Jeremias 1:18 - Maung A Balita Biblia

^18-19 Dengel ka, Jeremias! Onsumpad sika so balang sakey a too ed sayan dalin—saray arari ed Juda, saray opisyal, saray papari, tan saray totoo. Balet natan iitdan ta kay biskeg, pian nasumlang mo ra; magmaliw kan singa siudad ya aliber na padir, singa balatyang a lusek, tan singa gansan padir. Ag da ka natalo, ta wala ak ed sika a mangyagel ed sika. Siak, say Katawan, so nansalita.”

Maung a Balita Biblia

^18-19 Dengel ka, Jeremias! Onsumpad sika so balang sakey a too ed sayan dalinsaray arari ed Juda, saray opisyal, saray papari, tan saray totoo. Balet natan iitdan ta kay biskeg, pian nasumlang mo ra; magmaliw kan singa siudad ya aliber na padir, singa balatyang a lusek, tan singa gansan padir. Ag da ka natalo, ta wala ak ed sika a mangyagel ed sika. Siak, say Katawan, so nansalita.

Jeremias 1:18 Iomraidhean Croise

Isaias 50:7

Balet ag ak nasakitan na saray panamabaing da lapud tutulongan ak na Katawan a Dios. Pinakapal koy lupak pian nitepel ko ra. Amtak ya ag ak napelag ed kababaingan,

Jeremias 1:17

Mamparaan ka, Jeremias; laka, ta ibagam ed sikaray amin ya ingganggan kod sikan salitaen mo. Ag ka la natan ontatakot ed sikara; ta no andi, pagmaliwen ta kan lalon ontakot no wadman ka lad sikara.

Jeremias 15:10

Pangaskasiyay kipapasen ko! Akin et impaway ak ni na inak ed sayan mundo? Akin et nianak ak a mikolkol tan misangsangan ed balang sakey diad bansa? Ag ak mampapabayes na kuarta odino ombabayes ed siopaman; balet isasamba ak na balang sakey.

Jeremias 15:20

Diad sarayan totoo pagmaliwen ta kan singa puron gansan padir. Labanan da ka, balet ag da ka natalo. Wala ak a mangyagel ed sika tan mangyarawid sikad kaatapan.

Jeremias 20:11

Balet wala ka, Katawan, ed diking ko, mabiskeg tan makapanyari ka, tan natumba ray mamapaseg-segang ed siak; ag da ak balut taloen. Andi-anggaan so pakapelag dad kababaingan lapud ag ira manalo. Ag balut nalingwanan so pakapelag dad kababaingan.

Jeremias 21:4

ya ibaga rad kinen Sedekias a say Katawan a Dios na Israel kuanto, “Sedekias, taloen ko ray sondalom a pilalabanen mo sumpad ari na Babilonia tan saray sondalo to. Ibunton kod pegley na siudad iray armas yo.

Jeremias 26:24

Balet ag ak nipalimad saray totoo pian pateyen da ak, lapud inyagel ak nen Ahikam a lakin anak nen Safan.

Jeremias 34:3

Ag ka makabatik; nadakep ka tan nipalima kad sikato. Napilupaan mo tan napitongtongan mo yan ari; insan ka onlad Babilonia.

Jeremias 37:7

“Onsasabin ontulong ed sika ray sondalon Egipsio, balet ompawil irad Egipto.

Jeremias 38:18

Balet no ag ka onsuko, nipalimad saray taga Babilonia yan siudad, poolan da, tan ag mo ra nibatikan.”

Jeremias 38:2

a say Katawan inkuanto, “Ompatey ed bakal, odino eras, odino salot so siopaman a manayam ed dalem na siudad. Balet ag napatey so siopaman ya ompaway ed siudad ta onsukod saray taga Babilonia; nipaliis ed patey tan mambilay.”

Jeremias 42:22

Kanyan sirin, tandaan yo ya: ompatey kayod bakal, odino eras, odino salot ed dalin a labay yon laen tan panayaman.”

Jeremias 6:27

Jeremias, subok mo ray totook, a singa panggugol mod mital; subok mo ra, ta nengneng mo no antoy kapara ra.

Juan 1:42

Insan intagar toy Simon ed kinen Jesus. Ninengneng nen Jesus tan kuanto, “Sikay Simon ya anak nen Juan. Nangaranan ka na Cefas.” (Say ngaran a Cefas, kapara toy ngaran a Pedro.)

Puyan 3:12

Say manalo pagmaliwen kon sakey a lusek ed timploy Dios ko, tan ag to lan balut taynan. Imarkak ed sikatoy ngaran na Dios ko, tan say ngaray siudad na Dios ko, salanti say balon Jerusalem ya onakseb a manlapud tawen tan manlapud Dios ko. Imarkak met ed sikatoy balon ngaran ko.