Jeremias 10:12 - Maung A Balita Biblia

¹² Pinalsa na Katawan so dalin diad panamegley pakayari to; diad panamegley na kakabatan to pinalsa na Dios so mundo tan impanat toy katawenan.

Maung a Balita Biblia

¹² Pinalsa na Katawan so dalin diad panamegley pakayari to; diad panamegley na kakabatan to pinalsa na Dios so mundo tan impanat toy katawenan.

Jeremias 10:12 Iomraidhean Croise

Genesis 1:1

Diad gapoy gapo nen pinalsa na Dios iray katawenan tan say dalin,

Genesis 2:5

anggapo ni ray tanaman ed dalin odino bokel a tinmubo, lapud ag to ni pinaoran, tan anggapoy toon ondalus ed dalin.

1 Saray Awaran 16:26

Talintao labat ya amin iray diriyos da ray arum a bansa, balet say Katawan pinalsa to ray katawenan.

Say Libro nen Job 26:7

Impanat na Dios so baybay a tawen, tan imbitin tod liwang so mundo.

Say Libro nen Job 37:18

Nayarian mo ta a tulongan so Dios ed pangipanat toy tawen tan panggawa ton anawet a singa mital a pinasileng?

Say Libro nen Job 9:8

Anggapoy tinmulong ed Dios diad impangipanat tod katawenan odino diad impanggatin-gatin tod dragon na dayat.

Saray Salmo 104:2

tan nilimbus moy sikan dili na liwawa. Inyaplag mon singa tulda iray katawenan,

Saray Salmo 104:24

Katawan, amayamay iray pinapalsam a bengatla! Diad panamegley na ontan lan kakabatan mo, ginagawam ira! Say dalin napno na saray pinalsam.

Saray Salmo 119:90

Mansiansia ya anggan kapigan so inkatoor mo; inliram so mundo, et ag nagalaw ed pasen to.

Saray Salmo 24:2

Inletneg tod aralem a danum diad dalem na dalin tan inlira tod dalem na dayat iray pundasion to.

Saray Salmo 33:6

Pinalsa na Katawan iray katawenan diad panamegley na ganggan to; pinalsa toy agew, bulan, tan saray bitewen diad panamegley na salita to.

Saray Salmo 65:7

Patotondaen moy ungol da ray dayat tan say ungol da ray daluyon; parereenen moy golo da ray katoowan.

Saray Salmo 78:69

Diman to impaalagey so Timplo to a kaparparay abung tod tawen; inletneg to na malmalet a singa say mundo, kanyan mansiansian anggad angga.

Saray Salmo 93:1

Ari so Katawan. Akawesan na kagalangan tan abalkesan na biskeg. Niletneg a malmalet so mundo kanyan ag balut nagiing.

Probirbio 3:19

Lapud kakabatan na Katawan pinalsa to so mundo; lapud pakatalus to inlira to so tawen.

Probirbio 30:4

Siopa lay akagawan sigput so mangatatawen a pakaamta to? Siopa lay akaakup na dagem? Odino siopa lay akaponggos na danum ed panyo? Odino siopa lay akapangilira na saray ketegan na mundo? No amtam, ibagam no siopa? Siopay anak ton laki?

Isaias 37:16

“O Makapanyarin-amin a Katawan a Dios na Israel, manyodyorung kad tagey da ray kirubin, bukor moy Dios a manooley ed amin a nanarian diad mundo. Pinalsam so tawen tan dalin.

Isaias 40:22

Ginawa na samay manyodyorung ed trono to diad tagey na mundo tan labas na tawen; singa kamelag na gilata so nengneng da ray totoo diad leksab. Impanat ton singa kortina so tawen, singa sakey a tuldan panayaman.

Isaias 42:5

Pinalsa na Dios iray katawenan tan impanat to ra; pinalsa toy mundo tan amin a manaayam dia; initdan toy bilay tan linawa iray amin a katoowan ed mundo. Et natan say Katawan a Dios kuantod aripen to,

Isaias 44:24

“Siak so Katawan a manangilaban mo; siak so amalsad sika. Siak so Katawan a Manamalsad amin a bengatla. Siak labat so angipanat ed katawenan; nen pinalsak so mundo, anggapoy tinmulong ed siak.

Isaias 45:12

Siak so nanggawad mundo tan amalsad too a manayam ed tapew na dalin. Lapud pakayarik impanat koy katawenan; siak so makaoley ed agew, bulan, tan saray bitewen.

Isaias 45:18

Say Katawan pinalsa toy katawenan— sikato so Dios! Tinibokel tan ginawa toy mundo— ginawa ton malet tan mansiansia lawas. Ag to ginawan anggapoy kabaliksan to, no ag ingen ginawa ton pasen a panayaman na saray totoo. Sikato so angikuan, “Siak so Katawan, tan anggapo lay arum.

Isaias 48:13

Inlira na limak so pundasion na mundo tan impanat koy katawenan. No tawagen ko ray mundo tan saray katawenan, ondago ran tampol tan iparontal day sikaran dili.

Isaias 49:8

Say Katawan kuantod saray totoo to, “No onsabiy panaon na pangilaban kod sikayo, ipatnag kod siyayoy maung a linawak tan ebatan koy ikekerew yoy tulong. Bantayan tan iyagel ta kayo tan diad panamegley yo misipanan ak ed amin a katoowan. Panayamen ta kayo lamet ed dalin yo a natan et anggapoy kabaliksan to.

Jeremias 10:13

Diad ganggan to inmungol so danum ed tagey na tawen; aawiten to ray lorem a nanlapud saray sokung na mundo. Pakikirmaten to no onooran, tan pasisiplugen toy dagem a manlalapud panagsinupan ton kuarto.

Jeremias 10:16

Aliwan singa sikara so Dios nen Jacob; sikatoy nanggawa ed amin a bengatla, tan pinili ton dilin totoo to so Israel. Yahweh a Makapanyarin-amin so ngaran to.

Jeremias 14:22

Anggapod saray diriyos na saray bansa so makapaoran; anggan say tawen ag to makapangipelag na mayamaya. Sikay paniilaloan mi, Katawan a Dios mi, ta sikay manggagawa na sarayan bengatla.”

Jeremias 27:5

“Siak, diad panamegley na pakayarik tan biskeg ko, pinalsak so mundo, saray totoo, tan amin ya ayayep a manaayam ed tapew na dalin; iiter ko ya ed siopaman a labay kon pangitdan.

Jeremias 32:17

“Katawan a Dios, lapud baleg a pakayarim tan biskeg mo, ginawam so tawen tan dalin; mainomay mon gawaey antokaman a bengatla.

Zacarias 12:1

Sikato yay salita na Katawan nipaakar ed Israel, say Katawan ya angipanat na katawenan, say amalsad mundo, tan sikatoy angiter na bilay ed too. Kuanto,

Juan 1:3

Diad panamegley to apalsa ya amiy bengatla; anggapoy bengatlan apalsa ya aliwan diad panamegley to.

COLOSAS 1:16

Ta diad panamegley to, apalsa ray amin a walad tawen tan dalin, nanengneng man o andi, pati saray maispiritun pakayari, kakatawan, manoley, tan saray walay betang. Apalsa ray amin a bengatla diad panamegley to tan para sikato.