Isaias 9:4 - Maung A Balita Biblia

⁴ Maliket ira lapud pinoter moy pakon sasakbaten da tan say bastun a mamepekpek na saray takeb da. Tinalom so bansa ya amairap ed saray totoom, a singa samay impanalom nen saman ed saray sondalo na Madian.

Maung a Balita Biblia

⁴ Maliket ira lapud pinoter moy pakon sasakbaten da tan say bastun a mamepekpek na saray takeb da. Tinalom so bansa ya amairap ed saray totoom, a singa samay impanalom nen saman ed saray sondalo na Madian.

Isaias 9:4 Iomraidhean Croise

Genesis 27:40

Mambilay ka diad panamegley na ispadam, Balet manlingkur kad agim. Anggaman ontan, no onlaban kad sikato, Makaekal ka ed silong na pakayari to.”

Saray Salmo 125:3

Ag magnayon a manoley ed dalin na saray totoon matonung iray totoon maoges; ta no magnayon so panoley da, nayarin manggawa met na kaogsan iray totoon matonung.

Saray Salmo 81:6

“Inekal kod takeb yo iray kairapan a sasakbaten yo; impaigatun kod sikayo ray laryon sankabembenan yo.

Isaias 10:16

Say Katawan a Makapanyarin-amin mangipadalan na sakit a manusad saray matataban sondalo. Diad saray laman da walay apoy a mampool lan mampool.

Isaias 10:5

Inkuan na Katawan, “Asiria! Ikanak so Asiria a singa pekpek a panusak ed saray totoon pamapasnukan ko.

Isaias 14:25

Deralen kod dalin na Israel iray taga Asiria tan igatin-gatin ko rad kapalandeyan ko. Ekalen kod panamairap na taga Asiria iray totook tan saray ambelat a nipasakbat ed sikara.

Isaias 16:4

Panayam yo kami pa lad dalin yo. Iyagel yo kamid saray malabay a manderal ed sikami.” (Mangangga so panagpairap tan panagderal, et naandi ray mandederal na bansa.

Isaias 47:6

Akapasnuk ak ed saray totook; impasen kon ag ko la ra kayaryan: Impasilong ko rad pakayarim, et ag mo ra kinasian; anggan saray mamatakken pinairap mo ran tuloy.

Isaias 49:26

Pagmaliwen kon mampapateyan iray mamapairap ed sikayo; nabuek irad pampatey na too. Diad satan naamtaan na amin a katoowan a siak so Katawan, say Mananondon tan Manangilaban yo. Naamtaan da a siak so makapanyarin Dios na Israel.”

Isaias 51:13

Alingwanan yo lay Katawan a nanggawad sikayo, ya angipanat ed katawenan tan angiletneg na saray pundasion na mundo? Akin et antakot kayo lawas ed pasnuk da ray mamapairap ed sikayo, saray sipaparaan a maneral ed sikayo? Ag kayo la nadiwit na ontan lan pasnuk da.

Isaias 52:2

Pokpokan moy dabuk ed sikan dili, O Jerusalem! Bangon kad dabuk tan yorung kad tronom! Okbar yoy golunggolung ya akasinger ed sikayo, sikayon adakep a totood Sion!

Isaias 54:14

Say inkatonung tan say kaptekan so mamabiskeg ed sika. Niarawi ka ed kaatapan na panamairap tan panagtaktakot.

Isaias 9:5

Oputen na apoy iray buta na ondodogpan sondalo tan amin a kawes dan ataltalagsikan na dala.

Jeremias 30:8

Say Katawan a Makapanyarin-amin kuanto: “No nasabi tan ya agew, poteren koy pakon walad tenger da tan ekalen koy akagolunggolung ed sikara. Ag la rad satan aripenen na saray taga arum a bansa.

Jeremias 48:17

“Panermenan yo man a bansa, sikayon manaayam ed kaliber-liber to, amin yon makaamta ed inkabantug to; Kuanyo, ‘Apoter lay makapanyarin panooley na Moab; naandi lay kagalangan tan biskeg to.’

Levitico 26:13

Siak a Katawan a Dios et impaway to kayo manlapud Egipto pian ag ka yo la naaripen. Pinoter koy pakayarin angitelmer ed sikayo tan inabuloyan ta kayon manakar a maptek so kaoloan.”

Nahum 1:13

Panganggaen ko la natan so panooley ed sikayo na Asiria tan paksoten ko lay golunggolung a nisinger ed sikayo.”