Isaias 9:17 - Maung A Balita Biblia

¹⁷ Ag yabuloy sirin na Katawan a makabatik so siopaman ed saray tobun-balo, tan ag to kasian so siopaman ed saray balo tan saray olila, lapud anggapoy Dios da ray amin a totoo tan maoges ira tan kaogsan ya amin so sasalitaen da. Anggaman ontan ag ni ontonda so pasnuk na Katawan, no ag ingen siansia nin akaonat so lima ton manusa.

Maung a Balita Biblia

¹⁷ Ag yabuloy sirin na Katawan a makabatik so siopaman ed saray tobun-balo, tan ag to kasian so siopaman ed saray balo tan saray olila, lapud anggapoy Dios da ray amin a totoo tan maoges ira tan kaogsan ya amin so sasalitaen da. Anggaman ontan ag ni ontonda so pasnuk na Katawan, no ag ingen siansia nin akaonat so lima ton manusa.

Isaias 9:17 Iomraidhean Croise

Say Libro nen Job 15:34

Anggapoy nakeraan a kabyangay boleg na saray totoon anggapoy Dios da, tan deralen na apoy so abung a nipaalagey lapud pasoksok.

Saray Salmo 109:12

Anggapo komuy mangasid sikato; anggapo komuy mangasikasod saray nataynan ton olilan anak to.

Saray Salmo 147:10

Say Katawan aliwan maliket ed mabiskeg iran kabayo; aliwa met a magayagad saray masebeg a sondalo;

Isaias 1:4

Nadudusa ka, sika a makasalanan a bansa, sikayon marotak tan maoges a totook! Ikokotep ka na saray kasalanan mo! Impolisay moy Katawan a masanton Dios na Israel tan imbeneg mo.

Isaias 10:2

Ontan so panesebel yod saray mairap-bilay ed pakagamur dad saray kanepegan tan say katonungan da. Ontan so pangaala yod saray kayamanan da ray balo tan saray olila.

Isaias 10:4

Napatey kayo ed bakal odino naala kayon priso. Anggaman ontan ag ni ontonda so pasnuk na Katawan, no ag ingen siansia nin akaonat so lima ton manusa.

Isaias 10:6

Imbakik so Asiria ya ondogpa ed sakey a bansan anggapoy Dios to, diad saray totoon amapetang na olok. Imbakik iray taga Asiria a mansamsam, mantakew, tan mangigatin-gatin ed saray totoo a singa ra dotak ed saray dalan.”

Isaias 13:18

Pateyen dad pana iray tobun-balon lalaki. Ag da kasian iray ogogaw.

Isaias 14:20

Nipompon ka ya aliwan singa saray arum ya arari, lapud dineral moy bansam tan pinapatey mo ray dilin totoom. Napatey ya amin iray maoges a kabyangay pamilyam.

Isaias 24:5

Dinotakan na saray totoo so mundo diad insusumlang dad saray ganggan na Dios tan diad impandederal dad andi-anggaan a sipanan.

Isaias 27:11

Amagaan iray sanga na saray kiew tan apoter-poter ira; saray bibii aalaen da ra yan itongo. Lapud anggapoy atalusan na saray totoo, ag ira abageyen o kasian na Dios a Manamalsa ra.

Isaias 3:8

On, aderal la so Jerusalem! Abagbag lay Juda! Sumpad Katawan iray amin a sasalitaen tan gagawaen na saray totoo ra; maparontal dan papabaingan so Dios.

Isaias 31:2

Amta na Katawan so gagawaen to! Mangyaakar na deral. Susumpalen to so sinalita to a dusaen iray maoges a totoo tan saray mangyaagel ed sikara.

Isaias 31:3

Aliwan Dios iray taga Egipto—totoo ra labat. Aliwan makapanyari iray kabayo ra. No onggalaw so Katawan, natumba so mabiskeg a bansa tan say tinulongan ton makapoy a bansa. Naderal iran dua.

Isaias 33:11

Mamplaplano kayo na saray andi-kabaliksan tan anggapoy kana iray gagawaen yo. Say ispirituk et singa apoy a maneral ed sikayo.

Isaias 33:12

Nabuyak kayon singa saray baton-dampay a pinoolan a gawaen a dena; natemek kayon singa saray sabit a pinoolan a padapolen.

Isaias 40:30

Onkapoy iray anggan malangwer ni; napunaw iray totoon kabisbiskegan da.

Isaias 5:24

Kanyan natan, no panon a napoolan so dayami tan amagan dika, ontan met a naboluk iray lamut yo tan namagaan iray rosas yo, insan ira itikyab na dagem, lapud impolisay yoy imbangat ed sikatayo na Katawan a Makapanyarin-amin a masanton Dios na Israel.

Isaias 5:25

Mamapasnuk so Katawan ed saray totoo to tan inyonat toy lima ton manusad sikara. Nayegyeg iray kapalandeyan, tan natilak a singa dotak ed saray dalan iray bangkay da ray ompatey. Anggaman onyay nagawa ag onkepay pasnuk na Katawan, tan siansian akaonat niy lima ton manusa.

Isaias 62:5

Singa sakey a balolakin mangaasawa na sakey a birhin, Say anibokel ed sika asawaen to ka. No panoy panliket na nubio ed nubia to, Ontan met so panliket ed sika na Dios mo.

Isaias 65:19

Manliket ak met lapud Jerusalem tan saray totoo to. Anggapo lad man naaniy manaakisan tan say ontawag ya onkerew na tulong.

Isaias 9:12

Say Siria ed bokig tan say Filistia ed sagur sinmangi ran mangakmun ed Israel. Anggaman ontan ag ni tinmonda so pasnuk na Katawan, no ag ingen siansia nin akaonat so lima ton manusa.

Isaias 9:21

Saray totood Manases tan saray totood Efraim et manlalaban ira, tan mammomoyung iran ondogpa ed Juda. Anggaman ontan ag ni ontonda so pasnuk na Katawan, no ag ingen siansia nin akaonat so lima ton manusa.

Jeremias 18:21

Balet natan, Katawan, gawam pan ompatey ed eras iray anak da; ipapatey mo pa rad bakal. Iyabuloy mo pan nabalo ray bibii tan naandid mundo ray anak da; gawam pan ompatey ed salot iray lalaki, tan diad bakal iray lalakin walad kalangweran.

Jeremias 5:1

Totood Jerusalem, batik kayod saray dalan yo! Nengneng kayod kaliber-liber! Nengneng yon dili! Sokimat yo ray tindaan! Makalmo kayo kasiy anggan sakey a toon manggagawa na katonungan, tan manaanap na kaptekan. No walay narumog yo, pirdonaen na Katawan so Jerusalem.

Ezekiel 20:33

“Legan a siak so mabilay a Katawan a Dios, papasakbayan ta kayo a diad gaway pasnuk ko, oleyan ta kayod biskeg na taklay ko diad intiron pakayarik.

Amos 4:10

“Angyakar ak ed sikayo na salot a singa samay salot ya inyakar kod Egipto. Pinatey kod bakal iray lalakin tobun-balo yo tan inaalak iray kabayo yo. Banget na saray bangkay ed saray kampo yo so impapasingob kod sikayo. Balet siansia nin ag kayo pinmawil ed siak.

Amos 8:13

Diad satan ya agew anggan saray mabibiskeg a lalaki tan bibii et nalemay ira lapud inkaapgaan.

Mikias 7:2

Anggapo lay nakdaan ya anggan sakey a matonung a too ed bansa, anggapo lay toon matoor ed Dios. Balang sakey a too et manaalagar na pankanawnawa ton mamatey ed kapara ton too. Balang sakey et labay ton erelen so siopaman a kadalaan to.

Zacarias 9:17

Agay lay abig tan dakep so pagmaliwan na dalin! Pabiskegen na trigo tan alak ya iter to iray tobun-balo.

Mateo 12:34

Apoliyan kayon talagay oleg! Panon kayon makapansalitay maung no maoges kayo? Ta manlapud puso so ibalikas na sangi!

Mateo 16:3

Balet diad kabwasan ikuanyo, ‘Makapoy so panaon, ta ambalanga tan malorem so tawen.’ Amta yon parlesan so panaon diad pakanengneng yoy tawen, ag yo balet natalusan iray tanday panaon natan!