Isaias 9:15 - Maung A Balita Biblia

¹⁵ Say olo et saray matakken tan gagalangen a totoo—tan say ikul et saray propitan tilay ibabangat da!

Maung a Balita Biblia

¹⁵ Say olo et saray matakken tan gagalangen a totootan say ikul et saray propitan tilay ibabangat da!

Isaias 9:15 Iomraidhean Croise

1 Saray Arari 13:18

Insan inkuan na samay masiken a propitan taga Betel, “Propita ak met a singa sika, tan diad ganggan na Katawan inkuan ed siak na anghil ya itagar ta kad abung ko, ta sangkailien ta ka.” Balet mantitila may masiken a propita.

Say Libro nen Job 22:8

Inkanam so pakayarim tan kipapasen mo pian naalam so intiron dalin.

Isaias 19:15

Anggapoy Egipsion makatulong, mayaman may mairap-bilay, abeba may atagey so kipapasen to.

Isaias 23:9

Say Katawan a Makapanyarin-amin so angiplano. Implano to ya, pian napatonda toy panagpaatagey da ray taga Tiro ed saray agawgawaan da tan ontan met pian napaabeba to ray gagalangen dan totoo.

Isaias 28:15

Ipapanta yo ya akisipanan kayo ed patey tan akipaknaan kayod pasen a panaayaman da ray inaatey. Ag yo panduaduarowaan a napaliisan yoy deral no onsabi, lapud manmamatalek kayo ya iyagel kayo na saray tila tan saray palikdo.

Isaias 28:17

Say inkatonung so mitro a panukat ed samay pundasion, tan say kaptekan so patawin to.” Say oran a kristal so mangyanur ed saray tilan panmamatalkan yo, tan deralen na delap so salimbengan yo.

Isaias 28:7

Abuek iray pati propita tan saray papari, kanyan mandongilngil ira. Mapalaloy karakel na nainom dan alak, kanyan mantumba ra tan ag da amtay gagawaen da. Akainom a maung iray propita, kanyan ag da natalusay pasingayew na Dios, tan saray papari et mapalaloy inkabuek da, kanyan aliway sintinsia ra ed saray kason niaapireng ed sikara.

Isaias 29:10

Impantemeg kayo na Katawan, ngalngali kayo la makalirep na malmalet. Saray propita so nepeg komun a pinagkamata na saray totoo, balet pinerengan ira na Dios.

Isaias 3:12

Papairapen na saray managpaabang na kuarta iray totook tan sasaolen ira na saray akautangan da. Totook, ibabalang kayo na saray pangulo yo, kanyan ag yo amta no iner so laen yo.

Isaias 3:5

Mampapairapan tan manlalamesan so balang sakey ed sikara. Saray tobun-balo ag da pagalangan iray pangulowan da, tan saray andi-kakanaan a totoo ag da italtalek iray walad pakaoley.

Isaias 43:27

Say sankaonaan a lakim et nankasalanan; nankasalanan ed siak iray pangulom,

Isaias 5:13

Lapud saya, naala kayon priso ed arum a bansa. Ompatey ed eras iray pangulo yo, tan ompatey ed kaapgaan iray ordinarion totoo.

Isaias 59:3

Nankasalanan kayod panagtila yo, panagduksa yo, tan panagpatey yoy too.

Isaias 59:4

Mangisesegep kayoy kaso ed korti, balet andi kayo ed katonungan. Saray tila so panmamatalkan yod panalo yo. Papasakitan yo ray arum a totoo diad panggagawa yod saray maoges a plano yo.

Jeremias 23:32

Dengel yo so ibabagak, siak a Katawan! Sumpa ak ed saray propita a mangibabaga na saray kogip da a napnoy tila. Ibabaga da ra yan kogip da tan ibabalang da ray totook diad panamegley na saray panagtila ra tan panagpasirayew da. Ag ko ra imbaki odino ingganggan ya onla. Anggapon balut so nayarian dan itulong ed saray totoo. Siak, say Katawan, so nansalita.”

Jeremias 23:9

Nalmay so pusok, tan manggiwgiw ak. Lapud Katawan, lapud saray matonung a salita to, singa ak toon abuek, sakey a toon mapalaloy nainom ton alak.

Jeremias 5:31

saray propita tilan amin so sasalitaen da; saray papari manooley ira diad panangiganggan na saray propita, et onya so labay da ray totook a nagawa. Balet antoy gawaen da no mangangga la yan amin?”

Saray Tagleey 2:14

Tila ya amin iray imbagad sika na saray propitam; Apalingo ka na panagpulong da, ta ag dan balut imbawag so kasalanan mo. Impasisia rad sika ya ag mo nakaukolay magbabawi.

Ezekiel 13:19

Papabaingan yo ak ed arap na saray totook, pian makala kayo labat na sankaakup a sibada tan pigaran tinapay. Papateyen yo ray totoon ag da kanepegay ompatey, tan pansiasiansiaen yon mabilay iray totoon ag da kanepegay mambilay. Kanyan titilaan yo ray totook, et manisia rad sikayo.”

Ezekiel 13:22

“Diad panamegley na saray panagtila yo pabebetelen yoy linawa da ray maung a totoon ag ko labay a pasakitan. Sesebelan yo ray totoo ed pangibeneg dad saray kaogsan da tan pangilaban dad bilay da.

Oseas 9:8

Say Dios imbaki to ak a sakey a propitan mamasakbay ed saray totoo ton Israel. Balet anggan iner a laen ko, papatitan yo ak a singa sakey a manok. Diad dilin dalin na Dios saray totoo so kalaban na propita.

Amos 2:4

Say Katawan kuanto, “Nankakasalanan iray totood Juda, kanyan andi-saew a dusaen ko ra. Impolisay da ray bangat ko tan ag da inonur iray ganggan ko. Imbalang ira na saray tila-tilan diriyos a nanlilingkuran na saray lalaki ra.

Mikias 3:5

Saray totook et apalikdo ra na saray propitan mangisisipan na kareenan ed saray mambabayar ed sikara, balet tataktakoten dad bakal iray ag mambabayar. Say Katawan kuantod sarayan klasiy propita,

Malakias 2:9

Kanyan abuloyan kon balawen kayo na saray totood Israel lapud ag yo oonuren so linawak, tan no bangatan yo ray totook wala ray lalabien yo.”

Mateo 24:24

Ta dakel iray tila-tilan Cristo tan tila-tilan propita ya onsabi. Manggawa ray ankakabaleg a tanda tan pakelaw pian napalingo ra, no nayari, iray totoon piniliy Dios.

Mateo 7:15

“Manalwar kayod saray tila-tilan propita. Omparontal irad sikayo a singa ra karniro balet, diad tuay tua, singa ra asod katakelan.

1 Juan 4:1

Inararo, ag yo nepeg a sisiaen iray amin a mangibabagan walad sikaray Ispiritu, no ag ingen sobuk yo ni ra no kasin say ispiritun walad sikara et nanlapud Dios. Ta amayamay a tila-tilan propita so linmetaw lad intiron mundo.

Puyan 19:20

Narel imay ayep, pati samay tila-tilan propita a nanggagaway milagro ed arap to imay ayep. (Sarayan milagro so impamalikdo tod saray walay marka na ayep, tan saray angigagalang ed talintaoy ayep.) Samay ayep tan samay tila-tilan propita nibantak iran mabilay ed dayat a manliub ya asupri.

1 Samuel 9:6

Inmebat imay aripen, “Alagar ka! Walay sakey a toon masanto ed sayan baley. Bibirbiren da yan too, ta ontutua ray amin ya ibabaga to. Laen ta, ta ag la pigan nibaga to no iner so pakalmoan tad saramay asno.”