labat so nakaukolan kod sayan bilay.

Saray Salmo 33:6

Pinalsa na Katawan iray katawenan diad panamegley na ganggan to; pinalsa toy agew, bulan, tan saray bitewen diad panamegley na salita to.

Saray Salmo 73:26

Nayarin onkapoy so kanunotan tan laman ko, balet say Dios so biskeg ko; sikato labat so nakaukolan ko.

Saray Salmo 74:2

Nunot mo pa ray totoom ya abayag mo la ran pinili a kayaryan mo, saray totoon inagwat mod impakaaripen da, pian magmaliw iran dilin tribum. Nunot mo pay Palandey na Sion a nanayaman mo nen saman.

Exodo 19:5

Natan, no onuren yo ak tan sumpalen yoy impisipanan ko, magmaliw kayon dilin totook. Kayaryan koy sankamundoan, balet magmaliw kayon pinilik a totook.

Exodo 34:9

Inkuantod, “Katawan, no talagan makaliliket kad siak, kerewen kod sikan mila kad sikami. Anawet so olo na sarayan totoo, balet pirdonam pa ray kaogsan tan kasalanan mi, tan awat mo kami a totoom.”

Probirbio 16:4

Amin a ginawa na Katawan walay pansumpalan da; et saray totoon maoges deral so kasumpalan da.

Isaias 19:25

Bindisionan ira na Katawan a Makapanyarin-amin a kuanto, “Bindisionan ta ka Egipto, sika a took; Asiria, sika a pinalsak; tan Israel, sika a toon pinilik.”

Isaias 45:7

Papalsaen ko so liwawa tan kabilongetan; iiter koy bindision tan ipapadalan koy deral. Siak a Katawan so manggagawa ed sarayan amin.

Isaias 47:4

Imbolus itayo na masanton Dios na Israel— say ngaran to et Yahweh a Makapanyarin-amin.

Isaias 47:6

Akapasnuk ak ed saray totook; impasen kon ag ko la ra kayaryan: Impasilong ko rad pakayarim, et ag mo ra kinasian; anggan saray mamatakken pinairap mo ran tuloy.

Isaias 51:15

“Siak so Katawan a Dios yo; kikimbogen koy dayat tan panuungolen ko ray daluyon to. Yahweh a Makapanyarin-amin so ngaran ko!

Isaias 54:5

Magmaliw a singa asawam a laki so Amalsad sika— Yahweh a Makapanyarin-amin so ngaran to. Ilaban ka na masanton Dios na Israel— sikatoy manoley ed intiron mundo.

Jeremias 10:12

Pinalsa na Katawan so dalin diad panamegley pakayari to; diad panamegley na kakabatan to pinalsa na Dios so mundo tan impanat toy katawenan.

Jeremias 10:6

Katawan, anggapoy mipara ed sika: makapanyari ka, tan matalonggaring tan makapanyari so ngaran mo.

Jeremias 31:35

Say Katawan iiter toy agew a manliwawa no agew tan say bulan tan saray bitewen a manindag no labi. Kimbogen toy dayat, kanyan onungol iray daluyon to; Yahweh a Makapanyarin-amin so ngaran to.

Jeremias 32:18

Impanengneng moy ag mangoman a panangarom ed saray nilibon totoo, balet dudusaen mo met iray totoo lapud saray kasalanan da ray atateng da. Matalonggaring tan makapanyari kan Dios; Yahweh a Makapanyarin-amin so ngaran mo.

Jeremias 33:2

Akisalitad siak so Katawan ya amalsa, anibokel, tan angilira ed mundo tan Yahweh so ngaran to. Inkuanto,

Jeremias 46:18

Siak, a Katawan a Makapanyarin-amin, et ari. Siak so mabilay a Dios. Say biskeg na onsabin ondogpa ed sikayo et singa Palandey na Tabor ya atagey nen saray arum, tan singa Palandey na Carmelo a diad kinaatagey to et ososdungan toy dayat.

Jeremias 50:34

Balet mabiskeg so mangyagel ed sikara—Yahweh a Makapanyarin-amin so ngaran to. Sikaton diliy mangyalagey ed sikara tan mangyakar na kareenan ed mundo, balet gunigon so iyakar tod saray taga Babilonia.”

Jeremias 51:19

Say Dios nen Jacob et aliwan singa sikara; sikatoy nanggawa ed amin a bengatla, tan pinili ton totoo ton dili so Israel. Yahweh a Makapanyarin-amin so ngaran to.

Saray Tagleey 3:24

Say Katawan labat so walad siak, kanyan diad sikato so kawalaay ilalok.

Amos 4:13

Say Dios so nanggawad saray kapalandeyan tan pinalsa to so dagem. Ipapaamta tod too iray kanunotan to; pagmamaliwen ton labi so agew. Manaakar ed tapew na saray atatagey a pasen diad mundo. Saya so ngaran to: Yahweh a Dios a Makapanyarin-amin!

Zacarias 2:12

Maminsan ni lamet say Juda et magmaliw a nidoma-doman kayaryan na Katawan diad dalin ton masanto, tan say Jerusalem, et magmaliw a sankainaroan tod saray kayaryan to.

Deuteronomio 32:9

balet pinili ton para sikaton dili iray kabyangay boleg nen Jacob.