Isaias 9:3 - Maung A Balita Biblia

³ Initdan mo ray baleg a gayaga, Katawan; impagmaliw mo ran maliket. Magayaga ra lapud saray ginagawam; singa saray totoon maliket no manaani ra, odino singa ra saray manaapag na asamsam dan kayamanan.

Maung a Balita Biblia

³ Initdan mo ray baleg a gayaga, Katawan; impagmaliw mo ran maliket. Magayaga ra lapud saray ginagawam; singa saray totoon maliket no manaani ra, odino singa ra saray manaapag na asamsam dan kayamanan.

Isaias 9:3 Iomraidhean Croise

Nehemias 9:23

Initdan mo ray anak a say karakel da et singa karakel na bitewen ed tawen; inyabuloy mon nadakep da tan napanayaman da so dalin ya insipan mon iter ed saray lalaki ra.

Say Libro nen Job 12:23

Pagmamaliwen ton mabiskeg tan matalonggaring iray bansa, insan tataloen tan dederalen to ra.

Saray Salmo 107:38

Binindisionan to ray totoo to et nanaanak iray amayamay; ag to inabuloyan ya ondaiset iray baka ra.

Saray Salmo 119:162

Agaylay liket ko lapud saray sipan mo, a singa toon akalmoy baleg a kayamanan.

Saray Salmo 4:7

Balet say liket ya inter mod siak et baleg ni nen say liket da anggaman a daakan so pilak tan alak da.

Isaias 10:26

Siak, say Katawan a Makapanyarin-amin leweten ko ra a singa samay impanlewet kod saray totood Madian diad Baton Oreb. Dusaen koy Asiria a singa impanusak ed Egipto.

Isaias 12:1

Onsabiy agew a saray totoo mankanta ra: “Idadayew ta ka, Katawan! Mamapasnuk kad siak nen saman, balet natan liligliwaen mo ak tan ambetel lay olom ed siak.

Isaias 14:5

Inekal la na Katawan so pakayari na saray maoges a manoley,

Isaias 25:9

No nagawa la ya, say balang too ikuanto, “Sikatoy Dios mi! Nanmatalek kami ed sikato, kanyan inyagel to kami. Sikato so Katawan! Nanmatalek kami ed sikato, et natan maliket tan magayaga kami lapud inyagel to kami.”

Isaias 26:15

Katawan, sika so amabolaslas ed bansa mi; pinabaleg moy nasasakopan ton dalin ed inerman a dapag; et angiter ya ed sikay kagalangan.

Isaias 35:10

Magayaga ran makasabid Jerusalem, mangankanta tan maneyag-eyag irad liket da. Manliket iran ando lan ando, naandi lan anggad angga so ermen tan dageyem.

Isaias 35:2

Mankanta tan maneyag ed liket so kalawakan; magmaliw a marakep a singa Saray Palandey na Libano tan mataba a singa saray kaalogan na Carmelo tan Saron. Nanengneng na balang sakey a too so kagalangan na Katawan, say inkatalonggaring to tan say pakapanyari to.

Isaias 54:1

Jerusalem, singa ka biin lepes, balet natan makapankanta tan makapaneyag ka lapud liket. Nawalaan ka natan na saray anak a dakel ni nen saray anak na biin ag balut tinaynan na asawa to.

Isaias 55:12

“Maliket kayon ontaynan ed Babilonia; mareen kayon nipaway ed siudad. Mankanta ray kapalandeyan tan saray kapokdulan, tan mantipak ed liket iray kakiewan.

Isaias 61:10

Manliket so Jerusalem lapud ginagawa na Katawan. Sikatoy singa nubian akasolung na kawes a para kasal to. Say Dios kinawesan to na kilalaban tan pananalo.

Isaias 61:7

Angangga lay kababaingan tan say inkaandian yoy kagalangan. Manayam kayod dilin dalin yo. Tan nadoblian so kayamanan yo; Mansiansiad ando lan ando so liket yo.

Isaias 65:14

Mankanta rad liket, balet manakis kayo lapud sakit na pagew.

Isaias 65:18

Ando lan andon manliket tan manggayaga kayo komun ed palsaen ko. Say balon Jerusalem a gawaen ko et napano na liket, tan manliket iray totoo to.

Isaias 66:10

Miliket kayod Jerusalem; manggayaga kayo para sikato, amin yon mangaaro ed sayan siudad. Miliket kayo natan ed sikato, amin yo a nanermen lapud sikato!

Jeremias 31:7

Say Katawan kuanto, “Mankanta kayod liket para Israel, say sankatalonggaringan ed saray bansa. Kanta yoy imno na panangidayew, ‘Inyagel na Katawan iray totoo to, inliktar ton amin iray akeraan.’

Oseas 4:7

“No panoy idadakel yon papari, ontan met so idadakel na kasalanan yo, kanyan pagmaliwen kon kababaingan so kagalangan yo.

Levitico 26:13

Siak a Katawan a Dios et impaway to kayo manlapud Egipto pian ag ka yo la naaripen. Pinoter koy pakayarin angitelmer ed sikayo tan inabuloyan ta kayon manakar a maptek so kaoloan.”

Zacarias 10:8

“Tawagen ko ray totook tan pantitiponen ko ra. Ilaban ko ra tan pagmaliwen ko ran dakerakel a singa samay gendat a karakel da.

Zacarias 2:11

Diad satan a panaon dakerakel iray bansan onsingger ed Katawan tan magmaliw iran totoo to. Manayam ed kawalaan yo, et nabirbir yo ya imbaki to ak ed sikayo.

Zacarias 8:23

Diad saratan ya agew saray samploran sangkaili onla rad sakey a Judio tan ikuanda, ‘Mikasakey kamid sika, lapud nadngelan min walad sika so Dios.’”

Lucas 11:22

Balet no labanan tan taloen na lalon mabiskeg nen sikato, naala ni ra may armas a nanmatalkan to, tan apagen na sayan matakew iray tinatakew to.

Saray Gawgawa 8:8

Kanyan awalaay baleg a liket iman a siudad.

FILIPOS 4:4

Manliket kayo lawas ed Katawan. Oliten ko: manliket kayo!

1 Pedro 1:8

Anggaman ya ag yo anengneng, aaroen yo. Anggaman ya ag yo nanenengneng natan, manisia kayod sikato. Kanyan manlepwad puso yoy baleg a liket ya ag nayarin ibalikas,

Saray Huis 5:3

Dengel kayo, sikayo ran arari! Talineng kayo, sikayo ran manoley! Kantaan tan togtogan ko so Katawan a Dios na Israel.

Saray Huis 7:22

Legan a papaknulen na saray totoo nen Gedeon so trumpita ra, impanlalaban na Katawan ira may sondalo na kalaban; nandodoyukan iray ispada. Binmatik iran amaarap ed Cerera ya anggad Bet-sita, anggad baley na Abel-mehola ya asingger ed Tabata.

Saray Huis 8:12

Batik ira may duaran arari da ray Madianita, balet inosilan ira nen Gedeon tan adakep to ra; lapud saya agewgew ya amin iray sondalo ra.

1 Samuel 30:16

Inibaan to sirin si David a mananap ed sikara. Akaykayat ed nandoroman pasen iray dinmogpa tan malikeliket iran manaakan tan maniinom, lapud karakel na asamsam dad dalin na Filistia tan Juda.