Jeremias 1:16 - Maung A Balita Biblia

¹⁶ Dusaen ko ray totook lapud nankasalanan ira; inkaindan da ak, nansasaklang iray bagat ed saray diriyos, tan inggagalang da ray ginagawa ran talintaoy diriyos.

Maung a Balita Biblia

¹⁶ Dusaen ko ray totook lapud nankasalanan ira; inkaindan da ak, nansasaklang iray bagat ed saray diriyos, tan inggagalang da ray ginagawa ran talintaoy diriyos.

Jeremias 1:16 Iomraidhean Croise

2 Saray Arari 22:17

Impolisay da ak tan nambabagat irad saray arum a diriyos, kanyan impanpasnuk da ak lapud amin a ginagawa ra. Pinmetang so olok ed Jerusalem, tan ag ombetel.

2 Saray Awaran 15:2

insan linman inmabet ed Ari Asa. Inkuanto, “Dengel mo ak, Ari Asa, tan amin yon totood Juda tan Benjamin! Mansiansiad sikayo so Katawan, legan a mansiansia kayo ed sikato. No anapen yoy Katawan iyabuloy ton naalmo yo, balet no ibeneg yo ikaindan to kayo.

2 Saray Awaran 28:2

ta inalig to ray ginagawa na saray ararid Israel. Nampagawa na saray mital a talintao nen Baal;

2 Saray Awaran 34:25

Impolisay da ak tan nambabagat irad saray arum a diriyos, kanyan impanpasnuk da ak lapud amin a ginagawa ra. Pinmetang so olok ed Jerusalem, et ag ombetel.

2 Saray Awaran 7:19

Balet no sika tan saray totoom et ag yo onuren iray ganggan tan saray bilin kod sikayo, tan mangigalang kayod arum a diriyos,

Isaias 2:8

Napno na saray talintaoy diriyos so dalin da, tan igagalang da ray bengatlan ginawa na dilin lima ra.

Isaias 37:19

tan pinopoolan da ray diriyos da—ta aliwa ran tuan diriyos; talintaon kiew odino bato ra labat a ginagawa na limay too.

Isaias 44:15

Say sakey a too ikana ton itotongo iray arum a kabyangan na kiew tan say arum a kabyangan et gawaen ton talintao. Saray arum a parti parlangan to a pandangdangan to tan panggawaan to na tinapay; say arum a parti gawaen ton sakey a talintaoy dios, insan to galangen.

Isaias 65:3

Anggapoy baing dan mamapapetang na olok. Mangisasaklang iray bagat ed saray masanton tanamanan tan mampopool iray insinso ed tapew na saray altar a panangigalangan na saray pagano.

Jeremias 10:15

Andi-kakanaan ira, tan kanepegan day balawen; naderal ira no onsabin maneral ed sikara so Katawan.

Jeremias 10:3

Andi-kakanaan so rilihion da ra yan totoo. Abatang ed takel so sakey a kiew; tinatabtaban na kagawaan na marunong ya iskoltur,

Jeremias 11:12

Diad satan saray totood Juda tan saray taga Jerusalem onla rad saray diriyos dan pangibabagatan da, tan onkerew iray tulong. Balet ag ira nilaban na saratan a diriyos no onsabi yan deral.

Jeremias 11:17

“Siak, say Katawan a Makapanyarin-amin, intanem koy Israel tan Juda; balet natan ibabawag kod sikaray dusan panderal ed sikara. Dineral day sikaran dili, lapud nanggawa ray kaogsan; impanpasnuk da ak lapud impanbabagat dad kinen Baal.”

Jeremias 15:6

Impolisay yo ak, sikayon totoo; imbeneg yo ak. Kanyan inyonat ko ray limak, tan kinabil ta kayo, lapud naoputan ak lay anos ed sikayo.

Jeremias 16:11

Insan mo ibagad sikara a say Katawan inkuanto, ‘Saray lalaki yo inkaindan da ak tan nanlingkur tan angigalang irad arum a diriyos. Inkaindan da ak tan ag da inonur iray bangat ko.

Jeremias 17:13

Katawan, sika so ilalo na Israel; nabaingan ya amin iray mangikaindan ed sika. Naandipat iran singa saray ngaran a nisulat ed dabuk, lapud inkaindan da ka, say Katawan, say sobul na ambetebetel a danum.

Jeremias 18:15

Balet nilingwanan ak na saray totook; mampopool iray insinso ed saray talintaoy diriyos. Niparokul irad dalan a nepeg dan dalanen, ag da la dadalanen iray gendat a dalan; ondadalan irad saray dalan ya anggapo ray tanda.

Jeremias 19:4

Gawaen ko ya, lapud inkaindan ak na saray totoo tan dinotakan da yan pasen diad impangibabagat da dia ed saray arum a diriyos—saray diriyos ya ag da kabat, sikara, saray lalaki ra, o saray ararid Juda. Sayan pasen dinelap da na dala da ray anggapoy kasalanan a totoo,

Jeremias 2:13

ta duaray nankasalanan na saray totook: inkaindan da ak, siak a sobul na mabilay a danum; nankokotkot ira na saray bobun, saray bobun a nanletak kanyan ag makakargay danum.

Jeremias 2:17

Israel, sika so nansengegan ed saya! Inkaindan mo ak a Katawan a Dios mo, legan ya iwawanwan ta kad dalan.

Jeremias 2:19

Dusaen ka na dilin kaogsan mo; deralen ka na impangikaindan mod siak. Naamtaan mo no panoy kapaitan tan kaogsan na pangikaindan ed siak a Katawan a Dios mo, tan say ag mo pansiansian matoor ed siak. Siak, say Katawan a Dios a Makapanyarin-amin, so nansalita.”

Jeremias 2:28

“Kawalaan da ray diriyos a ginagawa yon para sikayo? No wala kayod gunigon pailaban kayod sikara, no nayarian da. Juda, singa karakel na siudad mo iray diriyos mo.

Jeremias 4:12

say dagem ya onsibuk onung ed ganggan na Katawan et mabiskeg a tuloy! Say Katawan a dili so manisintinsia ed saray totoo to.

Jeremias 4:28

Manermen so dalin; ombilonget so tawen. Say Katawan so nansalita tan ag mansalat na kanunotan to. Nanggetma la so Katawan tan ag to la ya babawien.

Jeremias 44:17

Sumpalen mi ray amin ya imbaga min gawaen. Mangibagat kamid diosa mi, say Riyna na Tawen tan mangisaklang kamid sikato na bagat ya alak, a singa samay ginagawa mid saray baley na Juda tan diad saray dalan ed Jerusalem, ta onya met so ginagawa na lalaki mi, saray arari tan saray pangulo mi. Daakan ed saman a panaon iray kakanen mi, maaligwas kami, tan anggapo ray gunigon mi.

Jeremias 5:29

“Balet siak, say Katawan, dusaen ko ra lapud saraya: ombawi ak ed sayan bansa.

Jeremias 5:9

Ag ko nepeg iran dusaen lapud sarayan amin a gagawaen da? Ag ko nepeg so ombales ed bansa a singa saya?

Jeremias 51:17

Diad pakanengneng ed saya magmaliw a makulang-kulang tan anggapoy pakatalus ya amin iray totoo; magmaliw a mangamanga iray managgaway talintao, lapud tila-tila tan anggapoy bilay iray diriyos a gagawaen da.

Jeremias 7:17

Ag mo ta nanenengneng so gagawaen da ed saray siudad na Juda tan saray dalan na Jerusalem?

Jeremias 7:18

Saray ogogaw mantitipon ira na kiew ya itotongo, saray totoon baleg a lalaki et mamaparlang ira, tan saray bibii manmamasa ra na gawaen dan kanen a para diosan tatawagen da na Riyna na Tawen. Angisaklang met ira na saray bagat ya iinomen ed saray arum a diriyos, pian napasakitan da ak.

Jeremias 7:9

Mantatakew kayo, mamapatey kayoy totoo, milalawanan kayo, anta nansamba kayo mantitila kayo, mangibabagat kayod Baal, tan mangigagalang kayod saray arum a diriyos ya ag yo ra kabat nen saman.

Ezekiel 16:18

Inalam imay kawes mon namborda ya inter kod sika, insan mo insolung ed saray imahin, tan insaklang mod saramay imahin ira may larak na oliba tan insinson iniiter kod sika.

Ezekiel 24:14

Siak a Katawan so nansalita. Sinmabiy oras a siak so onggalaw. Ag ko palabasen iray kasalanan mo odino kasian odino abageyen ta ka. Nadusa ka lapud saray ginagawam.” Say Katawan a Dios so nansalita.

Oseas 11:2

Balet no panoy intawag kod sikato, ontan met so inyarawi tod siak. Nambabagat ed Baal iray totook; nampopool iray insinso ed saray talintaoy diriyos.

Oseas 8:6

Sakey a platiron taga Israel so nanggawa na talintao, et aliwa ni lamlamang a dios imay ginawa to! Namisimisi imay bakan balituk a gagalangen ed Samaria!

Joel 2:11

Say Katawan iyeeyag ton singa karul so ganggan tod saray sondalo to. Amayamay iray sondalo ton onoonur ed sikato tan makapanyari ra. Makapataktakot a tuloy so agew na Katawan! Siopay makapaliis ed patey no onsabi yan agew?

Saray Gawgawa 7:41

Nanggawa ran tuay dios a singa kilaw na baka. Angisaklang iray bagat tan pinistaan da man a gaway lima ran dili.

Deuteronomio 28:20

“No manggawa kayoy kaogsan tan ipolisay yoy Katawan ipadalan tod sikayo so deral, gewgew, tan gunigon ed amin a gawaen yo, ya anggad sigput tan masiglat kayon naoput.

Deuteronomio 31:16

Say Katawan kuantod kinen Moises, “Magano lay ipatey mo, et kapatey mo magmaliw iran malamang ed siak iray totoo tan deralen day impisipanan kod sikara. Ikaindan da ak tan mangigalang irad saray paganon diriyos na dalin a ngalngali da lan looban.

Josue 24:20

et no taynan yo pian makapanlingkur kayod arum iran diriyos, sumpaen to kayo tan dusaen to kayo. Pateyen to kayo, anggaman a maung so ginagawa tod sikayo nen saman.”

Puyan 9:20

Saray totoon atilak ed dinmalan iran salot et ag da binenegan iray ginagawa ran dili. Ag da tinondaay mangigalang ed saray dimonyo tan saray talintaoy diriyos a ginagaway lima ra—saray talintaon balituk, pilak, tanso, bato, tan kiew ya ag makanengneng, makadngel, o makaakar.