Jeremias 1:17 - Maung A Balita Biblia

¹⁷ Mamparaan ka, Jeremias; laka, ta ibagam ed sikaray amin ya ingganggan kod sikan salitaen mo. Ag ka la natan ontatakot ed sikara; ta no andi, pagmaliwen ta kan lalon ontakot no wadman ka lad sikara.

Maung a Balita Biblia

¹⁷ Mamparaan ka, Jeremias; laka, ta ibagam ed sikaray amin ya ingganggan kod sikan salitaen mo. Ag ka la natan ontatakot ed sikara; ta no andi, pagmaliwen ta kan lalon ontakot no wadman ka lad sikara.

Jeremias 1:17 Iomraidhean Croise

1 Saray Arari 18:46

Linmoob so pakayari na Katawan ed kinen Elias; malet ton imbariber so kawes tod balangbang to tan batik ya inonaan si Acab ya anggad lolooban ed Jezreel.

2 Saray Arari 1:15

Inkuan na anghil na Katawan ed kinen Elias, “Mila kad sikato, tan ag ka natatakot.” Kanyan akilay Elias ed samay opisyal tan linma rad ari.

2 Saray Arari 4:29

Inkuanen Eliseo ed kinen Giezi, “Ganatan mo! Alam imay bastun ko, ta laka la. Ag ka ontotondan mangibanod siopaman a naabet mo, ta no walay mangilugay ed sika ag ka la manaabalan mibanowan. Tuloy-tuloy mo lay abung tan itapew mod lupad bangkay na ogaw so bastun ko.”

2 Saray Arari 9:1

Legan to ya, tinawag nen propita Eliseo so sakey ed saray malangwer a propita tan kuantod sikato, “Mamparaan ka, ta lakad Ramot-galaad. Awit mo yay sakey a garapon a larak na oliba,

Say Libro nen Job 38:3

Alagey kan sakey a laki, ta ebatan mo ray tepeten kod sika.

Exodo 3:12

Inmebat so Dios, “Say katwaan to, siak so kaibam. Say pakabirbiran ya imbaki ta ka saya: no nipaway mo lad Egipto iray totook, igalang yo ak diad sayan palandey.”

Exodo 7:2

Ibagam ed Aaron iray amin ya iganggan kod sika, tan ibaga tod ari ya abuloyan to ray Israelita a taynan day bansa to.

Jeremias 1:18

Dengel ka, Jeremias! Onsumpad sika so balang sakey a too ed sayan dalin—saray arari ed Juda, saray opisyal, saray papari, tan saray totoo. Balet natan iitdan ta kay biskeg, pian nasumlang mo ra; magmaliw kan singa siudad ya aliber na padir, singa balatyang a lusek, tan singa gansan padir. Ag da ka natalo, ta wala ak ed sika a mangyagel ed sika. Siak, say Katawan, so nansalita.”

Jeremias 17:18

Ipelag mo pad kababaingan iray mamapairap ed siak, balet ipaliis mo ak pa, Katawan. Patakot mo pa ra, balet ag mo ak tataktakoten. Iyakar mo pad sikaray deral tan mekmek mo ra.

Jeremias 23:28

Say propitan walay kogip to nepeg ton ibaga a sakey labat a kogip, balet say propitan walad sikatoy salitak nepeg a matoor ton ipulong. Antoy piparaan na dayami ed ilik?

Jeremias 26:12

Insan inkuanko, “Imbaki ak na Katawan a mampropisiya nipaakar ed amin a nadngel yo sumpad sayan Timplo tan sumpad sayan siudad.

Jeremias 26:2

say Katawan inkuantod siak, “Manalagey kad patio na Timplo tan ibawag mo ray ingganggan kon salitaen mod saray totoon nanlapud saray baley na Juda a mangigalang diman. Ibagam ya amiy bengatla.

Jeremias 36:8

Kanyan imbasa nen Baruc diad Timplo iray salita na Katawan onung na samay amin ya imbagak ed sikara.

Saray Tagleey 3:57

Inebatan mo ak tan imbagam ed siak ya ag ak ontakot.

Jonas 3:2

Inkuanto, “Lakad Ninive, say baleg a siudad, ta ibagam ed saray totood man so sinalitak ed sika.”

Lucas 12:35

“Nakaukolan a sipaparaan kayo, ya akalislis iray kawes yo tan mandardarlang iray lamparaan yo,

Saray Gawgawa 20:20

Amta yo ya anggapoy ag ko imbaga a makatulong ed sikayo diad impambabangat tan impanpupulong kod sikayo, diad arap na karaklan man odino diad kaabungan yo.

Saray Gawgawa 20:27

Ta imbagak ed sikayoy amin a linaway Dios.

1 CORINTO 9:16

Anggapoy kanepegan kon mampasirayew makasengeg labat ed pampupulong koy Maung a Balita! Ta ingganggan ak a manggawad saya, et pakaskasi ak no ag ko ipulong so Maung a Balita!

1 TESALONICA 2:2

Amta yon pinapabaingan tan pinapairap da kamid Filipos. Balet anggaman a dakel so makasbel, pinabiskeg na Dios so linawa mi a mangipulong na Maung a Balitan nanlapud sikato.

1 Pedro 1:13

Kanyan iparaan yo ray kanunotan yo. Mantadya kayo lawas tan sigput yon ipeket so ilalo yo ed bindision a niiter ed sikayo no nipaamta lay Jesu-Cristo.